عشانا هذ الليلة علخفيف

[Oktavio_hinda]

السلام عليكم



راني نوجد في ماسيدوان بالارز ماحبيتش ندير خضار برك وعلابالي الكل يعرف يديرها لكن قلت معليش نصور المراحل والمكونات



فورت خضار نتوما ديرو واش حبيتو انا درت جزر بطاطا جلبانة لفت



وزدت قطعتلو مكعبات جبن




فورت الأرز مع القليل من الملح




نضيفلها زيت زيتون مع ليمون وملح






وعلبتين من التونة بالزيت

والنتيجة الأخيرة




المايونيز والزيتون اختياري انا مادرتلهاش لانو ابي واختي مايحبوش مايونيز كل واحد يدير في الصحن تاعو

​

 

[أبو خديجة]

يبان يشهي يعطيك الصحة
نجيب طبسي ونجي

 

[إلياس]

بصحتك سلمت يمناك
اختي لكن أنا اضيف لها البيطراف المغلي و البيض و زيت زيتون

 

[أبو خديجة]

بصحتك سلمت يمناك
اختي لكن أنا اضيف لها البيطراف المغلي و البيض و زيت زيتون

نفس المكونات نديرهم أنا تاني
نحب كل أنواع السلاطة بشرط مايكونش فيها الملح والمايوناز

 

[ام أمينة]

عشاء خفيف ظريف و ساهل
أنا لروز نغلبه نصف طياب باش نحيلو النشا و نكملو الطياب يفور كي يطيب نديرلو شوية زبدة يجي ذوق شباب

بارك الله فيك غاليتي
في انتظار جديد مواضيعك و وصفاتك المميزة

 

[Fethi.dz]

بالصحة والراحة

 

[يوسےفے]

أومبورتي من فضلك
طبق صحي مشبع
ما شاء الله ربي يبارك يعطيك الصحة​

 

[Oktavio_hinda]

يبان يشهي يعطيك الصحة
نجيب طبسي ونجي

الله يسلمك خويا حاتم مرحبا بيك
آمالا نزيد نغلي حبة بيض ليك

 

[Oktavio_hinda]

بصحتك سلمت يمناك
اختي لكن أنا اضيف لها البيطراف المغلي و البيض و زيت زيتون

الله يسلمك خويا الياس انا غليت معاها البيص كل واحد حطيتلو حبة برك كي صورت كنت مزال ماغليتهمش ودرتلو زيت زيتون إما البيطراف هو مليح لكن يغيرلو اللون حتى بون الخضار الي فيه تولي حمرا

 

[Oktavio_hinda]

نفس المكونات نديرهم أنا تاني
نحب كل أنواع السلاطة بشرط مايكونش فيها الملح والمايوناز

ايه معليش المايونيز نحطها الي يحب يدير يدير
والملح اذواق انا تاني نديرها ناقصا ملح

 

[Oktavio_hinda]

عشاء خفيف ظريف و ساهل
أنا لروز نغلبه نصف طياب باش نحيلو النشا و نكملو الطياب يفور كي يطيب نديرلو شوية زبدة يجي ذوق شباب

بارك الله فيك غاليتي
في انتظار جديد مواضيعك و وصفاتك المميزة

انا تاني غليتو شوية قبل مانفورو برك نسيت نكتب كنت نوجد ونكتب فالموضوع ايه الزبدة يجي بنين لكن انا عوضتها بزيت الزيتون
يبارك فيك حبيبتي نورتي

 

[Oktavio_hinda]

بالصحة والراحة

الله يسلمك فتحي

 

[Oktavio_hinda]

أومبورتي من فضلك
طبق صحي مشبع
ما شاء الله ربي يبارك يعطيك الصحة​

تفضل خويا يوسف بصحتك

​

يبارك فيك خويا وشكرا لمروركم

 

[يوسےفے]

تفضل خويا يوسف بصحتك

مشاهدة المرفق 171632​

يبارك فيك خويا وشكرا لمروركم

آآو علاه ذا العذاب ما الليل ..الليل للأشواق و أنا بطني مشتاق هههه.
الله يسلمك يعطيك الصحة ​

 

[لمعانُ الأحداق]

بوركتِ هند
سلمت يداك

 

[السلطانة]

بصحتكم

 

[Oktavio_hinda]

بوركتِ هند
سلمت يداك

يبارك فيك حبيبتي شكرا

 

[Oktavio_hinda]

بصحتكم

الله يسلمك حبيبتي
تبهديلة درتي لي هذ المشاركة لختم التميز هههههه حتى التقديم درتو عادي لوكان عرفت راني شبحتو شوية