كونك راقي ياووو....

قال ساندريلا زماني:

وعليكم السلام يعطيك الصحة على الموضوع الهيلول الحصري مية بالمية

عجبني شكل ومضمون والتعبيرات تا الوجوه لي رسمتيهم تانيتك

بون انا منحبش نحكي مع واحد ماش سامع بيا وماش مقيمني

عندي ناس معينين صح نثيق فيهم ونحكي معاهم

كيما لي حكيتي عليهم هادوك منخسرش وقتي ونحكي معاهم

لي نجربو ونلقاه هك غير نفاصيه من مخي هههههه

وانا من الناس لي كي يحكيو معايا نخزر معاهم ونتأثر بالحكاية ونسمع مليح قبل مانمد رايي

وباختصار نقول راه بروبلام تاع تربية راك فاهم :thumb_up02::tongue02:

يعطيك الصحة اختي على الموضوع الهادف

إضغط للتوسيع...

قال حمزةusma:

وعليكم السلام
حقيقة طرحك في محلة هناك هاذي الظاهرة بكثرة خاصة في مجتمعنا عكس المجتمعات الاخرى
تلقى ناس ديما مكشرين ومايحبوا حتى واحد يهدر معاهم وبالتالي يتعبوك بدنيا ونفسيا وذهنيا
شكرا لك

إضغط للتوسيع...

قال BLEU PEARL:

سلام وصح فطورك موضوع رائع وسيرتو مع الصور دخلة واعرة هههه
أنا المواقف بين ثلاثة صراولي الأول والثاني نليكيديهم والثالث نتحيهم
والرابع ألي ماقلتيهش ألي كل دقيقة يقولك عاوديلي
هههههه
ألي يقيمني نقيمو وألي مش سامع بيا يربح
والسلام
شكرا لك

إضغط للتوسيع...

قال الباندي:

انا بكل فخر و اعتزاز انتمي الى الرعيل او اصحاب الموقف الثالث ..وعندي شهادات عليا في هذا المجال لدرجة انني لم اوظف في اي شركة كانت رغم الكم الهائل من الشهادات ...
---
الناس كي تصيبك هك تولي تلجئ ليك غي في الوقت اللي تحب تحكي و تفرغ كي شغل اك فاهم يعاملوك معاملة تاع بيدون
(الدواء مشربتوش مديروش عليا هههه)

مرسي سيستر موضوع في بلاصتـه

إضغط للتوسيع...

قال المعجبة:

بسم الله الرحمآن الرّحيم
السلام عليكم و رحمة الله و صحا فطوركم
في لبداية نحب نتقدم بالشكر للاخت على الموضوع الجميل و الحصري
نحب نقولك اختي كل واحد و الظروف لي عاش و كبر فيها و هذي الظروف راح تأثر على المعاملة دبالو مع العباد
نعطيلك مثال انا عندي وحدة لافامي كبيرة شوية فالعمر بزاف مقلقة و مزروبة و ما تدير مع العباد حتى حوار, تكوني تهدري معاها تلقايها راهي مع لماعن الطياب الشغل تخلقو منين ماكان المهم ما تريح ما تهدر ما تدير حساب للي يهدر
علابالي راكم تقولو متكبرة
لالا هي تزوجت صغيرة و عجوزتها وآعرة و مالازمش كامل تهدر معاها سينون يصرى فيها الباطل, و حتى كي يجتمعو لواساتها و العايلة هي مالازمش تكون باسكو كنة و غريبة عليهم (على حسابهم) وآلفت هكاك ماكاش نقاش ولا حوارات عائلية تخليها تتعلم تسمع و تهتم بالاخر
بصح كاين عباد كيما قلتي هوما هكاك عاملين من عند ربي, ربما بيهم التكبر او أشياء أخرى لا نعلمها نحن
و يبقى المشكل تاع مبادئ
سلآم​

إضغط للتوسيع...

قال مِلْكٌ لَهٌ:

السلام عليكم و رحمة الله و بركاته
والله صراولي تازوج اللولين و من بعد وليت مانحكيش اصلا على مشاكلي و نسمع برك لمشاكل الغير و نحاول نحلهم و خلاه و اللي يحب يعرف حاجة و يسقسي نجاوبوا على قد السؤال
ربي يخليك على الموضوع حنونتي الغالية
بارك الله فيك و جزاكي خيرا للتميز
دمتي و دام تميزكي غاليتي
تحياتي احترامي و تقديري
في امان الله و حفظه
سلام الله عليكم
​

إضغط للتوسيع...

قال hakim story:

السلام عليكم مرحباا بيك ختي بادوشونص ومرحباا بالعودة نتااعك
صحا كيما قلتي النااس في الحواار اصنااف كاين اللي راقي في الكلااام نتااعو وكاين اللي الله غالب
عليه مسكين ما يعرفش يهدر كاين اللي من قلبو وكاين اللي الله غالب ما يعرفش يعبر عن شعورو
موضوع هدا نحتاجو فيه علمااء التنمية البشرية باش يفهمو اسباب تكون الشخصيات الثلاثة لكن نضن والحمد لله ولا ازكي نفسي انني شخص يستمع ولا يقااطع ودايما نراعي شعوور الشخص اللي نحاورو بارك الله فيك على الموضوع ...​

إضغط للتوسيع...

قال touta04:

موضوع رائع يحتاج القعدة معاه وانا مضطرة للخروج

لي عودة باذن الله :regards01::regards01::regards01:

إضغط للتوسيع...

قال Amine7N:

السلام عليكم
صح فطوركم
الصح أكثر حاجة عجبتني في الموضوع الرسومات ( برافو عليك )
واحنا الجزائريين مقلقين ومعمرين تلقاي الموقف الأول بزاف
الواحد يهدر شوية حتى يلقى روحو يسمع في سوجي أخر
الموقف الثالث ماظنتيش كاين بزاف
اللهم إذا كان طبيب نفسي
الموقف الثاني هذا الإنسان مراهش حاط معايا قاع
أمالا علاه نكمل هدرتي معاه
أيا سلام وتربح

صحيتي على هذا الموضوع
​

إضغط للتوسيع...