السلام عليكم ورحمة الله وبركاته
نتمنى تكونو بخير كل أهل اللمة
اليوم قررت نحكيلكم قصة من طفولتي وألي كانت كلها مغامرات ونصارحكم ماني نادمة على حتى لحظة عشتها
بدات قصة هروبي من وحد النهار
كان في عمري حوالي 04 أو 05 سنوات هذاك اليوم كان رائع مشمس يعني نتاع تحواس
فطرنا وكملنا وقفزت نجري عند بابا نحلل فيه باه نخرجو للماناج بن عكنون ولا لافوار
وللأسف بابا رفض وقالي عندي خرجة
قتلو نجي معاك قالي ماعند وين تروحي راني رايح للحمام أنا وجدك
زدت قفزت عند ماما حللتها باه تقنعو قاتلي لالا
خلي في نهاية الأسبوع ونروحو نحوسو
هذا تسببلي بالإحباط وخلاني نبكي ونتخبى في شمبرتي
قعدت نخمم ونخمم وخمم حتى جاتني فكرة شيطانية
واحنا كي كنا نتخباو نروحو تحت السرير
ههههههه
ماأجملها الطفولة
نكمللكم رحت لماما قلتلها ماما نروح عند الجارة نلعب معاها معليش؟؟؟
قاتلي لالا راهي 02 الناس راقدة يعني الظهيرة
قلتلها يالله نخرجو قاتلي رايحة ندوش غلقت عليا باب الزنقة ودخلت
وبديت انفذ في خطة الهرووووووب
بعدما انشغلت ماما بالغسيل جبت كرسي عالي وفتحت السيكيريتي
وقلعت نجري ولا واحد جابلي الخبر
أول بلاصة رحت ليها هي للحمام قلت نلقى بابا وجدو لتم دخلت وسقسيت عليه قالي صاحب الحمام لالا باباك ماهوش هنا
شديت الرحال وقلت كذبو عليا أمالا نحوس وحدي
رحت نمشي نمشي ونمشي ومانيش عارفة وين رايحة كنت وين نشوف جعلولة نروح نلعب
أمبعد مليت بويسك وحدي والحالة فارغة
قلت نكتشف بلايص وحدوخرين كملت نمشي حتى وصلت لود المكان قاعدة نشوف فيه وحبيت نعرف واش فيه دخلت لقيت الرمل نحسابو كسكس جبت ساشي وقاعدة نلم قلت ندي لماما طيبهولنا عشية :yahoo01:
وهذاك المكان هو حانوت كانو يبنو فيه :d
كلما نجوز عليه ذرك نبدا نضحك
نكمل القصة
لعبت حتى شبعت
والقيامة قايمة عليا فالدار بابا كان في ALG عيطولو مسكين حرق الطريق
والجيران وولاد الحوما ألي عندو طوموبيل كامل خرجو يحوسو عليا
وأنا كي بقيت وحدي وماعرفتش نولي للدار رقدت فوق الرمل
حتى نلقى بابا والناس كامل يجرو ليا يحسابوني ميتة :-r
كي حليت عينيا نلقى بابا يبكي ويعنق فيا
وكي رحت للدار ورجعوني تقول جنازة ماما لابسة حجاب أسود ومغمي عليها فالكولوار والجيران كامل دايرين عليها ماعرفتش واش سرا رحت نجري باه نعنقها
جات جارتي داتني وراني شافيا بالحرف واش قاتلي قاتلي أرواحي عندي ماماك راه طالعلها القرلو للراس كي ترح نطلعك للدار
المهم بعد ماريحت شوي طلعت للدار عنقتني باستني
وخضيت طريحة شابة
أمبعد تخبيت
جاليا بابا ونصحني وقالي ماماك تحبك وخافت يسرقوك ويقتلوك ووووو
المهم ديت درس
والحمد لله ربي سترني
هاذي هي حكايتي وطوايشي
ههههه
تهلاو في رواحكم وعسوا ولادكم مليح
