يخنة زهرة بالدجاج شهية

[سكون الفجر]

اليوم رح قدملكم طبق شهي كتير وعن جد رح تحبوه بس لازم تجربوه الاول
نبدأ بسم الله

1 كيلو زهرة
نص كوب طحينة
نص كاسة عصير ليمون
1 كيلو صدور مقطعة
6 حصوص ثوم مهروس
1 ملعقة كبيرة مرق دجاج أو ماجي
1 ملعقة صغيرة فلفل أسود
ملح حسب الرغبة


بالبداية رح نقلي قطع الزهرة ونحطهم على جنب

في قدر على النار نضيف القليل من الزيت واول ما يسخن نضيق قطع الدجاج
والثوم ونقلب لحتى يتغير لون الدجاج
"هاي الخطوة ما قدرت اصورها كاملة، أرجو المعذرة"

بعدما يتغير لون قطع الدجاج او التقليب لمدة عشر دقايق بنضيف
قطع الزهرة المقلية ومرق الدجاج "الماجي"

وفي وعاء تاني رح نحط الطحينة مع عصير الليمون ونخلطهم جيداً
ونضيفهم على الدجاج والزهرة

وهون رح نضيف الملح والفلفل أسود

وبنترك الطبق على النار المتوسطة لمدة نصف ساعة
وبعدها بيجي شغل الترتيب والتقديم
أنا قدمت الوصفة مع البرغل والشعيرية عن جد اشي تحفة

ان شاء الله تكون وصفتي نالت اعجابكم
وان شاء الله تكونوا تحمستو لتجربوها

​

 

[إلياس]

بارك الله فيك على الوصفة اللذيذة جدا

 

[الامين محمد]

في الجزاير سموه الشوفلور او الشوفلار
عن جد والله والله قبشتي مشاعري هههههه
يا بت حرام عليك والله تخيلت المنظر امامي و انا اخوض معارك ضارية يمنة و ميسرة
على طاولة التقديم و اعبي فمي و اشرب شوي قازوز عشان اللقمة تمر و ألحقنا بلقمة اكبر منها هههههه
عن جد فنانة سكون فنانة مافيها كلام هههههه

 

[ام أمينة]

تِسلم الأيادي على الوصفة المفصلة
حنا طريقة طبخ الزهرة عندنا مختلف تماما عن طريقتكم
في إنتظار وصفات جديدة من مطبخك المميز ​

 

[فادي محمد]

وصفة لذيذة لكن باللحم تكون أحسن