ناس بكري هدروا و قالوا.....اتمنى المشاركة من الجميع

الحالة
مغلق ولا يسمح بالمزيد من الردود.
رد: ناس بكري هدروا و قالوا.....اتمنى المشاركة من الجميع

كون تتفاهم العزوج والكنة يدخل بليس للجنة
:devil:
 
رد: ناس بكري هدروا و قالوا.....اتمنى المشاركة من الجميع

مشكوووووور اخي

بارك الله فيك

وانا نقول:

من شكرك ياعروس قالت ما وخالتي

المشكور م9عور

هدي يقولوهم ناس الغرب

ههههههههه
 
رد: ناس بكري هدروا و قالوا.....اتمنى المشاركة من الجميع

ما شفتهمش يا Hard_way1990 بصح نزيدك:
..
هو يجري و الهم يجري موراه
:party::party::party::party::party::party::party::party::party::party::party::party::party::party::party::party::party::party::party::party::party::party::party::party::party::party:

ياووو مازال كاين

ههههههههه ما شفتهمش أوكي هاك عاودهم أمالا ......
...

هههههههههه أرواح تشوفو الأمثال بصح هاذو 2008 من عندي أنا ............
قالك ألي ما فيه المنفع دز فالمدفع وإدفع ( يقولو غير خوكم السعيد ) ........
وقالك ألي عطاه العاطي ما يشقى ما يباطي ( كيف كيف غير أنا ) .......
ألي ما يدخل للمة يبات في غمة و يبات يعيط ها أما ( غير أنا تاني ) ......
 
رد: ناس بكري هدروا و قالوا.....اتمنى المشاركة من الجميع

ونزيدك .................
*التسرحين من كثرة الطحين
*قول أحمد ولا تقصد
*اللي يدخل بين البصلة وقشرتها ما يشم غير ريحتها
*الجديد حبو والقديم لا تفرط فيه
*ما تتكبر غير الزبالة-اكرمكم الله-وما يطوط غير البوجعران
*جامي لا تعلى العين على الحاجب
*زهر السمراء في السماء وزهر البيضاء في الحمى
*الطول للشجر والعرض للبقر والقصر للحجر وابن آدم للقدر
*البيوضة بسماطة كي قشور البطاطا والسمورة بحلاوة كي عسل البقلاوة
*عقرب سامة تقرص بالعسل وتقتل بالغقل
*لا تكثر على الملوك لا يملوك
*لا لقيت صاحبك عسل ما تلحسوش ولا لقيتو داب ما تركبوش
*حماري ولا عود الناس
*اللي فاتو الكلام يقول سمعت واللي فاتو الطعام يقول شبغت
*المكسي بقش الناس عريان
 
رد: ناس بكري هدروا و قالوا.....اتمنى المشاركة من الجميع

و نزيدك هاك هاذي غزوة تاع الأمثلة هههههه ..........
-إذا تخلطت الأديان شد في دينك : يضرب هذا المثل عندما تختلط الأمور على شخص و ينصح له بالتثبت على مبادئه و أفكاره

2-الصيف قاطو و الشتا بوقاضو .( في الصيف حلويات و في الشتاء المحامي ) : يضرب هذا المثل عندما لا تلبث العروس في بيت زوجها إلا قليلا .

-3 -لي يحب شباح ما يقول آح.: (الذي يحب عمل شيء ما يحتمل المعاناة في الحصول عليه و لا يشتكي فيقول آح .

4-كي طارت لطيور جات الهامة تدور: يضرب هذا المثل عندما تسند الأمور إلى غير أهلهـــا .

5-طريق السد لي تدي ما ترد : نوع من الدعاء على الآخرين بعدم الرجوع أي أن الطريق التي يأخذهـــا لا يمكنه الرجوع منها

6-طوال الخيط ما هو خياط : يضرب هذا المثل في نعت من يتباهى بمعرفة الشيء و هو له جاهل

7-دير الخير و انساه و دير الشر و اتفكرو : إذا أسديت معروفا فلا تذكره حتى لنفسك و إن أخطأت فتذكر دائما حتى تعتبر .

8-الي باعك بالفول بيعه بقشوره: يضرب هذا المثل في مقابلة الإساءة و الغدر بما هو شر منهما.

9-المحبة تجي بالكيف ماشي بالسيف: معنى ذالك أن المحبة ليست إرغاما إنما تأتي من القلب

10-واش جابك للواد يا الزيتونة: نوع من الندم على التدخل في أمر كان من الممكن تفاديه

11-يرقد بعين واحدة كي الذيب: يضرب للشخص الفطن جدا لا يأمن غره و لو لحظة

12-الشركة هلكة لو كان في طريق مكة : لا يجب الشراكة بين شخصين في لأأمر ما لأنها حتما تؤدي إلى هلاك أحدهما.

