الشيفة أم منير-ضيفة المطبخ اللماوي العدد الثــآلث-

قال @R@ZIK:

السلام عليكم
و عليكم السلام
أهلا بالغالية أم منير
اهلا بيك الله يخليك
هل تعطينا للمطبخ أهمية أكثر من الأعمال المنزلية الأخرى
اكيد ...هو المكان لي نقعد فيه بزاف و من تما نرضي كامل العائلة
تحبي تجربي الوصفات الجديدة
ايه نحب نجرب بصح الوصفات المعقدة ما نحبهاش
واش علاقتك مع الحلويات
مليحة:-r و خصوصا الحلويات الجافة و السهلة و لي ما تاخدش مني وقت كبير
هل تعطين لمستك على الأطباق ولا طبقيهم كيما في الوصفة
في اول تجربة نطبقها على طبيعتها و نحرص على هاد الشي باش نشوف النتيجة و من بعد نغير فيها كما نحب
واش هي الحاجة لي يحبوها في الدار وديريها تقريبا يوميا
البيتزا يحبوها بزاف و الفريت اوملات كامل العائلة تحبهم
المشكل كي يكون كل واحد واش يحب نكون مضطرة باش نرضيهم كامل

تحياتي

​

إضغط للتوسيع...

قال أم منيــــــر:

الله يسلمك و مرحبا بيك انت تاني في اسئلة اخرى

إضغط للتوسيع...

قال لؤلؤة قسنطينة:

السلام عليكم
وعليكم السلآم
الغالية أم منير هنا ومعروضة وانا لا خبر للأسف
ان شاء الله الاقامة عجبتك؟؟ راني نشوفهم متهليين فيك ههه
ان تاتي متاخرا خير من ان لا تاتي ههه مرحبا بيك
يعطيهم الصحة راهم متهليين وقايمين بالواجب
لدرجة ماخلاولنا حتى سؤال نسألوه
على كل حال علابالي ان امي الغالية أم منير مدرسة في الطبخ ماشاء الله
احم اححم حشمتيني :$ ربي يحفظك بنتي
يعني ماعندي مانقول عليها، وباه نخرجش من هنا بلا سؤال
هيا نشارك حتى انا ههههه
هههه مرحبا باسئلتك في كل وقت
صراحة مانعرفش الأكل التلمساني ولا عمري ذقتو
اييه راكي مضيعة بزاف :p ههه ارواحي وخطاك نذوقك الاكل التلمساني على اصولو
لو نقولك واش هي الطبخة التلمسانية لي تنصحيني
بتذوقها وأكيد ماش رايحة نندم عليها واش هي؟؟
بزاف صوالح بصح اهم حاجة الحريرة
والحريرة التلمسانية على اصوووولها مش من عند اي واحد
لانو كاين لي غي يخربشو ويقولك تلمسانية هههه
هادا هو سؤالي فقط، وراني في المتابعة ان شاء الله
ربي يهنيك ان شاء الله وربي يحفظلك وليداتك
ويخليك ليهم تاج فوق راسهم
تحياتي ^^
​

إضغط للتوسيع...

قال Skor m@k:

السلام عليكم
أهلا بيك ميمتي فالقعدى الزينة هذي
ربي يبارك فيك

إضغط للتوسيع...

قال @R@ZIK:

مساء الخير غاليتي أم منير
راني رجعت
مرحبا بيك
كي تقدمي الأكل لازم ديري ديكور ولا ياكلو والسلام ههه
على حسب ....كل شي يعتمد على زوجي بمعنى ادا كان مزروب نحط كما كان الحال ياكلو برك
و ادا كان عندو الوقت نزين الطابلة ...و عامة في العشا لاخاطر في الفطور ما ينجمعوش مرة واحدة
و انا اكثر وقت نحرص على ديكور المايدة في شهر رمضان المبارك لان العائلة كامل تتلايم و تستنى هداك الموعد الجميل :bravo01:
لكان بنات الحومة يقولولك علمينا الطبخ توافقي بسرعة ولا ترفضي
ما عنديييييييش الصبر ما نكدبش عليك انا مقلقة :d

على حريرة تلمسان واش هي التوابل لي ديروها
التوابل الاساسية هي راس الحانوت و انا نزيد سكنجبير و الكركم و الكروية
اذا كنتي تعلمي في بنات الطبخ وواحدة راسها يابس كيما ديري معاها تحصلي اسكو تتقلقي ولا تساعفيها بكل الطرق
اواااااااه من نهارها الاول نبعثها لدارهم نقولها يا بنتي سامحيني ما قدرتش عليك
تحبي تغيري في ديكور المطبخ في كل مرة ولا عادي المهم الأكل
مرة على مرة نبدل لي قدرت عليه
لان نفس المنظر يخلي الانسان يحس بالملل

تحياتي​

إضغط للتوسيع...

