إستشارة كرسي الصلاة لكبار السن

[faith8]

السلام عليكم ورحمة الله وبركاته



كاين هادا الكرسي تع الصلاة يخرجولي بزاف اعلانات عليه وحابة نشريه للوالدة عندها مشكل في الجلوس بين السجدتين والتسبيح قلت لعله يساعدها خير من الكراسي المعروفة
بصح خفت ما يعجبهاش وناكل توبيخ منها تع علاه ما تسقسيش وترمي في دراهمك باطل وووو راكم علابالكم الأم الجزائرية هههه راني عندي سوابق مع هاد المواقف
فمن فضلكم اللي شراه وجربو يحكيلنا على تجربتو وهل يستحق الشراء أو لا

شكرا ​

 

[إلياس]

صراحة معنديش فكرة على هذا النوع من الكراسي

 

[أبو عاتكة]

في رايي لديا خبرة في القياسات

الارتفاع 27 سنتيم غير مناسب

اختاري ارتفاع ستوندار 40 حتى 45 جلوس معتدل لا يرهق عضلات الرجلين والظهر حتى عند الوقوف يكون سهل ومناسب

وانتي. زيدي شوفي لكن لو تسمحي كم سعره؟

 

[ام أمينة]

انا ثاني يخرجلي اعلان عليه شحال من مرة لاكن ما عنديش فكرة عليه و ما صادفت حتى شخص يستعمله

ان شاء الله تلقاي لي يعاونك و ربي يحفظلك الوالدة

 

[faith8]

صراحة معنديش فكرة على هذا النوع من الكراسي

معليه شكرا لك على المرور الق نظرة على الردود ليستفيد الكل

 

[faith8]

في رايي لديا خبرة في القياسات

الارتفاع 27 سنتيم غير مناسب

اختاري ارتفاع ستوندار 40 حتى 45 جلوس معتدل لا يرهق عضلات الرجلين والظهر حتى عند الوقوف يكون سهل ومناسب

وانتي. زيدي شوفي لكن لو تسمحي كم سعره؟

حسنا سآخذ هذه النقطة بعين الاعتبار قبل الطلب كاين مقاسات كل واحد واش يبيع
وبالنسبة للأسعار :
الأغلبية يبيعوهم 2500 دج
وكاين مواقع دايرين تخفيض 990دج
وكاين واحد عندو نوعين واحد تع 990دج زعما عادي واللي بحديد أصلب كاتبين بحديد مقاوم أكثر حسب وصفهم يدير 1600دج

 

[faith8]

انا ثاني يخرجلي اعلان عليه شحال من مرة لاكن ما عنديش فكرة عليه و ما صادفت حتى شخص يستعمله

ان شاء الله تلقاي لي يعاونك و ربي يحفظلك الوالدة

حتى انا قلت غريب كيفاه ماشفتوش يتباع فالمحلات المخصصة، كاين فقط اونلاين وتاني جامي شفتو فالجامع حتى الأب تاعي جامي شافهم فالجامع من جهة الرجال
بلاك مزالو جديد على هادي

اللهم آمين يا رب بارك الله فيك على مرورك الطيب

 

[habib2]

معندي حتى فكرة

 

[أبو عاتكة]

الاشكال في شكله الهندسي هل هو مستقر اثناء الحركة وآمن من السقوط خاصة في الارضية الملساء لانو قاعدته حديد مباشر مع الارضية
هندسة الارجل الاربعة هي اظمن اكثر مع وجود نتوءات مطاطية او بلاستيكية اسفل الارجل تظمن عدم التزحلق

دائما الانسان يهرب للامن ولا يغره الشكل

قاعدة الامان للكبار خاصة اصحاب الوزن هي كرسي من 4 ارجل

لكن زيدي شوفي ربي يعلم

 

[faith8]

معندي حتى فكرة

لا بأس ابق في ترقب لعلك تستفيد معنا

 

[faith8]

الاشكال في شكله الهندسي هل هو مستقر اثناء الحركة وآمن من السقوط خاصة في الارضية الملساء لانو قاعدته حديد مباشر مع الارضية
هندسة الارجل الاربعة هي اظمن اكثر مع وجود نتوءات مطاطية او بلاستيكية اسفل الارجل تظمن عدم التزحلق

