السلام عليكم اخواتي ....... المهم انا اليوم راني حسا روحي كبرت10سنين كنت حاسبة العزيز والصديق عمره ما يتبدل ولا ينسى اجمل ايام العمر وذكريات الطفولة :sadwalk:غادي ندخل في الموضوع وفرغ لخوتي قلبي ليوم كنت رايحة لوبيتال ويارتني مارحت ايا في الطريق نمشي غير وحدي وركوا تعرفو الصباح والمرال كفاش يكون داير المهم وانا نمشي طلعت راسي حتى نشوف في واحد الطفلة كانت صديقة العمر وشاءة الاقدار هما رحلو لمدينة اخرى وجات اليوم تخرج في واحد لوراقي من لاميري انا من شفتها في دقيقة رجعت كل ايام الطفولة والذكريات البريئة ومحسيتش بروحي حتى لقيت روحي عندها نديلها باسم الصغر كنا نادو بيه بعضانا وكانت الفاجعة الكبرى :scared:قاتلي شكون نتي واش حابة مع الصباح الله شفت فيها وقلت بلاك راني غالطا ومعد نديتها باسمها يخي انت فلانة كنتي ساكنة في الحي لفلاني و كان عندك اصدقاء فلانة وفلانة....الخ قاتلي واه بصح جامي عرفت هدو الناس وانت متقليليش راكي عاد تامني بهدي الخرفات ذكريات طفولة وتفيش ضرك رانا في زمان المصالح عندك راكي حبيبتي وكلشي معندكش عمري ما شفتك:schmoll: والله يا خواتي حسيت نصي طاح حكمتني غصة قتلها المهم شفتك وراكي لاباس هدا مكان ...... قاتلي صاي كملتي راه عندي شغل قتلها سمحيلي وبارك الله فيك