قال ياسمينور:

اهلااا طاطا ام منير
اهلا بنتي
هل تهتمين بفن تزين الطبق
مرات على حسب القوسطو
هل سبق وان دخلت دورات لتعلم الطبخ
لالا ابدا
هل يعبر جمال الطبخة الخارجي عن لذتها
ماشي دايمن مرات تشوفي الطبق مزين و يشهي و لما دوقيه تتفاجئي بالدوق نتاعو
من هو مثلك في الطبخ:
في البيت
أنا :d
و ادا تقصدي العائلة الكبيرة كاين امي ثم اختي لكبيرة
الجزائر
حورية زنون
الوطن العربي
منال العالم
​

إضغط للتوسيع...

قال ياسمينور:

هاني رجعت:
اهلا
طاطا ام منر
انعم
ماهي اهم خطوة نركز عليها حتى تكون عجينة الحلويات طرية
تتبعي المقادير بدقة و ما ترميش الفرينة مرة وحدة
رميها بشوية برك لان الفرينة فيها انواع عديدة كاين لي تنشف العجينة و تيبسها
ماهي مكونات الكريمة التي تستعمليها
على حسب نوع الكريمة ....المهم كاين الحليب البيض النشا السكرو المعطر
ماهو السميد المناسب لصنع قلب اللوز
الخشين... جربت بالمتوسط و ما نجحتش بصح الخشين تجي توب
هل تنتقين بهارات مطبخك وفقا لمعايير
النظافة و الريحة الشابة القوية تبين بلي توابل جديدة
لحظة طريفة حدثت معك اثناء الطبخ
والله ما راني متفكرة :-r
ماهي اهم اساسيات الطبخ
يكونو عندك كامل الاواني لي تحتاجيهم
و طاولة المطبخ تكون واسعة و تساعدك باش تكوني مريحة في العمل نتاعك
هل انت ممن يستعين بشخص اخر ليدوق طعم الطبخة
لالا نعتمد على دوقي انا و ادا كانو عدني ضياف نستعين ببنتي باش نشوف رايها في الملح برك
هل انت ممن يفضل الاكل المقلي
ماشي بزاف لانو مضر بالصحة كي نكثرو منو
اعطينا وصفة لطبخة سهلة سريعة لذيدة
قلي البطاطا قطعي عليها الفرماج و المعدنوس و زيدي شويا كريم فريش و زيدي البيض
خلطي كل شي ديري في صنيوة و دخليه للفرن
ساهلة ماهلة:d
هل لديك وصفة الايس كريم اذا كان نعم ماهي؟

لالا ماعنديش جامي درتو في لدار
اسفة على ثرثرتي
ثرثرة حلوة :regards02:
لي عودة ان امكن----- ​

إضغط للتوسيع...

قال ياسمينور:

تفكرت هذابمن تثقين في وصفاته
مثلا امك .اختك .صديقتك.......؟

إضغط للتوسيع...

قال solama:

السلام عليكم ورحمة الله وبركاته
و عليكم السلام

أهلا وسهلا أم منير
اهلا بيك يا سلامة

هل فشلتي يوما ما في إعداد طبخة ومع ذلك أستمررتي ما ترضين باللأستسلام ؟
نعم حدث معي هدا و اعدت الكرة حتى نجحت
لما اكون معجبة بطبخة ما اجرب و اجرب حتى انجح
و ان كان العكس فاجربها مرة واحدة ان نجحت فلا باس و ان فشلت فلا التفت اليها اطلاقا
​

​

هل تحبين الاإبداع وتبحثين عن كل جديد ؟
نعم احب كل ما هو جديد و احب ان اجرب وصفات من كل انحاء البلاد
و حتى الوصفات العربية و خصوصا المغربية
​

هل تتقبلين الانتقادات في طبختكِ ؟ وكيف تكون ردة الفعل ؟

أكيد اقبل النقد المهم ان يكون بطريقة مهدبة و احاول ان اصلح خطئي



​

إضغط للتوسيع...

قال أم منيــــــر:

أكييييييد:$

إضغط للتوسيع...

قال Õssămă ḿςã:

ماهي ابرز اكلات التي توجدينها؟

إضغط للتوسيع...