دائما الانسان يهرب للامن ولا يغره الشكل

قاعدة الامان للكبار خاصة اصحاب الوزن هي كرسي من 4 ارجل

لكن زيدي شوفي ربي يعلم

والله غير خفتو ما نكذبش على نقطة التصميم ديالو عليها اللي جيت نستفسر عليه
معك الف حق والله ما نريسكي
نزيد نشوف حتى نصيبو في المحلات المخصصة تع ثقة باش نشريه نجربو انا شخصيا قبل ما نمدهولها لامي
اما اونلاين كانك تشري الحوت فالبحر مكاش الضمانة خاصة انو كرسي ماشي حاجة هينة خفت يسببلها سقوط ولا كاش مشكل

 

[فادي محمد]

هناك كراسي بالمسجد فلا تشتريه

 

[faith8]

هناك كراسي بالمسجد فلا تشتريه

حبيتو لامي في المنزل وحتى في المسجد ماشي كل مرة تلقى كرسي غالب الأحيان تدي كرسيها معها لان عدد الكراسي محدود وكثرو الناس اللي يحتاجوهم

 

[Hakan]

تخدمي واحد ليها احسن لانو هاذ النوع من الكراسي ما يدومش و مصنوع من مواد تم تدوريها ، انا نشوف فكرة انك تخدميه وحدك أحسن و أفضل عند جماعة لي يخدموا الالمنيوم و لا سودار ، بالإضافة إلى نصيحتي الشراء من النت ،ما تشروش من للمنتجات لي عليها إعلانات كثيرة ، و صفحاتها غير موثوقة سواء من ناحية النوعية و الاسترجاع والله اعلم .

 

[faith8]

تخدمي واحد ليها احسن لانو هاذ النوع من الكراسي ما يدومش و مصنوع من مواد تم تدوريها ، انا نشوف فكرة انك تخدميه وحدك أحسن و أفضل عند جماعة لي يخدموا الالمنيوم و لا سودار ، بالإضافة إلى نصيحتي الشراء من النت ،ما تشروش من للمنتجات لي عليها إعلانات كثيرة ، و صفحاتها غير موثوقة سواء من ناحية النوعية و الاسترجاع والله اعلم .

بارك الله فيك على النصيحة
نشوف كاش atelier ان شاء الله كنت حابة نشريه طالع بصح للخاحة المليحة تطول

 

[Oktavio_hinda]

كي تطلبيه ويعيطولك فالهاتف اطلبي منهم أنه لما يجيبه اليفرور أنه ينتظر حتى تجربه الوالدة ربي يشفيها ويحفظها واذا عجبها خلصيه واذا ماعجبهاش رجعيه وخلصي برك التوصيل
انا نظن انهم يقبلو والله اعلم​

 

[faith8]

كي تطلبيه ويعيطولك فالهاتف اطلبي منهم أنه لما يجيبه اليفرور أنه ينتظر حتى تجربه الوالدة ربي يشفيها ويحفظها واذا عجبها خلصيه واذا ماعجبهاش رجعيه وخلصي برك التوصيل
انا نظن انهم يقبلو والله اعلم​

بارك الله فيك على النصيحة

 

[Oktavio_hinda]

بارك الله فيك على النصيحة

شكرا اختي

 

[Fethi.dz]

السلام عليكم

بالإضافة الى ما تم ذكره من الاخوة؛
- ارتفاع المقعد يكون مناسب
- يحتوي على اربع ارجل لثبات افضل
- يكون قابل للطي لسهولة النقل والتخزين

مثال في الصورة المرفقة لكرسي الكبار القابل للطي.

 

[faith8]

السلام عليكم

بالإضافة الى ما تم ذكره من الاخوة؛
- ارتفاع المقعد يكون مناسب
- يحتوي على اربع ارجل لثبات افضل
- يكون قابل للطي لسهولة النقل والتخزين

مثال في الصورة المرفقة لكرسي الكبار القابل للطي.


مشاهدة المرفق 174764

بارك الله فيك واحسن إليك
من ناحية السلامة نضن هادو أأمن، شكرا جزيلا