مجــــرد فضفضة 2

السلآمـ عليكــم، من جديد

ان شاء الله تكونو كامل بخير ...

كيما راكم تشوفو راني رجعت وقريت كامل ردودكم
مشكورات حبيباتي ومشكورين اخواني

__________________

الاخت روز : بارك الله فيك اختي على كلامك
وصدقيني عمري ما كرهت والديا مهما الشي لي داروه فيا ما ننساش جميلهم
صح ماما انسانة قاسية وحاولت باش نتقرب منها لكن للاسف
ممكن كيما سمعت بلي جدة الله يرحمها كانت قاسية معاهم
وتاني من خاوتي .. راكي تعرفي كي يتزوجو ينساوهم
ولات ترجع غشها الكل فيا انا
بصح الحاجة لي تعبتني وشنو هو ذنبي انا .. انا وش درت وعلاه نخلص في غلطة ما درتهاش

بارك الله فيك اختي على ردك
_____________________

الاخت ساندريلا زماني : شكرا يا غالية على ردك ... انتي تاني ربي يفرحك يا رب
صح والديا مهما كان مي محتاجتهم ... بزاف في حياتي
منيش حابة نكون عاقة لوالديا ... والله على ما اقول شهيد
________________
الاخ اسماعيل22 : مشكور اخي على دعواتك ولك بالمثل في ظهر الغيب
ربي يحفظك يا اخي والله فرحتني بردك
_________________
الاخ
Moha le sage
بارك الله فيك اخي على ردك الطيب
مشكووور ربي يحفظك و يعطيك واش تتمنى
_______________
الاخ M3TaZ eLLMa
يمكن مافهمتش قصتي مليح
اخي انا الحمد لله راح نتزوج اللي حبيتو وحبني
بعد عناء طويل وصبر ودعاء وقيام الليل
لكن الحمد لله اني توفقت وديتو
لكن مشكلتي هي قساوة الوالدة نتاعي
الله غالب عييت معاها وانا حساسة بزاااف معنديش اخت حبيتها تكون هي دنيتي وفرحتي وميمتي وكل شي
والله ندعيلها بالخير وربي يحفظها راهي امي مهما كااان
وعمري ما قلت فيها حاجة غالطة ولا خايبة بالعكس ديما نقولو يا ربي ادي من عمري واعطيلها
حنن قلبها علي برك يا رب
_______________
شكرا ليكم والله نكتبلكم ونبكي ... اليوم نظت طول بست راسها وتفكرت كلامكم وقلت ماعليش دير فيا وش تحب المهم ما نقيسهاش
قلتلها ماما راهو بقالي 25 يوم لعرسي وضحكت
والله قاتلي: روحي روحي برك راني علابالي
بلي نتعب علاجالتكم مع لخر ما يصحلي والو معاكم
تبسمت ورحت لغرفتي بكيت بكيت وقلت الله يسامحها
_________
والله راني وحدي نظف فالدار ونلايم في حوايجي معنديش حتى واحدة تعاوني
حتى نسا خاوتي منحبش نربح مزيتهم

ارجوووكم ادعولي بقالي 25 يوم لعرسي حابة برك نتهنا انا وراجلي
تاني مسكين يتيم معندوش باباه هو برك لي لاهي بكل مصاريف العرس
صح انا مرتاحة ماديا الحمد لله
لكن يخصوني حوايج معنوية .....
ادعولي وان شاء الله بعد زواجي نسجل معاكم
خصوصا اختي روز و ساندريلا حسيت فيكم طعم الاخت شكرااااا
) دموعي سبقوني)

​

السلام عليكم

الظاهر ان أمك متألمة من قلة مراعاة أولادها ليها بحيث ينساوها كي يتزوجوا وهي لي ربات وتعبت !
وهذا أصعب شي ممكن تعيشو الأم صدقيني أختي

ممكن أمك قاسية ولكن لما تجي خارجة من الدار تأكدي في داخلها رايحة تتألم بزاف بزاف
ومش راح تبين لانها تشوف نفسها لازم تكون صلبة ومالازمش تبين مشاعرها

مشاعر الأم تبقى هيا هي عمرها ماتتبدل
ولكن الانسان ظروف الحياة تخليه يخبي مشاعرو أو يترجمها بطريقة مش صح وهو مفكرها صح
للاسف هذا هو الحاصل هاذي هي العقلية ماعندك ماتبدلي فيها :smile02:

حاولي لما تتزوجي تبقي على اتصال مع امك فاجئيها مرة بهدية في عيد ميلادها وفي عيد الام و ,,و,,
الامر رايح يفرق معاها وحتى لو مابينتش لكن في قلبها تلقايها فرحااانة

الله غالب هذه هي الام نتاعك غدوة تجيبي بنوتات اعطيهم كل شي تحرمتي منو
ونبقى نقلك أمك ثم أمك ثم أمك لو تغيب هذ الشمعة من الدار لا قدر الله وقتها تعرفي قيمتها صح
لانو الان راكي تشوفي في كل شي عادي أو سيء
بعدها لاقدر الله رايح يجيك فراغ رهيب ربي يحفظلنا والدينا
فقدري ظروفها على الاقل
،،،

ربي يتمملك على خير ياعروسة هاذوم ايامات مميزين عيشي وافرحي فيهم
وارمي كل شي وراء ظهرك
ماتخلي حتى حاجة تعكرلك مزاجك خصوصا انك رايحة تتزوجي لي تحبيه
خلاص فكري في السعادة نتاعك وبسسس
وأي توتر تحسي بيه او قلقة هو شيء طبيعي ماتكبريهش لانها فترة تمر بيها اي عروسة
تتوتري وتزعفي على أتفه الأمور وتصيري تبكي بزاف
كلنا مرينا بهذ المرحلة :d

تفضلي ياعروس:regards02:

​