- إنضم
- 7 فيفري 2009
- المشاركات
- 1,806
- نقاط التفاعل
- 1,883
- النقاط
- 111
السلامـ ورحمة الله تعالى وبركاته
واش راكمـ يا ناس الخير ان شاء الله تكونوا كامل هانيين ولاباس عليكمـ
عندى بزااااافـ مكتبتش هنا ولهيه ثان :d واليوم وانا قاعدة حتى جا فى راسي موضوع :s وانا بدورى جيت باش نتقاسموا معاكمـ اذا حبيتوا طبعا :-r
نبداو على بركة الله
الانترنت هذى المخلوقة العجيبة للى ولات محرك العصر للى راانا فيه وطبعا كامل نعرفوا بلي هى سلاح ذو حديين فيها لمليح كيما فيها القبيح
المهمـ يا سيدى اليوم وانا قاعدة حتى تفكرت بلى عندى راه 7 سنين عشرة مع هاذ المخلوقة للى قلتلكمـ عليها :-o وطبعا هذى فترة ماشي قليلة
مى كي تفكرت هاذ الشيء طاحلى المورال على خاطر لقيت روحى مستفدت حتى حاجة باينة خلال سبع سنين صح ديت معلومات تعرفت على ناس مى ماشي حاجة كبيرة و بالعكس لقيت روحى بلى ضيعت وقتى فى الباطل انا كنت كل مرة نقول هاذ الصيف يليق ندير عفسة مليحة ونستفاد من النت مى :down: هدرة برك
par contre كاين ناس قدروا يتعلموا منها لغة ولا يقراو منها ولا يربحوا دراهم ولا يكونوا صداقات حقيقية وكاين للى حتى زوجوا عن طريق النت وكيما كاين هاذو كاين ثان للى داو منها غير الجانب السلبى
المهم ضكا حبيت نعرف انتوما شحال عندكم وانتوما فى الانترنت وهل قدرتوا تربحوا منها حاجة مهمة وواش هى هاذ الحاجة ولا غير مضيعة للوقت
وفى الاخير تهلاو فى رواحكمـ وان شاء الله منكونش طولت عليكم بزافـ
ملاحظة
الموضوع هذا كتبتوا قبيل من بعد كي كملتوا وعولت ندير اعتمد الموضوع طفا الميكرو كنت حا نهبل
مى درت الكوراج وعاوتوا
ملا متحشومونيش وردولى عليه مسكين
الموضوع هذا كتبتوا قبيل من بعد كي كملتوا وعولت ندير اعتمد الموضوع طفا الميكرو كنت حا نهبل
ملا متحشومونيش وردولى عليه مسكين
ايا فى امان الرحمان
آخر تعديل بواسطة المشرف: