السلام عليكم ياسكان اللمة :-r
صحا رمضانكم .وواش حوالكم وحوال داركم وجيرانكم :dلازم نسقسي عليهم كامل
وزيد واش مدايرين فيها مع رمضان غالبكم ولا غالبينو :up:
المهم مانطولش عليكم لا تعودوا تكرهوا قبل ماتبداو تقراو الموضوع
اليوم جيت باه نحكي ونفرغ قلبي على عفسة صراتلي البارح من البارح وانا نغلي وحدي :very_mad: والعفسة هاذي خلات قلبي يدود مسكين لوكان نغسلو بصابون حجرة ومايخرجش :smile02: المهم بدااات لحكاية هاذي كي قلت لماما ورا لفطور نخرجوا نتحركوا شوية ونبدلوا جو كيما علابالكم من قوة قاعدين فالدار ...الدار كرهت منا ماشي حنا لي كرهنا منها :-o المهم مانخرجوش بزاف على الموضوع قلنا بداات لحكاية كي قلت لماما نخرجوا ولوكان غير ماقلتلهاش :regards02: المهم بعد ماخرجنا وكسلنا شوية رجلينا وكي جينا راجعين ومع هاذيك السخانة هاكم تعرفوا قلت والله نروح نشري شوية ليgلاس هكا ندوهم للدار ونبردوا بيهم gراجمنا :p ياسيدي كانوا عندي شوية دريهمات مانقولش دراهم على خاطر كانوا دريهمات خخخخخ دخلت شريت وكي جييت خارجة عند الحانوت قابلتني وحدة مرا كبيرة شوية تطلب المرة الاولى فتها شوية من بعد خدمتلي في راسي عاودت رجعتلها وجبدت وحدة تع ليgلاس وعطيتهالها قلتلها تفضلي خالتي :regards02: قاتلي واش ندير بيها هاذي :s قلتلها هاكي بردي بيها روحك فالسخانة هاذي :thumb_up02: قاتلي يابنتي انا نحوس على الدراهم :-o وبالدراهم نشري انا واش راني حابة كي قاتلي هكاك شوكاتني :dunno01:] وهدرتها قريب لا دارتلي جلطة دماغية قلتلها الدراهم ياخالتي ماعنديش لي كانوا عندي شريت بيهم قاتلي اذا هكا هاتي معليش ناكلها :down: ملي رحت من عندها وانا ناكل في روحي تجي دير الخير حتى يعشي واحد يشرط علييك في نوع الخير لي رايح ديروا انا ماهيش رايحا تغيظني كي نمدلها دراهم ولا اي عفسة مبصح انا عندي مادام جا واحد ودار فيك الخير العفسة لي تقدر تخسرها علييه قولوا صحا :bravo01: المهم هذا واش صرالي البارح
وانتوما كاش نهار صراتلكم عفسة كيما هاذي ...وزيد واش رايكم فالظاهرة هاذي لي انتشرت في مجتمعنا
علابالي طولت عليكم وحرقتلكم مخكم بالهدرة هاذي الله غالب استحملوني :sport02: واش رايحين ديروا
ودمتم في رعاية الله
صحا رمضانكم .وواش حوالكم وحوال داركم وجيرانكم :dلازم نسقسي عليهم كامل
وزيد واش مدايرين فيها مع رمضان غالبكم ولا غالبينو :up:المهم مانطولش عليكم لا تعودوا تكرهوا قبل ماتبداو تقراو الموضوع
اليوم جيت باه نحكي ونفرغ قلبي على عفسة صراتلي البارح من البارح وانا نغلي وحدي :very_mad: والعفسة هاذي خلات قلبي يدود مسكين لوكان نغسلو بصابون حجرة ومايخرجش :smile02: المهم بدااات لحكاية هاذي كي قلت لماما ورا لفطور نخرجوا نتحركوا شوية ونبدلوا جو كيما علابالكم من قوة قاعدين فالدار ...الدار كرهت منا ماشي حنا لي كرهنا منها :-o المهم مانخرجوش بزاف على الموضوع قلنا بداات لحكاية كي قلت لماما نخرجوا ولوكان غير ماقلتلهاش :regards02: المهم بعد ماخرجنا وكسلنا شوية رجلينا وكي جينا راجعين ومع هاذيك السخانة هاكم تعرفوا قلت والله نروح نشري شوية ليgلاس هكا ندوهم للدار ونبردوا بيهم gراجمنا :p ياسيدي كانوا عندي شوية دريهمات مانقولش دراهم على خاطر كانوا دريهمات خخخخخ دخلت شريت وكي جييت خارجة عند الحانوت قابلتني وحدة مرا كبيرة شوية تطلب المرة الاولى فتها شوية من بعد خدمتلي في راسي عاودت رجعتلها وجبدت وحدة تع ليgلاس وعطيتهالها قلتلها تفضلي خالتي :regards02: قاتلي واش ندير بيها هاذي :s قلتلها هاكي بردي بيها روحك فالسخانة هاذي :thumb_up02: قاتلي يابنتي انا نحوس على الدراهم :-o وبالدراهم نشري انا واش راني حابة
كي قاتلي هكاك شوكاتني :dunno01:] وهدرتها قريب لا دارتلي جلطة دماغية قلتلها الدراهم ياخالتي ماعنديش لي كانوا عندي شريت بيهم قاتلي اذا هكا هاتي معليش ناكلها :down: ملي رحت من عندها وانا ناكل في روحي تجي دير الخير حتى يعشي واحد يشرط علييك في نوع الخير لي رايح ديروا انا ماهيش رايحا تغيظني كي نمدلها دراهم ولا اي عفسة مبصح انا عندي مادام جا واحد ودار فيك الخير العفسة لي تقدر تخسرها علييه قولوا صحا :bravo01: المهم هذا واش صرالي البارح وانتوما كاش نهار صراتلكم عفسة كيما هاذي ...وزيد واش رايكم فالظاهرة هاذي لي انتشرت في مجتمعنا
علابالي طولت عليكم وحرقتلكم مخكم بالهدرة هاذي الله غالب استحملوني :sport02: واش رايحين ديروا
ودمتم في رعاية الله
