كريات الارز بالجبن

المقادير
كاس و نصف ارز ابيض غير مفور
حبة او حبة ونصف بيض
قطع جبن picon ou chef
قطع ابيض الدجاج مطهي( انا استعملت الدجاج اللي طيبتو في الحريرة)
ثوم و بصلة صغيرة محكوكين
ملح-فلفل اسود-جوزة الطيب-زعفران-معدنوس مقطع
ملعقة جبن غرويار مبشور(اختياري)

التحضير

في قدر حطي ماء و ملعقة صغيرة ملح و كي يغلي حطي الارز و حركيه....و خليه حتى ينضج و يتعجن(حوالي 45دقيقة)....صفيه في كسكاس بلا ما تشليليه بالماء الباردو خليه يقطر
في اناء عميق قطعي الدجاج الى قطع صغيرة ضيفي عليها البصلة و التوم المحكوكين -وزيدي الارز بعدما يكون قطر مليحالبهاراي و جبن غرويار...ثم البيض..خلطي مليح ..لازم تكون العجينة طرية مشي سائلة باش تقدري تحكميها بيديك و تشكليها
في هده المرحلة مهم جدا انك تدوقي العجينة باش تظبطي الملح
تاخدي كمية صغيرة في يدك و تحطي فيها قطعة صغيرة من جبن طري و قفلي عليها و عمليها على شكل كرة و رمديها في الخبز المرحي و قليها في الزيت
ملاحظة
ادا كان تشكيل الكريات صعب حطيها في التلاجة 30قيقة باش تساعدك
لما تحطيها في المقلاة ما تلمسيهاش حتي يحمارو الجوانب قلبيها
اعتدر عن عدم تصوير المراحل و نوعدكم نحطهم في المرة القادمة.....انا فضلت نقدمها مع حريرة كيما في الصورة

شهية طيبة

شكرا لك
الله يبارك فيك

الله يسلمك اختي

يعطيك الصحة