حمّص لذيذ من مطبخي

السلطانة · 20 فيفري 2016

السلام عليكم ورحمة الله وبركاته

اليوم جبتلكم وصفة حمّص لذيذة
معتمدتها من مدّة
والبراكة في الأخت أم كوثر الله يحفظها من منتدى آخر لأني هزيت الوصفة من عندها
وهي كالتالي:

حمّص منقوع في الماء من قبل ليلة
بعد غسله جيّدا
أقوم بوضعه في طنجرة
فيها ماء ساخن

نحضر حبتين متوسطتين من الجزر ونقطعهم وسنات ثوم

ونضيفهم على الحمص ونزيد 2 مغارف زيت وملح وشوية كمون وتوابل مخلطة وفلفل اكحل

لما يغلي نغلق الكوكوت ونخليه يطيب 45 دلما يطيب
نحضر سنات توم ونفس التوابل ومقدار لوش تع حمص مع المرق تاعو ومغرف هريسة ونرحيهم في ميكسور
ونضيفهم للكوكوت

لما يغلي نغلق الكوكوت 15 دقيقة اخرى ونطفي

الوصفة بالصّور :

:graduation:
شهية طيبة

الحلم الوردي · 20 فيفري 2016

رد: حمّص لذيذ من مطبخي

يعطيك الصحة ام ياسمين
من شكلو يشهي
بصحتكم

ثَسْكُورْثْ نَثْدُوكْلِي · 20 فيفري 2016

رد: حمّص لذيذ من مطبخي

مممم الله يبارك بااينة بنييينة

صحيتي ع الوصفة

تحياتي

AmiR@RoRo · 20 فيفري 2016

رد: حمّص لذيذ من مطبخي

السلام عليكم
يعطيك الصحة ام ياسمين
فقط ما لاحظته من خلال كامل الوصفات لي يتحطو هنا
انو دايما عند ناس الشرق الماكلة المرقة تعها تجي خفيفة بزاف وسايحة
عكس ماعندنا هنا فالغرب لازم المرقة تتجمر وتعقد مليح عاد تتحط وربما الاخت منمن توافقني
يبقى اختلاف هدا يشكلي علامة استفهام ههه
مشكورة خيتي

السلطانة · 20 فيفري 2016

رد: حمّص لذيذ من مطبخي

قال ملكة زمــآني:
يعطيك الصحة ام ياسمين
من شكلو يشهي
بصحتكم

الله يسلمك حبيبتي

السلطانة · 20 فيفري 2016

رد: حمّص لذيذ من مطبخي

قال sarakoukou:
مممم الله يبارك بااينة بنييينة

صحيتي ع الوصفة

تحياتي

الله يسلمك سرسور :love01:

السلطانة · 20 فيفري 2016

رد: حمّص لذيذ من مطبخي

قال AmiR@RoRo:
السلام عليكم
يعطيك الصحة ام ياسمين
فقط ما لاحظته من خلال كامل الوصفات لي يتحطو هنا
انو دايما عند ناس الشرق الماكلة المرقة تعها تجي خفيفة بزاف وسايحة
عكس ماعندنا هنا فالغرب لازم المرقة تتجمر وتعقد مليح عاد تتحط وربما الاخت منمن توافقني
يبقى اختلاف هدا يشكلي علامة استفهام ههه
مشكورة خيتي

اهلا وسهلا بيك امورة
ههه لالا ماش كل الاكلات تجي مرقة خفيفة
كيما هاذي كاين لي يحبها ثقيلة يثقل شوي
هنا حبيتها شوي سايلة خليتها كيما هك زعم كيما حمّص المطاعم لي ييبعوهولنا :p
عكس الحمص الاخر لي نثقلوه كان عاد بيض طول
أما اللوبيا والعدس وأنواع مرق أخرى نحبوها تثقال شوي
بصح ممكن انتم تحبو تنشفوهم أكثر
لاحظت هاذا عند دار شيخي من الوسط
مثلا الجلبانة يديروها تقريب ناشفة خلاص ويحطو فيها البطاطا المقلية كيما انتوما بالدجاج
حنا في الشرق نطيبوها بالقرنون برك منزيدوش لابطاطا ولاشي
بحكم انهم يغطسو فيها
ولامرقة الزيتون تاني ينشفوها بزاف ويزيدولها البطاطا مقلية
وحنا نخليوهم شوي مرق لأننا ناكلو بالمغرف باه نهزو بزاف :p
وهوما تاني يغطسو فيها
وكيما الشربة فريك ولي صوص لوخرين تاع الكسكس مثلا نقلوهم شوي
مانخليوهمش مرق بزاف

شفت تاني طياب ام منير
والله مانديها فيها من الغرب لأنو كسكسها مرقتو كيما تاعنا وشحال من طبخة تشبه لتاعنا
يمكن برك كل طبق وكيفاه يتحضّر
وبلادنا كبيرة وواسعة وفيها اطباق بزاف
كون جينا في اللمة كل يوم نروحو ناكلو عند وحدة ههه نتعرفو على كامل الأطباق ونعبيو كروشنا خخخخ