نتمنى تكونو بخير كل أهل اللمة
اليوم قررت نحكيلكم قصة من طفولتي وألي كانت كلها مغامرات ونصارحكم ماني نادمة على حتى لحظة عشتها
بدات قصة هروبي من وحد النهار
كان في عمري حوالي 04 أو 05 سنوات هذاك اليوم كان رائع مشمس يعني نتاع تحواس
فطرنا وكملنا وقفزت نجري عند بابا نحلل فيه باه نخرجو للماناج بن عكنون ولا لافوار
وللأسف بابا رفض وقالي عندي خرجة
قتلو نجي معاك قالي ماعند وين تروحي راني رايح للحمام أنا وجدك
زدت قفزت عند ماما حللتها باه تقنعو قاتلي لالا
خلي في نهاية الأسبوع ونروحو نحوسو
هذا تسببلي بالإحباط وخلاني نبكي ونتخبى في شمبرتي
قعدت نخمم ونخمم وخمم حتى جاتني فكرة شيطانية
واحنا كي كنا نتخباو نروحو تحت السرير
ههههههه
ماأجملها الطفولة
نكمللكم رحت لماما قلتلها ماما نروح عند الجارة نلعب معاها معليش؟؟؟
قاتلي لالا راهي 02 الناس راقدة يعني الظهيرة
قلتلها يالله نخرجو قاتلي رايحة ندوش غلقت عليا باب الزنقة ودخلت
وبديت انفذ في خطة الهرووووووب
بعدما انشغلت ماما بالغسيل جبت كرسي عالي وفتحت السيكيريتي
وقلعت نجري ولا واحد جابلي الخبر
أول بلاصة رحت ليها هي للحمام قلت نلقى بابا وجدو لتم دخلت وسقسيت عليه قالي صاحب الحمام لالا باباك ماهوش هنا
شديت الرحال وقلت كذبو عليا أمالا نحوس وحدي
رحت نمشي نمشي ونمشي ومانيش عارفة وين رايحة كنت وين نشوف جعلولة نروح نلعب
أمبعد مليت بويسك وحدي والحالة فارغة
قلت نكتشف بلايص وحدوخرين كملت نمشي حتى وصلت لود المكان قاعدة نشوف فيه وحبيت نعرف واش فيه دخلت لقيت الرمل نحسابو كسكس جبت ساشي وقاعدة نلم قلت ندي لماما طيبهولنا عشية :yahoo01:
وهذاك المكان هو حانوت كانو يبنو فيه :d
كلما نجوز عليه ذرك نبدا نضحك
نكمل القصة
لعبت حتى شبعت
والقيامة قايمة عليا فالدار بابا كان في ALG عيطولو مسكين حرق الطريق
والجيران وولاد الحوما ألي عندو طوموبيل كامل خرجو يحوسو عليا
وأنا كي بقيت وحدي وماعرفتش نولي للدار رقدت فوق الرمل
حتى نلقى بابا والناس كامل يجرو ليا يحسابوني ميتة :-r
كي حليت عينيا نلقى بابا يبكي ويعنق فيا
وكي رحت للدار ورجعوني تقول جنازة ماما لابسة حجاب أسود ومغمي عليها فالكولوار والجيران كامل دايرين عليها ماعرفتش واش سرا رحت نجري باه نعنقها
جات جارتي داتني وراني شافيا بالحرف واش قاتلي قاتلي أرواحي عندي ماماك راه طالعلها القرلو للراس كي ترح نطلعك للدار
المهم بعد ماريحت شوي طلعت للدار عنقتني باستني
وخضيت طريحة شابة
أمبعد تخبيت
جاليا بابا ونصحني وقالي ماماك تحبك وخافت يسرقوك ويقتلوك ووووو
المهم ديت درس
والحمد لله ربي سترني
هاذي هي حكايتي وطوايشي
ههههه
تهلاو في رواحكم وعسوا ولادكم مليح
آخر تعديل بواسطة المشرف:
