اخي و خطيبته

م

مشكلتي

كلمة المرور: 4algeria2024
إنضم
19 أكتوبر 2013
المشاركات
778
نقاط التفاعل
4,355
النقاط
51
السلام عليكم
اولا اشكر القائمين على المنتدى على هذه المساحة الممنوحة
سأسرد مشكلتي باختصار
اخي خاطب فتاة و لكني مع الاسف اكتشفت علاقتها بشخص اخر _و انا متأكد_ و انا الان في حيرة ااخبره ؟ ام استر الفتاة لعل و عسى يهديها ربي ؟
طبعا عن نفسي لا اريد ان اتزوج فتاة خائنة لكن جاتني ثقيلة نقوله
شكرا على كل الردود مسبقا
سلام
 
رد: اخي و خطيبته

روحي قولي لخوك الى عندك دليل قاطع واش راكي حابة خوك يجبلكم

و بلاك تزيد ترخسو مع الأهل نتاعو و اصحابو الى عندك دليل بلي هد الفتاة خائنة روحي قوليلوا.


شكرا لوضعك الثقة فينا

هده هي نصيحتي ​
 
آخر تعديل بواسطة المشرف:
رد: اخي و خطيبته

أنا واحد من الناس الخيانة هي الحاجة الوحيدة
اللي ما نتسامحش فيها
واذا عندك الدليل القاطع فقط .. اما اذا كانت مجرد هدرة أو قالولك .. فالخوف ان تقع في مشكلة القذف
وجب التأكد أخي فالمسألة ليست هينة .. واذا كانت فعلا خائنة
فعليك بإخبار اخيك ، الوقاية خير من نهار اخر تكون في داركم وتشوفها كل يوم
و انت ساكت
​
 
رد: اخي و خطيبته

اختي اذا عندك الملموس غي روحي خبريه وحدة كيما هادي متتساهل تGعد بيناتكم مصيبة هادي الله يحسن عونه كي يسمع

ربي يبعد علينا هاذي الكاليتي تاع النساء ياربي لواحد مخانش في دنتيه حتى بنت ربي يطيحه في بنت الحلال وخلاص

ربي يبقي الستر...مزيا مجيتش في بلاصته ياربي بعد عليا بنات الحرام.
 
رد: اخي و خطيبته

خويا ويلا عندك الدليل روح قلو وخليه كيما يحب يدير انت على الاقل تكون خبرتو
ماتخليش خوك يعيش مع وحدة خاينة انا شخصيا مانقدرش نعيش قريبة من وحدة هكا
مخطوبة ودارت هكا؟؟؟؟؟؟ يخي حالة الدنيا فسدت والله
 
رد: اخي و خطيبته

اكتشفت علاقتها بشخص اخر _و انا متأكد_
إضغط للتوسيع...
السلام عليكم
مدامك متأكد وش راك تستنى؟
أخي هدا الأمر مش سهل يعني الخيانة، وكيما قالولك الإخوة الأعضاء لكان عندك دليل قاطع خبر خوك
وهو اللي رح يواجهها وليس انت ،، إذا كانت بريئة رح تثبت براءتها وإذا كانت مذنبة فما عندو ما يدير بوحدة كيفها
أنا صراحة نحير في بعض الفتيات، ماخي قبلتي بشخص يكون زوجك وواحد ما أجبرك على هاد الشي
فإذا كان بينكم مشكل كبير أو لقيتي بلي مش هدا هو اللي تمنيتيه ولا ما يناسبكش اتحملي
وإلا صارحيه وحرري نفسك قبل ما توصلي لدارو وروحي اهملي مع اللي حابة
اما باش تبقاي حاكمة من هنا ومنهيه يعني والله شيء مخجل
راه قبل ما يكون تشويه سمعتك راكي تشوهي في سمعة خطيبك
(قال أحدهم : بعض الفتيات مثل القرود لا يتركن غصنا حتى يتعلقن بآخر)
ربي يهدي

​
 
رد: اخي و خطيبته

دام الشخص متأكد احس يقول للشخص المخدوع وهو له حرية الاختيار يا ينفصل يا يكمل
المهم الشخص دار اللي عليه


وبعدين لاتنسى هالمرأة ةاذا كانت فعلا خاينه هي اللي راح تربي أولاد خوك فكر فيها ف المدى البعيد
غير اذا اخوك فعلا يعرف سوابقها وراضي بهالشي
وفي هذه الحاله ما كان واش تدير


وربي يهدي ويجيب اللي فيه الخير
 
رد: اخي و خطيبته

اذا كنت صح متاكد وشفتها بعينك قولو
بصح اذا كنت برك شفتها مع واحد ومعرفتهش لازم تتاكد
بلاك يكون يقربلها ولا واحد تعرفو
 
