راااااني حااااصلة عااااونوني .....

بسم الله الرحمن الرحييم
السلام علييكم خاوتي
حبييتكم تعاونوني في رياضيات السنة اولى ثانوي انا طالبة جبت البيام ديالي ب 14 المعدل و الحمد لله مي كي طلعت لليسي راني تشوكيت في روحي ماني نفهم والوا في الرياضيات الفرض الاول ديت فيه 4 و انا جامي ديت تحت 15 في السيام ارييدكم تفهموني في بعض الدروس فقط بويسك نهار الخميس عندنا الفرض الثاني و خايفة لا ماناخدمش عاونوني في فهم الدروس التالي دوك نحطلكم عناوينها اي مسااعدة عااونوني بليييييييز خايفة لا نعااود

رد: راااااني حااااصلة عااااونوني .....

هااي ليكم عناوين الدروس لي مانيش فاهمتها
لي فاهم يفهمني
الدرس الاول : تحديد دالة ( متغيرها . مجموعة تعريفها . مجموعة قيمها )
الدرس الثاني : مفهوم الدالة والتمثيل البياني لدالة على مجال
و عموميات حول الدواال
في انتظاركم بليييييز

رد: راااااني حااااصلة عااااونوني .....

dawle saheline pr moi diri licour

رد: راااااني حااااصلة عااااونوني .....

شوفي اختي انا ثاني نقرا كيما انت اولى ثانوي ياو كان تشوفي النقاط عندنا في الرياضيات اعلى نقطة 11 ننصحك بكتاب الميسر في الرياضيات في الدروس والتمارين تفهمي كلشي منو باذن الله انا جبتو لبارح من المكتبة مليح اذا عندكم مكتبة في المؤسسسة تاعكم جيبي واحد منو هايل وربي يوفقك حبيبتي

رد: راااااني حااااصلة عااااونوني .....

hhhhhhhhh jihane heta nti taheti rani khayefa waraki ya 16 rabi yenajahena

رد: راااااني حااااصلة عااااونوني .....

قال louizalina:

hhhhhhhhh jihane heta nti taheti rani khayefa waraki ya 16 rabi yenajahena

إضغط للتوسيع...

اللهم امين

رد: راااااني حااااصلة عااااونوني .....

السلام عليكم ورحمة الله وبركاته
بالتوفيق حبيبااتي
كنت اعشق الرياضيات وديما صاحبة المرتبة الاولى
لكنها تبخرت من مخي درك :p
ربي ينجحكم

رد: راااااني حااااصلة عااااونوني .....

mrc bq rebi yahfadkoum

رد: راااااني حااااصلة عااااونوني .....

2r1 mousiba hhhhh

رد: راااااني حااااصلة عااااونوني .....

ههه فكرتيني بروحي كيفك الفرض الاول ديت سته تشوكيت مي عاودت ريقلت روحي فرضها زاوج ديت 17 واختبار 18 ههه قفزة نوعيةومعدل الفترة كان 15
وسبب هو الكتاب المدرسي سواء في لمات ولا فيزيك
ننصحك بالكتاب المدرسي لرياضيات نوىمالمو فيه مسائل ادماجية ومع الحل
جربي عاودي الدرس وحلي هادوك تمارين وان شاء الله تستفادي

رد: راااااني حااااصلة عااااونوني .....

قال miss moussiba:

هااي ليكم عناوين الدروس لي مانيش فاهمتها
لي فاهم يفهمني
الدرس الاول : تحديد دالة ( متغيرها . مجموعة تعريفها . مجموعة قيمها )
الدرس الثاني : مفهوم الدالة والتمثيل البياني لدالة على مجال
و عموميات حول الدواال
في انتظاركم بليييييز

إضغط للتوسيع...

سلام عليكم اختي .. هههه فكرتيني بيامات الثانوية :up:

الدوال هي ابسط حاجة مكانش حاجة صعيبة برك كي جاتك عنصر جديد رغم انكم درستم لمحة صغيرة في الرابعة متوسطة دالة خطية واخرى تالفية ودوكا تزيدو تعمقو شوية برك ..

لازم تقراي التعريف تع الدالة لدرتوه في القسم او لموجود ف الكتاب تعكم وتفهميه مليح ولازم تتعرفي على رموز وتعابير الدالة ومثلا المتغير تعها بصفة عامة لنهزوه بزااف هو اكس X.. وكيفاه تكتبي الدالة تاعك ....

و اما مجموعة التعريف تعينيها حسب الدالة ليعطيهالك يعني وين راهي معرفة الدالة تاعك وكيفاه تقدري ترسميها
مثلاا :
f(x) = 4x + 1
هنا تقولي الدالة معرفة على كااامل R وش معناه يعني كل مانعطي قيمة لـ x اللي ينتمي لـ R راح نلقى دائما صورتها f(x)
لهذا قلنا ان مجموعة تعريفها هي كاامل الاعداد الحقيقة

مثالا اخر :

f(x) = 1/x

هذه الدالة لنسميوها دالة مقلوب مجموعة تعريفها هي كل العداد الحقيقية ماعدا العدد 0 لانو مانقدروش نقسمو على عدد معدوم ولهذا راح نحيو 0 من مجموعة التعريفR-{0}j

وهكذا يعني الدوال والله ساهلة اختي برك راجعي كل ماتديرو درس راجعيه وحلي الامثلة وتمارين تع الكتاب المدرسي وان شاء الله تفهمي

دوكا ماعلباليش كيفاه نفهمك:d مانعرف وش فهمتي وش مافهمتيش

على كل انت راجعي واذا عندك استفسار عاودي ارجعي تسقسي

موفقة

رد: راااااني حااااصلة عااااونوني .....

قال louizalina:

2r1 mousiba hhhhh

إضغط للتوسيع...

hhhhhhhhh mahboul :p

رد: راااااني حااااصلة عااااونوني .....

رد: راااااني حااااصلة عااااونوني .....

يييييييي حنا عندنا الفرض الثاني نهار الاحد الجاي ان شاء الله بصح تصدقي نهار لخميس برك وين بدينا ف الدوال ليوم قرينا داله معرفه بدستور ومعرفه بتمثيل ومعرفه بجدول قيم هههههههههههه تخيلي راكم فايتينا وقريب تكملوا البرنامج وحنا مازلنا مكركين دبرناها خخخ وحتى ف الفرض رح يجينا الحصر والمتباينات والمقارنه هاذوكم الساهلين
ربي يعينك كون جينا قاريينها نعاون اختي والله ما نبخلك