13-قعدو يا حمير حتى يوصلكم الشعير:يضرب في التهكم على التكاسل

14+مول التاج ويحتاج: إن كل شخص يحتاج إلى غيره حتى أكثرهم غنى

15-الي عجبك في السوم رخصو في الطريق تقيس نصو: إن السلعة الرخيصة لا تدوم

16-يا قاتل الروح وين تروح : لا يمكن للقاتل أن يفلت من عذاب الله

15-كول ألي يعجبك و البس لي يعجب الناس : على الشخص أن يهتم بالعلاقات الاجتماعية

16-مول الفول يقول طياب : كل شخص يفتخر بما يمكنه عمله

17-الي فاتو زمانو ما يطمع في زمان الناس: إذا كبر شخص فعليه ألا يقوم بأشياء يقوم بها من هم اصغر منه سنا

18-وين يبان خيطك في البردعة: للاستهزاء و احتقار عمل شخص أو حالته أمام الآخرين (البردعة هي الجبة )

19-من عندي ومن عندك تنطبع و من عندي وحدي تنقطع : يجب أن يكون تبادل بين الناس و إلا تنقطع العلاقات

20-زوج رياس يغرقو بابور: لا يقود جماعة أو يقرر أمرا إلا شخص واحد (البابور: السفينة- رياس :ربان )

21-شتا يدير الميت في يد غسالو:يضرب لمن لا يجد بدا من قصد شخص في أمر مهم و يتصرف ذالك المقصود كما يشاء.

22-سعد الزينة في الحما و سعد الشينة في السما: ليست للجميلة حظ في الزواج إنما هو للقبيحة !

23-الي بارت على سعدها دارت :التي لا تتزوج باكرا تكون سعيدة مع زوجها (؟!!)

25-زواج ليلة تدبيرو عام: قبل القيام بأمر ما يجب التفكير فيه مليا .
 
رد: ناس بكري هدروا و قالوا.....اتمنى المشاركة من الجميع

وهاذو تاني ههههههههه
*أخدم باطل ولا تقعد عاطل.
*الحمار حماري و أنا راكب من اللور ( الخلف )
*الزعاف يخرج السر.
*الفم المزموم ما يدخله الذبان.
*اقصد الدار الكبيرة لا ماتعشيتش تبات دافي.
* الجار قبل الدار.
*كم من قبة تنزار ومولاها في النار.
*عام يكثر التبن يكثر اللبن.
*الكبش ينباع بجزته.
*الي ماهوليك يعييك.
*حماري ولاعود الناس.
*قد ماتكبر العين الحاجب فوقها.
 
رد: ناس بكري هدروا و قالوا.....اتمنى المشاركة من الجميع

هههههههههه ياو غزوة صح .............
ماناكل البصل ما نحصل.

*حج وزاير بير زمزم و جاء للبلاء يتحزم.

*ياكل من الشجرة ويقطع عروقها.

*واش من مرقة حرقت شواربك.

*ازرع ينبت.

*خرج من الحبس طاح في بابه.

*اقلع راس تزول الخصومه.

*الجرب حكاك و الخائن شكاك.

*صاحبك هو جيبك.

*لي يتبع الاولاد داه الواد.

*هو في الموت وعينيه في الحوت.

*دعوة زوج ولا دعوة عجوز.

*الذهت يغير المذهب.

*يفنى مال الجدين و تبقى حرفة اليدين.

*فوت على الواد الهايج وماتفوتش على الواد الساكت.

*لقاه راكب خشبة قالو مبروك العود (الحصان) .

*لي فيه طبة ماتتخبه.

*انا نوصيك ياسعيد و انت في العمى تزيد.

*في النهار تطوف و في الليل تنسج الصوف.

*يعرف الاوقات كي الفروج وما يصليش.

*هم العرس ولاهم الضرس.

*دير كيما دار جارك و لا بدل باب دارك.

*بيضة اليوم و لا جاجة غدوة.

*اهدر على السبع يهدف.

*اتهلاي يا عصاتي على كساتي.
 
رد: ناس بكري هدروا و قالوا.....اتمنى المشاركة من الجميع

لاتضرب الكلب حتي تعرف صاحبه .

اذا كنت جميل استر روحك على العين ، واذا كنت قبيح استر روحك على الفضائح ( ويقصد قبح الاخلاق لا المظهر).

ارني صاحبك اقول لك من انت .
حكمة بلا شيخ ما تتعلمها .

