أهلا بكم في سلسلة حكايات من العالم الآخر للأخت ساندريلا زماني
اليوم راح نكتب حكايا من حكايات الخوف
نصيحة عدم الدخول الدراري
لست المسؤول واش يصرالكم ختي ساندي تتحمل
أنا خاطيني هههه
أول حاجا لازم طفو الضوء
نهدرو شويا تعويذات هاهاهاه
كوارا جومارا هوان دومانجو جيلا تكو
أضربو طلة خفيفة
أيا نبداو ضرك
كنا بكري نتلايمو اوو نجتامعو كامل الفاميليا في بيت جداتي المرعب قليلا أمام منزلنا تبدا تحكينا حكايات بكري
حكايات على وحد لعجوزة كبيرة في لعمر ( نسيت اسمها خصارا ههه )
مكمش وجها تخرج غير مور المغرب
كي تبدى تظلام الحالا
رافدا قفة فوق ظهرها اوو تتعكز على عصا ...
هاذي لعجوزة تسرق الدراري لي يبقاو برا يلعبو
تقول الأسطورة بلي دات زوج دراري سرقتهم مزادوش بانو
لقاو غير حوايجهم
اوو ماني ديما تعاودهانا اوو تحكيها
كنا كل ما يقرب المغرب وتغيب الشمس
نبداو الهربة لدار
أنا كنت نروح للتاقة نبدى نعس في هاذي لعجوزة
نقوللها لماني ديما نعسها اوو مجاتش وقيل مكانش منها
عاد تقولي منذاك طل مالتاقة بلامتفيقلها
حتى وليت نخاف نطل
طلو عندكم الى مكاش حتى عجوزة تعود تكون جات لعندكم
مكانش .... أيا نكملو ملا
وحد النهار كانو عندنا الضياف عماتي كاملين مع ولادهم ماني
المهم الدار كانت معمرة
نلعبو برا حنا الدراري كي لعادا
كي بدا تغيب الشمس شفنا عجوزة تمشي على عكازة خارجا من بين الشجر
منذاك تزرب اوو منذاك تمشي بلعقل
خفنا دخلنا نجرو ونعيطو لدار المشكلة مغلقناش الباب تاع الحوش
رحنا عند ماني قلنالها هاي جات لعجوزة
قالتلنا روحو تلعبو مكاش منها مجاتش
حتى سمعناها تخبط فالباب تاع الحوش
طبعت الباب اوو دخلت
تخبط في لعصى فاللرض
بدوا عماتي اوو ماني لعياط والهربة لدار
هذيك لعجوزة حكمت بنت عمتي
بنت عمي تبكي وتعيط
ماني نخلعت
ركبتلنا الخلعة
دارت الكوراج
نحاتلها الخيمار بان وجها
شكون نلقاوها هاهاهاهاهاهاه
عمتي ههههه
دير غير الطوايش نسيناها كامل بلي مكانتش معانا
هناك عرفنا حنا الدراري بلي ماني كانت تخوف فينا برك ههههه
اوو نزيد نقوللكم هذي عمتي ديما تخرجلنا بخرجات تاع مهابل ههههه
نتمنى نكون مخلعتكمش
ان شاء الله تزيدو تكملو السلسة من حكايات العالم الآخر
آخر تعديل بواسطة المشرف:
، بصح حساب الشوفة راك استرجعت الصورة الذهنية نتاع الحادثة وخلاتك تكتب وأنت خايف وبالتالي راحتلك :p
