وين رايح مجتمعنا بالتخلف هدا ؟؟؟؟

قال أم ياسمينdz:

وعليكم السلام أهلا وسهلا بيك خالتي ام منير نورتينا وجبتي بعد موضوع ساخن
الشعب تاعنا متخلف ويهدر بلافهامة
المواطن ميطبقش القانون ولي عندو معريفة ينحي لبروصي تاعو :down: يعني كي سيدي كي جوادو
والسانتير ميديرهاش في بالو مكرا في الدولة والشرطي هاداك لي راه مواطن كيما هو بعد ويشوفها فياقة كي ينحيها ويكلح الشرطي يفوت فرحان
وكيما قلتي الازمة فاهمينها كامل كيفاه جات وشكون سباب بارونات الجزائر لي نهبوها وسلبوها وعباو الجيب وامنو مستقبل بلادهم وخلاو الشعب هنا ياكل في بعضاه غدوة تصرى حاجة نلقاو روحنا وحدنا نحاربو وهوما باي باي ربي وكيلهم برك.
ولي بزق وينسر نيفو اععععععع اسوأ تصرف عندي انا ولايشم ويتيري الشمة على اللرض قولنا برك وينا كوكب جيت منو :down:
الوسخ والخماج في الطريق التخربيش في الحيوط ماخلاو حتى بلاصة
وعليهابقينا عالم متخلف ونبقاو بهاذ العقلية
منلحقوش القور ياحصرا راهم هاربين علينا بزاف


شكرا.

إضغط للتوسيع...

قال لاجء فلسطيني:

الله يجيب العواقب سليمة ..!!!

إضغط للتوسيع...

قال مهدي الثعالبي:

قريتو و عجبني براف .
فاقد الشيء لا يعطيه ،هناك مثل يقول (اذا رأيت الأب للطبل ضاربا فلا تستغرب اذا رقص الاولاد)
ماذا لو كنا بعدد شعب الصين ؟
الفرد مسؤول من الاسرة ، و الاسرة مسؤولة من المجتمع ، و المجتمع مسؤول من مسيريه

إضغط للتوسيع...

قال الزهرة الحمراء:

السلام عليكم غاليتي ام منير
يعطيك الصحة على الموضوع لي يمس عدة جوانب
راكي تسقسي وتقولي وين رانا رايحين بالتخلف نقولك رانا رايحين للحضيض هذا اذا ماناش فيه اصلا
لحقنا 2016 ومازالت في مجتمعنا تصرفات اغلب المجتمعات تخلات عليها فالعصر الحجري وحنا وين رانا نروحو وين رانا نزيدو نطوروا فالتصرفات العوجة
وفوق الشيء هذا كامل تلقاي واحد حابس يجي يقعد ويحط رجل فوق رجل ويسب فالبلاد لي راهي رافدة جياحتو ويقولك حنا ديما نقعدوا متخلفين ونقعد في ذيل دول العالم ايه صح عندك الحق كي عاد عدنا عباد كيما انت كيفاه مانقعدوش اللخرين رانا ملاح اصلا كي سموانا دولة
ربي يهدينا ويصلح احوالنا
يعطيك الصحة غاليتي
دمت في رعاية الله وحفظه​

إضغط للتوسيع...

قال iman-dz4ever:

والله يا ام منير كلامك موزون
احنا مسلمين غير بالكلمة ماراناش نطبقو فيه خلاص
وتحير كتشوف الغرب في معاملاتهم تقول هما المسلمين مش حنا
و حدة المرة في برنامج خواطر الي داروه في اليابان كانت تحصلي الدمعة كي يقول عليهم بلي خصهم غير الاسلام
لانهم في معاملاتهم الحياتية يطبقو في النصائح الي وصانا عليهم سيدنا محمد صلى الله عليه وسلم
ربي يهدينا برك وقت صعيب رانا فيه
​

إضغط للتوسيع...

قال Telemly:

C’est dire à quel point l’incivisme est généralisé pour n’épargner aucun espace. Une situation qui place l’école, la famille et la société devant leurs responsabilités. Car, il y va du cadre de vie de tous​

شعب ماشي مربي
شعب هدا تع قزّول
ولله مليح واش راهو صاري فيه
نهار هاد الشعب يتعلّم التربية لتم وين نقدروا نهدرو على التطور

إضغط للتوسيع...

قال خفيفة الروح:

واش راح نديرووووووووووووووووو

إضغط للتوسيع...

قال أم لينة:

السلام عليكم
و الله يا اختي الغالية ام منير جبتيها على الوتر الحساس يقطعها من فمك بالعسل كيما يقول قعيقع تاع لفهامة ههه.
المهم كل ما قلتيه اصبح شيء اكثر من العادي نعيشوه في يومياتنا .
لكن للاسف منقدرو نديرو واااالووووو.
منقدرش نشيخ على شخص و نقولو متبزقش برا او متتكيفش هنا او او او ...
هذا يرجع لشخصية العبد في ذاتو الى طبيعتو كيما نقولو المتربي من عند ربي .
و نكره كي نسمع ناس تقول هاذو العرب واش يجيك منهم .
هذا يغيضني بزاف مش داني النيف على العربي لكن لاننا كلنا عرب هنا اولا و ثانيا مش حجه تبرر هذه الافعال . و هذه التصرفات اللبقة لاتحتاج انك تكون قاوري او عربي . فقط كن نفسك و غير من نفسك ابتداءا من هاذ التصرفات البسيطة التي متسحق منك حتى جهد .
لو كل واحد يغير ما بداخلو اكيد التغير راح يشمل المجتمع .
​

إضغط للتوسيع...

قال Djaouid 98:

بارك الله فيك حبيبتي علي موضوع
هذا هو مجتمع تعنا الله غالب

إضغط للتوسيع...