- إنضم
- 13 جوان 2011
- المشاركات
- 14,518
- نقاط التفاعل
- 19,207
- النقاط
- 971
- محل الإقامة
- : ♥ قلب عسكوري ♥
- الجنس
- أنثى
السلام عليكم ورحمة الله تعالى و بركاته
أهلا بحباب اللمة
راني رجعت و معايا حكاية هي متخصنيش بدرجة كبيرة بصح تخص صحبتي ربي يرحمها
كانت تقرا معايا وحدة من نفس الولاية سموها خديجة ربي يرحمها كانت بيناتنا كلمة سلام و قراية يعني منعرفهاش مليح
كان السداسي الأخير و نتخرجوا و ندو ليسانس في الامتحان الكل في القاعة إلا هي كي خرجنا قالتلي صحبتي ليوم خديجة مكانش قلتلها و الله منتبهت قلتلها اصبري نعيطلها كي عيطت رفدت عليا مي معرفتنيش كانت مخدرة دايرين ليها ابرة و بالشوية حتى صحات و قالتي راني في السبيطار رواحي ليا باغية نشوفكم قلتلها غذوة نجيك و الغذوة ديت زوج صحاباتي و رحنا ليها شفنها قلبي تقطع خرجت برا و قعدت نبكي حالتها متعجبش
لمهم بقيت ساعة على ساعة نروح ليها مع وحدة صحبتي حتى رجعت قطعة مني
قالتلي متمنية نتخرج و نموت قلتلها نوعدك تتخرجي رحت لوحد الأستاذ ربي يجازيه حكيتله الحكاية قالي هاكي العنوان المذكرة الكتب و حطيني مشرف و خدمي و جيبيلي نصحح و هدر مع لي بروف ساعدوها قلتله اقلعلي الديبلوم و عطوهلها ليها قالي تتخرج و نفرحوها الحق لي بروف gاع وقفوا معها و حقولها حلمها بصح تعرفوا شكون تخلى عليها
زوجها و صحاباتها الأنتيم السبيطار لي كانت فيه معروف في وهران هو سبيطار كبير و شايع بلاطو أملا الشيرات دايرين السبة بلي والديهم ميخلوهمش زعما يحكموا فيهم و مننساش نهار جات ليها وحدة قالتلها تخرجتي كي درتي مقيوسة في السبيطار و ديتي الديبلوم عجب طيارة :-o
و دارو عليها هدرة و حكايات لي يقول مريضة بالسرطان عفانا و عفاكم الله لي يقول مريضة بالجرب وووووووو و كامل بقاو يتهربوا منها تعيطلهم في التلفون و لا واحد يرد هي مسكينة تودع و هما حاطين حاجة أخرى
هي عانت عام و شي شهور و لاقت خالقها و نهار سمعوا بلي ماتت كامل ناضو يبكو و يشكو و دايرين رواحهم معلابالهمش بلي كانت مريضة الجامعة كامل كانت تعرف و هما مساكن و لا خبر :s
أنا مرضت و 3 أشهر و أنا فراش نتخيل في ضحكتها و كي كانت تقولي عانقيني مقدرتش نصبر عليها في جنازتها فقدت الوعي ساعة كنت دايرة بلي راح تشفى و تريح مي ربي دا أمانته عندي مدة مرحتش نزور قبرها لأن وليت نروح نبكي و نطيح تمّ حتى نصحوني باه نبطل و منروحش مننساش داك المنام جاتني تقولي امونتي علاه تبكي راني في الجنة عايشة و فرحانة متخميش عليا
مننساش نهار دخلت غرفة الانعاش حاملة مصحف في يدها و هي تعيط بالأسماء دخلت حية خرجت ميتة
توحشتها بزاف بزاف مقدرتش ننساها مرضها كان صعيب دمها ترهج و طفرت مقدرو يديرو والو مشاكل كبيرة هي لي وصلتها للمرض كاين لي يقول سحر لدرك مفهمتش مرضها
العبر من الحكاية بزاف منها : أن الدنيا توريلك بزاف حوايج ووقت الضيق يبان حبيبك من عدوك
الحكاية طويلة اختصرتها ليكم طلبولها الرحمة و طلبوا لوالديها الصبر
ماتت و مشافتش راجلها حسبي الله و نعمة الوكيل
