قاطو العييد.........

ع

عربية6

:: عضو مُشارك ::
إنضم
16 جوان 2009
المشاركات
468
نقاط التفاعل
28
النقاط
17
:up:

مساء الانوار

صحا فطوركم

ان شاء الله تكونوا بخير خياتي

الحمد لله رجعنا اجتمعنا في لمتنا .......ربي يدومها نعمة

جبتلكم تشوفو لقاطو تاعنا تاع العيد

صنعتها مع امي

مافيهاش الابداع بزاف....لانو ماما راهي دا شعال ماخلطتش فهاد دومان
كانت ديما تتكل على اختي المبدعة.......و اختي حنونتي تزوجت...ربي يهنيها

الوغ الصيام و السخانة بديت غي نلوي انا و ماما

هاهم لي فوطو و اعطوني رايكم

an3m1.com_13449790491.jpg



المقروض و حداه صابلي و تزيد البقلاوة و حداها قاطو ماطبش هاديك
و المربع الابيض الوصفة دارتها وحدة من البنات فالملتقى-مانيش شافية عليها -تلصق بالكريمة

و في الوسط هاداك كحلوش و قلبو ابيض + قنيدلات

an3m1.com_13449790492.jpg


an3m1.com_13449790493.jpg



تعيدوا بالصحة ان شاء الله

تحياتي

:regards01:​
 
حالياً الأعضاء النشيطين الذين يشاهدون هذا الموضوع : 2 (2 عضو و 0 ضيف)
‏عربية6, ‏Fethi.dz




راك معروض يا الشيخ

مرحبا
 
ياطيك الصحة يا شاطرة راكي مراة ونص

انا مازالني حتى دك ما بدينا والو يكفينا الوقت ان شاء الله منا للعيد

عجبني هاذاك تع شيكولا يشبه لبنيون ممبعد شرفينا بلاغوسات بلاك نجربو باين شباب

تحياتي
​
 
اهلا حنونتي صحا فطورك
ماشاء الله هذا كل وتقولي غير تلوي
ومكاش الابداع واش نقولك كل صبع بصنعة
تبارك الله عليك وربي يخليلك لميمة لعزيزة
صراحة عجبوني الحلويات يعيطك الصحة
تكلوهم بالصحة و الهناء يارب
ايه متنسينيش برك وين كاين الشيكولا
ابعثي منا لختك يالحنونة راكي تعرفي
ربي يهنيكم يالغالية وسلامي للوالدة
​
 
يعطيك الصحة حبيبة
جزيل الشكر لكِ
تحيآآآآآتي الفائقة..


​
 


السلام عليكم

شابين
مي انا ناكل منهم برك المقروض + بقلاوة

القاطو لي ناكلو انا تعرفو مامايا برك ^^
​
 
قال عربية6:
حالياً الأعضاء النشيطين الذين يشاهدون هذا الموضوع : 2 (2 عضو و 0 ضيف)
‏عربية6, ‏fethi.dz




راك معروض يا الشيخ

مرحبا
إضغط للتوسيع...

السلام عليكم

يعطيكي الصحة اختي عربية6

بالهناء و كل عام و انتي بخير
 
الله يبارك قاطوات تاع حُرّة
تسلم الايادي ختي
الفحلة
*******
ممكن لاروسات تاع القاطو لي بالشوكولا؟
​
 
آخر تعديل:
اكلو بصحتكم
اعطيني لاغوسات تع اللي بالشيكولا
 
بارك الله فيكم احبابي

......

ماعرفتش وينها تاع الشيكولا اللي قاصدينها؟؟؟؟

تاع كحلوش و قلبو ابيض ولا اللي ماطيبش؟؟؟

قولولي باه نحط لاغوسات

:regards01:
 
قال عربية6:
بارك الله فيكم احبابي

......

ماعرفتش وينها تاع الشيكولا اللي قاصدينها؟؟؟؟

تاع كحلوش و قلبو ابيض ولا اللي ماطيبش؟؟؟

قولولي باه نحط لاغوسات

:regards01:
إضغط للتوسيع...


اهلا اختي صباح الخير :)
انا حابة الروسات تاع لي ميطيبش
:$
 
الله يبارك الgاطو الي خدمتوه شباب تاكلوه بالصحة

صح عيدكم^^
​
 
ممممممممممممممممم نقطة ضعفي الحلويات
ابعثيلي شوي انا خوك هههههههه ^.^
روعة يسلم الايد الى صنعتهم
​
 
قال ساندريلا زماني:
اهلا اختي صباح الخير :)
انا حابة الروسات تاع لي ميطيبش
:$
إضغط للتوسيع...



اوك يا طيبة

هاهي ليك لاغوسات
....

3 علب بيمو_ولا قاطو تكون مليحة انا زدت معاها اللي لاصقة بشيكولا
3 قوفريط
كاس حليب بودرة محيرة ...يعني درتها في pلا فوق النار حتى ولا اللون تاعها قريب بني
وكاس فرينة ثاني محيرة..
كاس كاكاو مرحي ناااعم
و كاس جلجلان مرحي ناعم ثاني
2 علب شوكولا ذايبة_انا نبغي الذوق تاع مينا الوغ درت مينا الباكي الكبيرة
و حلوة الترك_المقدار كيما تحبي
+ عسل+ كونفيتيغ باه تتلم و تتماسك العجينة
و تقدري تزيدي ماء الزهر غير عبر فنجان

بداي تلمي فيها ماغاديش تخرجلك كي العجينة
على ديك تحيري كي ديريلها الشكل
روحي جيبي كاش pلا عندك _عينك ميزانك على حساب كمية الخليط اللي خرجلك
ادهنيه بالزيدة و وزعي داك الخليط فيه بالتساوي
ممبعد خبزيه بيدك باه يرجع السطح تاعو مستوي

و قطعيها مربعات ولا كيما تبغي

و التزيين كيما تحبي
انا درتلها شوكولا préparé
و كي نشفت زدتلها
مبشور شيكولا ثاني
البيضاء و السوداء

كنت باغية داك التزيين على شكل كادو و امي مابغاتش هههه المعلمة تاعي

ان شاء الله تكوني فهمتيني شوشو خيتي
و صوريلنا شاوجدتي للعيد...

كاش حاجة ولا اني هنا

تعيدي بالصحة حنونة

:regards01:​
 
يعطيك الصحة ختي
 
:up::up::up:رووووووووووعة تسلم ايدك:up::up::up:
 
شكرا اختي بزااااف على الوصفة
سلامي

​
 
حلويات مخدومة بالطبع ..ربي يحقظك اختي​
 
الله يبارك عليك ختي قاطواتك يشهو
انا نحب تع الشوكولا بزاف
مرسي وصحا عيدك مسبقا تعيدي بالهنا ان شاء الله

سلآمي​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top