رد: اخي و خطيبته

السلام عليكم
الاعضاء لي قبلي كامل قالووو الا راك متأكد يعني لازم يكون هذااا شرط اكيد
و لازم تخبروه مي شوفو الوقت و الطريقة المناسبة اكيد حوايج كيماا هاذي مش ساهلة فيها الهدرة
ربي يجيب الخير
​
 
رد: اخي و خطيبته

ما تجيكش ثقيلة كي تقوله psk كي تخبي عليه و ما تقولوش هادي تاني تسمى خيانة لأنك تعرف أنها مع واحد آخر و تخون فيه .. طبعا ادا راك sur باه ما تظلمش الطفلة هكداك و عندك دليل تفضل قول لأخوك في الوقت المناسب و اعرف كيفاش توصلهالو و ربي يصلح ان شاء الله و يهدي جميع من خلق
 
رد: اخي و خطيبته

اتاكد من الموضوع متضلمهاش واذا مبقاش باب للشك اعلم خوك وهو يعرف واش يساعدوا انشاء الله يكون مجرد شك الخيانة صعيبة ياسر متخليش خوك مخدوع ربي يحسن عونه
 
رد: اخي و خطيبته

انا في بالي تروحلها و تحدرها وادا ما حشمتش تقولها لخوك

​
 
رد: اخي و خطيبته

روح ليها وحدرها وادا مابغاتش قولها لخوك
 
رد: اخي و خطيبته

السلام عليـــــكم إذا تأكدت بنفسك ومعك دليل قاطع على وجود علاقة فما عليك إلا لبلاغ اخيك بالامر .. قبل فوات الاوان عسى ان يبدله الله اعف منها ... و إذا كان الامر مجرد اقواليل فعليك ان لاتنبه الى الاكاذيب نحن نعيش في مجتمع فيه ناس سهل جدا عليهم ضرب اعراض الناس والافتراء عليه بسب الغيرة العمياء فحذاري ان تظلمي خطيبة اخاك لمجرد اقوايل لم تثبت على الواقع ولم تتاكدي من صحتها ...
 
رد: اخي و خطيبته

رايي من راي الأعضاء ادا كان عندك دليل لازم تهدر مع خوك

اليوم خير من غدوة بعيد الشر يطلقها بعد مايكونو عندهم ولاد

ربي يجيب الخير
 
رد: اخي و خطيبته

وَ عليْكم السَلآم وَ رَحمَة الله وَ برَكآتُه


لآحول ولآقوة إلا بالله،أتقوا الله يَ بنآت عآرْ عليكم والله شوهتُوا لفظْ الأنوثَة ...


بمآ أنَك متأكَد من الأمرْ فالأفضَل أنو تخبَر خُوك قبلْ مآيطيحْ الفآسْ فالرآسْ ويكُون فآتْ الأوآنْ
إنتَ ديرْ اللي عليكْ وخبرُوا،خيرْ ملي يعرفْ ممبعدْ ويلومكْ وقآدر مآيسآمحكشْ وخليه هوَ منْ بعْد يقَرر يكَمل معآها ولآ يفسخْ الخطوبَة ..

صرآحَة موقفْ صعبْ عليكمْ في زوجْ،رَبي يكونْ فالعُون ..

​
 
رد: اخي و خطيبته

السلام عليكم

يا خويا كيما ماترضاش لنفسك تتخدع ماترضاش لخوك يتخدع

ممكن ربي دارها سببقبل مايتزوجو باش تتكشف على حقيقتها

بصح اولا اتاكد ممكن يكون قريب فقط اتاكد يا خويا مليح

واذا كنت متاكد باللي خاينة خبر خوك ماتستناش دقيقة خير من مايدخل لدارو وحدة خاينة

وربي معاك خويا​
 
رد: اخي و خطيبته

ربما الاعضاء معهم حق
لكن من وجهة نظري ,, أن لا تخبرها لأنها ربما تتوب فاسترها والا فاذهب لها انت وانصحها او بالاحرى هددها فان كانت خائفة وتاسفت لا تخبره وان كانت لا تابه ولم تخف فاخبره
ولما يكون اخوك مليح رح تحبو ومش ممكن رح تخونو
ربي يهديها ان شاء الله وتوب
من راي انو متقولوش واصلا مش مليح لخوك رح يتاثر ويحسب البنات كامل خاينين
استرها
​
 
يجب عليك تسجيل الدخول أو التسجيل للرد هنا.

المواضيع المشابهة

S
موضوع شيق لي ما تتدخلش والله غير تندم
المشاركات
3
المشاهدات
7K
saberbouzina
S
angegardienretour
فتاوى لفضبلة الشيخ علي بن حسن بن علي الحلبي الاثري
المشاركات
0
المشاهدات
3K
angegardienretour
angegardienretour
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top