تعب فقط

م

مشكلتي

كلمة المرور: 4algeria2024
إنضم
19 أكتوبر 2013
المشاركات
780
نقاط التفاعل
4,360
النقاط
51
السلام عليكم

جيت نحكي شوية من وشبيا بعد ما سيطر عليا اليأس

يا ناس الصحبة ما عاد فيها نفع مشيت بنتي مع كامل الناس ميهوما ماعرفوا غير يجرحوني

كتروا العديان كترو و أنا نحبهم دوماج

منقدرش نكره

وشحال تغيضني كي نخمم فالناس وأنا حد ما يخمم فيا

بعد ما مضيت سنين مع صديقة حاسبتها أكثر من أخت

قتلتني ببرودتها وكلماتها شحااااااااااااااال عياتني وبعدها تقولي سمحيلي و نحبك

نسمحلها وبعد مدة تعاود نفس الحكاية

مدايرتني لعبة وتمشي بيا كيما تحب وأنا ديما إيه السماح

وكي نشوفها تضحك معايا ننسى كلش ونضحك ونحكي كيما العادة

حاسة روحي وحدي منيش لاقية ولا وحدة حدايا

صح نبان بزاف عندي صحاباتي حتى هنا فاللمة و يبانو عندي صحاباتي بزاف

صح يبانو يحبوني صح بارك الله فيكم مي والله راني نحس روحي وحدي حتى كي نغيب مايحسوليش

خسارة

أنا تعبت بزاف بزاف بزاف باختصار منحبش كامل يعرفو الناس وشبيا ...

وشكرا
​
 
رد: تعب فقط

تم الاعتماد
مش كل الناس تستهل اهتمام
اول الناس لي لازم تهتمي بيه هو نفسك
و بعدها الاخرون
ما تحوسيش على رضى الناس عليك لانك مش رح تلقايه
و العفوية لي تمشي بيها نقصي منها شوي
لانها تضرك اكثر ملي تفعك
ربي يجيب الخير
 
رد: تعب فقط

اهتمي بنفسك و مع الاخرين استعملي سياسة المعاملة بالمثل


و الى كان حتى واحد ما راه يحوس عليك هدا راجع ليك


بلاك انت جابدة روحك و متحكي حتى مع واحد


لا عليك درك يعرفوا لبنات شكون انت و هكا يرجعوا دائما في اتصال معك.


​
 
رد: تعب فقط

سلام الله عليكم اختنا الكريمة وبعد:لو كانت خصالكي كما تقولين سأقول حينها والله إنها لخصال حميدة أو لهي البراءة نفسها أتعلمين أن جلنا لن يسامح من الخطأ الأول وأنتي كاشجر يرمونكي بالحجر لتترميهم انتي بالثمر
أو كشمعة وهبت ضوءها لصديقتها لتتحترق بدورها
بقدر الجهد يكون التعب وبسعة القلب يحى ويعيش الفرد
ندرة انتي في هذا الزمان زمن الذئاب رٌعات القطعان
ارمي خلف ضهرك فلا يستحق دمعة من تتأسفين عليه
تخياتي الخالصة اختنا الكريمة
 
رد: تعب فقط

وعلاش متعبة روحك كثير لصحاب يبقى بلا صاحب نفسي نفسي ثم غيري ماهيش انانية مي لصحاب ليكسبوك ذنوب بناقص منهم
 
رد: تعب فقط

السلام عليكم ورحمة الله و بركاته
يا أختي قضية الصحبة في هذا الزمان صعيبة بزاف
أقرب الناس ليك متقدرش دير في الثقة و ما بالك بناس واحدوخرين

ناس بكري كانو يقولو خوك خوك لا يغرك صاحبك
ولكن نشوفو درك تغيرت المعايير ما بقى لا صاحب لا أخ
حتى في عائلتك المشاكل موجودة وشفنا إخوة متقاتلين على أتفه الأشياء
فما بالك بما تظنه صديق
إلا حالات نادرة قليل لي يعرف قيمة الصداقة

