انطلاقة ورشة تروسو عروس منتدى اللمة الجزائرية

السلام عليكم ورحمة الله تعالى وبركاته

بداية اشكر جميع المنظمات والمشجعات لورشتنا هذي واللي نطلب من ربي يباركلنا فيها ونتوفقو جميعا بحول الله

بصراحة انا قلت نفتحوها بعد سمانة بالصح عجبني التشجيع :d خاصة كي شفت وجوه جديدة في عالم الكروشي متحمسة :yahoo01::thumb_up02:
ايا قلت نبداوها وخلاص:p
:thumb_up02::regards01:تسلمولي حبيبات البي:bravo01::regards01:
راح نحاول نفصل قدر المستطاع واي سؤال راني موجودة انا وكل اخت متمكنة في هذا المجال او حتى عندها خبرة قلية باش نستفادو من افكار بعضانا وباش نساعفو المبتدئات ونشرحولهم بطريقة ابسط :thumb_up02:

هذا هو النموذج تاعنا



بسم الله نبداو
معليش نفكرو باللوازم
خيط ابيض رقم 24 اساسي للعمل
خيط ثانوي رقم 24 وهنا اللون اختياري
كروشي رقيق 0.75 أو 0.95 حتى 1.00 المهم مش اكثر من ذلك باش يجيك العمل متحوف



هذي شوية تسخينات :sport02:





المرحلة الاولى:

باستعمال اللون الثانوي ديري سلسلة تاع اربع عيون وهنا لازمك ترخفي يدك ماديريهاش مزيرة واغلقيها بمنزلقة





ملاحظة صغيرة :

اللي خدمتها عادية ولا مرخوفة تخدم بعمود لفة واحدة وتطلع ديما بسلسة تاع ثلاث عيون واللي خدمت يدها بزاف صغيرة ومزيرة تخدم بعمود بلفتين وتطلع بسلسلة تاع اربعة عيون بشرط تواصل بنفس الطريقة طيلة العمل تاعنا على هذي البياسة اي اذا كان عمود بلفة واحدة تكمل بيه واذا كان بلفتين تكمل بيه

المرحلة الثانية :

طلعي بسلسلة تاع ثلاث عيون وهذي السلسة تعتبر ديما العمود الاول
زيدي عين وديري عمود بلفة واحدة
ثم عين ثم عمود بلفة واحدة وهكذا حتى تتحصلي على تسعة اعمدة بلفة واحدة واكيد لازم تكون عدد العيون الموجودة بين كل عمود وعمود مجموعها تسعة




المرحلة الثالثة:

هنا ركزو معايا مليح فوق كل عمود من الاعمدة التسعة السابقة نديرو عمودين وفي الفراغ بين العمودين وين درنا عين نديرو عمود

وكيما قلنا من قبل اول عمود يكون عبارة عن سلسلة تاع ثلاث عيون

هكذا ساير داير بنفس الطريقة حتى تكملي واغلقي بمنزلقة في اخر عمود







المرحلة الرابعة:

باستعمال اللون الاساسي للعمل
هنا ثاني ركزو معايا مليح طلعي فوق اول عمود بسلسلة تاع ثلاث عيون ثم زيدي ديري اثنين عيون وديري عمود على نفس العمود السابق اي العمود الاول
ثم ديري اثنين عيون واتركي عمودين و اذهبي الى العمود الرابع ديري عليه عمود ثم اثنان عيون ثم عمود وهكذا كملي حتى ترجعي الى نقطة البداية اغلقي بمنزلقة








المرحلة الخامسة:

هنا ديري ماي سيري وهي انك تكروشي وتجبدي الخيط بدون لف وتسمى ايضا x او قضبة المهم ديري ماي سيري حتى تصلي للوسط مابين العمودين

تطلعي بسلسلة تاع ثلاثة عيون ثم ديري بعدها عمودين اي حسبة ثلاث اعمدة ثم ديري اثين عيون وعاودي ديري ثلاثة اعمدة كل هذا الشي في نفس المكان اي الفراغ الموجود بين العمودين
ثم ديري سلسلة تاع اربعة عيون وروحي مباشرة للفراغ الموجود بين العمودين المقابلين وديري ثلاثة اعمدة ثم اثنين عيون ثم ثلاثة اعمدة ثم سلسلة تاع اربعة عيون وروحي للفراغ الموجود بين العمودين المقابلين وعاودي نفس الخطوات السابقة حتى ترجعي لنقطة البداية اغلقي بمنزلقة

[/IMG]




المرحلة السادسة :

ديري ماي سيري حتى توصلي للوسط بين الاعمدة طلعي بسلسلة تاع ثلاثة عيون وديري عمودين ثم اثنين عيون ثم ثلاث اعمدة بعدها ديري اثنين عيون عمود ثم اثنين عيون ثم روحي مباشرة الى وسط الفراغ الموجود بين الاعمدة المقابلة وعاودي نفس الخطوات السابقة حتى ترجعي لنقطة البداية وديما غلقي بمنزلقة







المرحلة السابعة:

ديري ماي سيري حتى تصلي للفراغ الموجود بين الاعمدة طلعي بسلسلة تاع ثلاث عيون
ثم ديري سلسلة تاع تسعة عيون وروحي مباشرة للفراغ المقابل الموجود وسط الاعمدة وديري عمود بعدها سلسلة بتسعة عيون ثم عمود هكذا حتى تكملي وديري منزلقة






يتبع باذن الله



​