اسال مجرب و لاتسال طبيب
 
رد: ناس بكري هدروا و قالوا.....اتمنى المشاركة من الجميع

صاحبك الا صاحبك في الشدة اما الناس الاخرى كلهم بعروضهم




3 الي ما رضى والديه لا خير فيه
4ابكي يا قلبي على الي ماتو و متبكيش علي فارقك في حياتو
5 كل خنفوس في عين امه غزال





























2 البلاء اذا جاك من جناحك قصو 6 العمشاء ( اللتي لها سوء نظر) في بلاد العميان حسنت الانظار 7 كبر الراس للدبارة وكبر الساقين للخسارة 8 خنفساء تلهيني ولا غزالة تشقيني 9 كان حي مشتاق تمرة عندما مات علقول عرجون 10 لسانك صنتو صانك خنتو خانك 11 الي لسع حنش اخايل الحبل 12 الي في بطنو التبن اخاف من النار 13 عندما تتعمر البطن تقول للراس غني 14 اسمع للكلام الي بكيك ومتسمعش للكلام الي ضحكك 15 فرط في كل اصحابك الا صاحب ابوك متفرطش فيه 16 ما يبقى في الواد الا حجارو 17 اشتري الجار قبل الدار 19 الزين ما اعمر البيت 20 الي ماهو ليكك غير اعييك 21 الي خلص دينو شبع 22 تبع الكذاب الى باب الدار 23 خوك يمضغك لاكن ميبلعكش 24 جاك لبلاء ياغافل 26 حوت ياكل حوت وقليل الجهد اموت 27 ربي يخلف على الغابة و لايخلف على الحطابة 28الحمام المكسر الجناح ينزل على البر الخالي 29 حل الصرة(الكيس الصغير) تلقى خيط 30 الكلب اذى نبح ماعض ما جرح 31 كدس( كومة)حجار ولا سوء جار 32 الطعام لمليح يستاهلو النفاع 33 الطماع ابات اساري (يمشي ليلا ) 34 الفاهم يفهم بالغمزة والحمر يفهم بالدبزة(اللكمة ) 35 اللي يزرع الريح يحصد غبارو 18 الي ما ذاق المر لا يعرف قيمة الحلو 25 ساعة القضاء ليه غفلة
 
رد: ناس بكري هدروا و قالوا.....اتمنى المشاركة من الجميع

اكري لاباج هادي للهارد واي :nerd:
 
رد: ناس بكري هدروا و قالوا.....اتمنى المشاركة من الجميع

يعطيك الصحة يا hard way هاكا رانا لميان زوج مواضيع في موضوع واحد و انا نزيدك هذي من عندي و نخليك تحوس على معناها ...... هذي قالمية و مول الكوستيم اذا راك تعرفها ما تقلوش عليها ......
..
واش داك تفتلو حتان تولي ترقق فيه ..... فسر و قولي ترا

ومازال كاين الخير مازال
 
رد: ناس بكري هدروا و قالوا.....اتمنى المشاركة من الجميع

رغم اني مانيش من الشرق
لكن فهمتا


تقبل مروري خوك حكيم
 
رد: ناس بكري هدروا و قالوا.....اتمنى المشاركة من الجميع

يا و راني فاهم واش معناه ...................

 
رد: ناس بكري هدروا و قالوا.....اتمنى المشاركة من الجميع

رغم اني مانيش من الشرق
لكن فهمتا


تقبل مروري خوك حكيم


مشكور أخي بارك الله فيك على المرور و المشاركة في الموضوع
 
رد: ناس بكري هدروا و قالوا.....اتمنى المشاركة من الجميع

يا و راني فاهم واش معناه ...................


ياوووو ما يروحش بالك لبعيد راهي ما فيهاش العيب .....و اذا راك فاهم قول واش معناها .......
 
رد: ناس بكري هدروا و قالوا.....اتمنى المشاركة من الجميع

واش أداك تداخصو عليك حتى تولي حاصل معاه المعنى تقريبا هكذا هههههههه والله ما لقيتش كيفاه نشرحو بصح راني فاهمو مليح وراهم يقولوه عندنا بصح بصيغة خلاف نسيت كيفاه يحيبوه ............
 
رد: ناس بكري هدروا و قالوا.....اتمنى المشاركة من الجميع

اواه يا حبيبي ماكش فاهمو نقولك لازمك تخرج من Cpu و تروح لكاش ولاية فيها البحر تروح للبور و تسقسي الصيادا اللثمة قلهم كاين قالمي هاو واش قالي هما يجاوبوك مليح .... و ما تقوليش قالمة ما فيهاش بحر على خاطر ماعنداش بحر و نقوله بزاف سيرتو ناس بكري ..... و هذا الموضوع سبيسيال لناس بكري...هههههههههههههههههههههههههه
 
رد: ناس بكري هدروا و قالوا.....اتمنى المشاركة من الجميع

لحدايد لشدايد
حكاية المكي ما اضٌحك ما تٌبكي
المكسي بحوايج الناس عريان
كول او فرق ولا كول او درق
الشر مراة والخير مراة
سكران وعرف باب دارو
رجلها في لحباس او هي في لعراس
يا لمشبح من برا واش حالك من داخل
لحمار حماري وانا راكب ملور
جا الفار يدبر عل مول الدار
كي يغيب القط يشطحوا الفيران
في كل قدرة دايرة غراف



 
رد: ناس بكري هدروا و قالوا.....اتمنى المشاركة من الجميع

هههههههههههههههههههه راني فاهمها ...........
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top