وأنا نظن كل هذا بسبب الغيرة يشوفو حاجة مليحة عندك يقولك علاه أنا منكونش هكذا
يقولك اللي ميلحقش على العنب يقول قارص
هذي هي حياتنا أنا نقولك صاحبتك في هذي الدنيا أمك ثم أمك ثم أمك
حتى واحد ميحبلك الخير أكثر مالكرش اللي ولداتك ورباتك
و نقولك كنصيحة أخوية عيشي في هذي الدنيا بمبادئك
ولا تهتمي للناس بشخصية تجعلين الكل يهتم بك
كل شيء يعتمد على قوة الشخصية


نقولك بارك الله فيك على طرح مشكلتك لأننا كلنا نعانو منها
هكذا كل واحد يراجع نفسه
ربما أخطأ الظن في حق صديق له
ولم لا نرجعوا كلنا أحباب و أخوة في يوم ما

تحياتي لك و أن شاء الله تتصلح أحوالك
ســـــلام
​
 
رد: تعب فقط

وعليكم السلاام

يا ختي رانا كامل وحدنا ... جينا لهاد الدنيا وحدنا ونروحو منها وحدنا
علاه راكي مقلقة روحك ؟؟

نصيحتي ليك .. خوذيها من عند خوك راني عايش بيها
كوني مليحة مع الجميع ، مدي واش عندك ، ديري الخير في نفسك وفي غيرك بلا حساب
لكن عمرك ما تنتظري المقابل من أي كان ، اللي ينتظر المقابل رح يعاني

وصدقيني ان شاء الله ترتاحي نفسيا وبالك يهدا


​
 
رد: تعب فقط

rabbi yfarj 3lik 5ti
 
رد: تعب فقط

السلام عليكم أختي
دوكا ولات الأنانية كل واحد يخمم في روحو
يخمو فيك غير كي تكون عندهم مصلحة وشغل عندك
نهار تخلاص المصلحة تخلاص الصداقة ويخلاص الكلام الحلو
إلا من رحم ربي
انا تكويت من صديقة كيما راكي تحكي طعنتني في ظهري اكثر من مرة ونكشفها ممبعد كي تبدا تدمعلي نحن ونسامح
ممبعد نهار خلاصت مصلحتها معايا رجعت ما تعرفنيش
انا من رايي ما تتعلقيش بالعباد اكثر من اللازم وما تعطيهمش أكثر من قيمتهم ومتخميش فيهم كثر مما يستحقو
حطيهم كي شغل جزء من حياتك مش محور حياتك بأكملها حتى تقدري تتجاوزي الصدمات اللي تتلقايها منهم
ربما انتي في مرحلة مراهقة ويجيوك هاد الأمور يقيسو مي صدقيني مشاكل الحياة الحقيقية أكبر من مشكلتك بكثير
ربي يهدي سرك ويهنيك
​
 
رد: تعب فقط

السلآم عليكم غآليتي

كن واسع القلب وإن ضاق المدى ...
كن مُحسنًا؛ ماضاع إحسانٌ سدى
فإذا جفاك العالمين وأنكروا ..
يكفيك أن قد كنتَ للنّاس النّدى

إعملي الخير لهم لوجه الله غآليتي ولآ تنتظري أي شيء منهم ~​
 
رد: تعب فقط

فكري ف نفسك ودلعي روحك واستمتعي وماتقعديش تخممي
حتى عبد ماينفعك
وثقي علاقتك برب العالمين تربحي دنيا واخرة
 
رد: تعب فقط

ما تقلقيش روحك بيهم اختي
ربي يهديهم و انت اعرفي شكون تصاحبي لكن ما تفرطيش في الصحبة و ما تقوليش اسرارك كامل
رانا في وقت الله يستر برك
 
رد: تعب فقط

ربى معاك و ربى يعوضك اصبرى وخلاص وماكيش غير نتى كيفك بزااااااااااااااف هدا هو الوقت لى لحقنالو وش نديرو لى عندو حاجة كيما تقول ما يكتبها فى ورقة و يحرقها مش حتى يقطعها ============ربى معاك​
 
يجب عليك تسجيل الدخول أو التسجيل للرد هنا.

المواضيع المشابهة

همس الوُرود
"تعبكم سيكلل بالنجاح أكيد "
المشاركات
15
المشاهدات
639
أبو عاتكة
أبو عاتكة
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top