AmiR@RoRo · 20 فيفري 2016

رد: حمّص لذيذ من مطبخي

قال أم ياسمينdz:
اهلا وسهلا بيك امورة
ههه لالا ماش كل الاكلات تجي مرقة خفيفة
كيما هاذي كاين لي يحبها ثقيلة يثقل شوي
هنا حبيتها شوي سايلة خليتها كيما هك زعم كيما حمّص المطاعم لي ييبعوهولنا :p
عكس الحمص الاخر لي نثقلوه كان عاد بيض طول
أما اللوبيا والعدس وأنواع مرق أخرى نحبوها تثقال شوي
بصح ممكن انتم تحبو تنشفوهم أكثر
لاحظت هاذا عند دار شيخي من الوسط
مثلا الجلبانة يديروها تقريب ناشفة خلاص ويحطو فيها البطاطا المقلية كيما انتوما بالدجاج
حنا في الشرق نطيبوها بالقرنون برك منزيدوش لابطاطا ولاشي
بحكم انهم يغطسو فيها
ولامرقة الزيتون تاني ينشفوها بزاف ويزيدولها البطاطا مقلية
وحنا نخليوهم شوي مرق لأننا ناكلو بالمغرف باه نهزو بزاف :p
وهوما تاني يغطسو فيها
وكيما الشربة فريك ولي صوص لوخرين تاع الكسكس مثلا نقلوهم شوي
مانخليوهمش مرق بزاف

شفت تاني طياب ام منير
والله مانديها فيها من الغرب لأنو كسكسها مرقتو كيما تاعنا وشحال من طبخة تشبه لتاعنا
يمكن برك كل طبق وكيفاه يتحضّر
وبلادنا كبيرة وواسعة وفيها اطباق بزاف
كون جينا في اللمة كل يوم نروحو ناكلو عند وحدة ههه نتعرفو على كامل الأطباق ونعبيو كروشنا خخخخ

انا حسابني كامل تجي خفيفة عليها ههه
وكما قلتي على الزيتون صح شفت ملاك مرة حطت الموضوع تع الزيتون حاطاتو هكداك مرقة بزاف
عكس احنا تجي غير شوي برك وكما قلتي الاغلب هكدا فالوسط والغرب
ا
كيد كاين اطباق كيفكيف واطباق تختلف
والبلاد راهي فيها 48 ولاية وغير فالولاية الواحدة تلقاي شحال من طريقة

هههه ياريت جات صح كون رانا كل يوم عند وحدة منها نتعرفو على كل اطباق الوطن و منها نعودو نطيبو مرة فالزمان خخخ

يعطيك الصحة :graduation:

iman-dz4ever · 20 فيفري 2016

رد: حمّص لذيذ من مطبخي

يعطيك الصحة ام ياسمين راه يشهييييي
بصحتك

mimi_nini · 20 فيفري 2016

رد: حمّص لذيذ من مطبخي

يعطيك الصحة ام ياسمين الله ايبارك فيك

نبض الحياة · 21 فيفري 2016

رد: حمّص لذيذ من مطبخي

السلام عليكم ورحمة الله وبركاته
امممم
يعطيك الصحة غاليتي

Djaouida · 21 فيفري 2016

رد: حمّص لذيذ من مطبخي

يعطيك الصحة. .

Princesse Diyor · 21 فيفري 2016

رد: حمّص لذيذ من مطبخي

يعطيك الصحة

السلطانة · 21 فيفري 2016

رد: حمّص لذيذ من مطبخي

قال AmiR@RoRo:
انا حسابني كامل تجي خفيفة عليها ههه
وكما قلتي على الزيتون صح شفت ملاك مرة حطت الموضوع تع الزيتون حاطاتو هكداك مرقة بزاف
عكس احنا تجي غير شوي برك وكما قلتي الاغلب هكدا فالوسط والغرب
ا
كيد كاين اطباق كيفكيف واطباق تختلف
والبلاد راهي فيها 48 ولاية وغير فالولاية الواحدة تلقاي شحال من طريقة

هههه ياريت جات صح كون رانا كل يوم عند وحدة منها نتعرفو على كل اطباق الوطن و منها نعودو نطيبو مرة فالزمان خخخ

يعطيك الصحة :graduation:

خخخخ مالا لقيتها الفرق في احنا نكثرو المرقة باه ناكلو بالمغرف وانتم تنشفوها باه تغطسو تبا للاكتشاف المبهر :p
ياريت جينا صح نقدرو نتلاقو وناكلو مع بعض أحلى لمّة :thumb_up02:
ربي يحفظك أمورة

السلطانة · 21 فيفري 2016

رد: حمّص لذيذ من مطبخي

قال iman-dz4ever:
يعطيك الصحة ام ياسمين راه يشهييييي
بصحتك

الله يسلمك اختي نورتي

السلطانة · 21 فيفري 2016

رد: حمّص لذيذ من مطبخي

قال mimi_nini:
يعطيك الصحة ام ياسمين الله ايبارك فيك

الله يسلمك ميمي صحيتي

السلطانة · 21 فيفري 2016

رد: حمّص لذيذ من مطبخي

قال ЯέКîά Яồมkà:
السلام عليكم ورحمة الله وبركاته
امممم
يعطيك الصحة غاليتي

الله يسلمك روكا حبيبتي منورتنا من جديد ^^

السلطانة · 21 فيفري 2016

رد: حمّص لذيذ من مطبخي

قال Djaouid 98:
يعطيك الصحة. .

الله ينجيك اختي

السلطانة · 21 فيفري 2016

رد: حمّص لذيذ من مطبخي

قال Manel Noula:
يعطيك الصحة

الله يسلمك منال شكرا

أم منيــــــر · 21 فيفري 2016

رد: حمّص لذيذ من مطبخي

يعطيك الصحة ام ياسمين على طبق الحمص يشهي
هاد الطبق محبوب بزاف مع البرد
حتى انا اليوم فطرت حمص بالكرم كما تقولو الكرمبيط

حمّص لذيذ من مطبخي

:: أمينة اللمة الجزائرية ::

:: عضو بارز ::

:: عضو بارز ::

:: عضو بارز ::

:: أمينة اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: عضو بارز ::

:: عضو بارز ::

:: عضو منتسِب ::

:: عضو بارز ::

:: عضو بارز ::

:: عضو بارز ::

:: أمينة اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: عضو بارز ::

المواضيع المشابهة