العجينة
نص كيلو زبدة
200غ سكر بودرة
نص كاس حليب
بيضة
ملعقة خميرةحلويات
فانيلا
دقيق ابيض حسب الحاجة
الحشو
جوز هند
كاكاو
التزيين
شوكولا اسود
وردات حلويات
شعيرية حلويات بالشوكولا
ندخل على الطريقة يا بناوت
نحط الزبدة والسكر في الخلاط
ونخلط جيييدا حتى نتحصل على خليط مبيض كريمي
نضيف عليه البيضة والحليب والبيكن باودر والفانيلا
على التوالي مع الخلط المستمر
وفي الاخير نضيف الدقيق بالشوية
حتى نتحصل على عجينة لينة ماتلصقش في اليدين
نص كيلو زبدة
200غ سكر بودرة
نص كاس حليب
بيضة
ملعقة خميرةحلويات
فانيلا
دقيق ابيض حسب الحاجة
جوز هند
كاكاو
شوكولا اسود
وردات حلويات
شعيرية حلويات بالشوكولا
ندخل على الطريقة يا بناوت
نحط الزبدة والسكر في الخلاط
ونخلط جيييدا حتى نتحصل على خليط مبيض كريمي
نضيف عليه البيضة والحليب والبيكن باودر والفانيلا
على التوالي مع الخلط المستمر
وفي الاخير نضيف الدقيق بالشوية
حتى نتحصل على عجينة لينة ماتلصقش في اليدين
راح نحتاج لجرارة وورقة عرضها 6 سم
الهدف منهم قص مربعات متساوية
نفرد العجينة رقيقة شوية ونقص بالجرارة المربعات
اللي طول ضلعها 6سم
كيف كانت احوال الرياضيات والهندسة معاكم
ههههههههه
ونكمل حتى نعلم كل العجينة
ونحاول ننحي الزوائد بهاد الشكل
ونكون محضرين خليط جوز الهند مع الكاكاو
نرشوه على كل المربعات بهاد الشكل
ونلف واحدة واحدة كما في الصورة
ونخبزهم في فرن مسخن مسبقا على حرارة 180 او اقل للناس اللي فرنها ساااااخن
لما يخرجو من الفرن ويبردو
نبدا التزيين ناخدلهم غطس في الشوكولا
وبعدين نحط شوية شعيرية حلويات على الجناب ووردة في الوسط
ونحطها على بلاستيك الهدف منه منع التصاق الشوكولا لما تجف
جمييلة يا بنات لا...
شفتوها من داخل كيف تكون
مثل السويس رول
