روح ...... راك جاي من دوار

[آمِيْرَتُه]

السلام عليكم ورحمة الله تعالى و بركاته

كي راكم دايرين خاصة صحاب الباك
نتمنى التوفيق للجميع
...........
موضوعي اليوم كلمة زوج روح راك جاي من دوار
لاحظت في البلاصة لنسكن فيها غير تصرا عركة و لا حاجة ماشي مليحة يقولك خاطي تاع الولاية أم تاع الدوار
علاه أي حاجة يحصلوها في تاع الدوار
أخر مرة تعاركت مراة مع راجل على جال الصغار بيناتهم
كي جات مروحة قاتله روح انت بروحك جاي من دوار مع أن الراجل ولد المدينة أي ولد البلاصة لساكن فيها
مفهمتش هذي العقلية كلمة زوج تاع دوار
الصراحة البلاصة لراني ساكنة فيها مؤخرا خدمت في دوار تابع ليها جامي شفت نساهم برا عكس تاع المدينة و مفهمتش اذا صرات سرقة في حانوت يقولك بنات الدوار
اذا تعاركوا جيران تقولك روح تاع الدوار المهم الدوار داخل في كل محضر
واش رايكم حتى نتوما عندكم هذي العقلية ؟
واش رايكم في هذي العقلية لنشوفها عقلية المتخلفين ؟
سلام ياصحاب الدوار ​

 

[فادي محمد]

هذه العبارة انا عايشيتها واضرتني كثيرا واش يقول الانسان ربي يهدي الناس

 

[ام أمينة]

هذي الحكاية تاع أنت من دوار راهي غير نقص وعي
الناس يستعملوها باش يحڨروا بعضهم بصح الحقيقة المشاكل كاينة في كل بلاصة سواء في المدينة ولا فالدوار
قيمة الإنسان تبينها الأخلاق و التربية ماشي منين جاي
هذي العقلية لازم تتبدل و نفهمو بلي كل واحد مسؤول على تصرفاتو مشي على أصله
يعطيك الصحة على الموضوع و يحكي على آفة موجودة بكثرة في مجتمعنا
... ​

 

[إلياس]

تجوعني هذه الكلمة كثيرا
بدون رد

 

[السلطانة]

وعليكم السلام ورحمة الله وبركاته

هاذ الناس مليح تجاوبيهم ب
راكم في دزاير ودزاير في افريقيا
وإفريقيا في العالم الثالث

 

[السلطانة]

يشاهد حاليًا هذا الموضوع:​

• السلطانة

المجموع: 5 (الأعضاء: 1, الزوار: 4)

 

[Skor m@k]

السلام عليكم
ايه ختي ماشي غير عندكم لي كاين هذي الهدرة
حتى حنا مايقولوش من الدوار يقولو تاع برا هذو ههههه
كي شغل ماشي من داخل الدار لي هي لمدينة
ولوكان تشوفي كي كنت صغير كنا نقراو في وحد السيام والحومة لي قدامو كي شغل برارك فوضاوي بصح حاسبين روحهم هوما الاصل تاع هذيك لبلاصة وكاين وحد الدراري يسكنو في الدخلة تاع لمدينة هي ماشي دوار المهم ساكنين في فيلات وديور ماشي باطيمات
المهم هذوك تاع لي فوضاوي وفي لمدينة ساكنين يقولولهم تاع برا ويعايروهم في اي حاجة تصرى كيما حكيتي
دارت الدنيا ودار الزمان هذوك الفوضاوي مدولهم الدولة تاع الصوصيال نفاتهم لبلاصة بعيدة على برا تاعهم لي كانو يقولوها ههههه

مالا الواحد لازم مايعايرش خاطرش الدنيا الدور

يعطيك الصحة ختي


​

 

[السلطانة]

السلام عليكم
ايه ختي ماشي غير عندكم لي كاين هذي الهدرة
حتى حنا مايقولوش من الدوار يقولو تاع برا هذو ههههه
كي شغل ماشي من داخل الدار لي هي لمدينة
ولوكان تشوفي كي كنت صغير كنا نقراو في وحد السيام والحومة لي قدامو كي شغل برارك فوضاوي بصح حاسبين روحهم هوما الاصل تاع هذيك لبلاصة وكاين وحد الدراري يسكنو في الدخلة تاع لمدينة هي ماشي دوار المهم ساكنين في فيلات وديور ماشي باطيمات
المهم هذوك تاع لي فوضاوي وفي لمدينة ساكنين يقولولهم تاع برا ويعايروهم في اي حاجة تصرى كيما حكيتي
دارت الدنيا ودار الزمان هذوك الفوضاوي مدولهم الدولة تاع الصوصيال نفاتهم لبلاصة بعيدة على برا تاعهم لي كانو يقولوها ههههه

مالا الواحد لازم مايعايرش خاطرش الدنيا الدور

يعطيك الصحة ختي


​

راهم درك حطوهم في عدل
ههههه وين الطبيعة الخلابة والحيوانات البرية
وين يسكنو في المدينة
مكانش بلاصة بعثوهم لأعماق الطبيعة ورضاو بيها