بوتفليقة وتلفزيون الجزائر دارولنا التبهديل وغزة........

[kamou]

انت محقة لكن ألا ترين معي ان هذا السيناريو كل عام يتكرر ، اسرائيل تقصف وتدمر وتبيد الشعب الفلسطيني ، ونحن نندد ونشجب ، وتمر الكارثة ونعود الى حياتنا اليومية وكأن شيئا لم يكن

الحل هو ان يتفق جميع العرب ويواجهوا اسرائيل مش بحرب( مبدئيا ) بالتضامن الملموس
كأن يذهب الرؤساء والوزراء الى غزة ليثبتوا انهم فعلا مع فلسطين
اعرف ان هذا لن يحدث ...​

فهم اجبن من ذلك​

نعم سيناريووووا نفسه
نفس الممتلين
نفس الكاميرات
ونفس الاستدويوووو
وووو الدين تقع عليهم التجربة هم اهلنا في غزة
وماواراء الكواليس هم نحن نتفرج كان شيئا لم يحدت
نصبر قلوبنا بكلمة حكام وتضامن

يا للعار يا للعار
لاتنسي رفيقة الدعاء تم الدعاء
وان سلاح المؤمن دعاءه

 

[RaNiA]

جاب ربي لبارح دارو حصة تضامنية مع فلسطين سينو ما تفراش معاهم

 

[kamou]

جاب ربي لبارح دارو حصة تضامنية مع فلسطين سينو ما تفراش معاهم

ياووو كيف كيف
ربها واحد
داروو ولا ماداروش غير هي
البارح على 12 تع الليل درت الجزيرة ...الحالة كلها قصف وموت
والناس في بلاد بلاماندكر الاسم
عاطيينها للشطيح وpapa noel
والاكل والشرب الى غير دلك
ربي ربي ربيانصر غزة واغفر لنا على تواطئنا يا رب يا رب ارحم صغارهم وقوي رجالهم وعن نساءهم

 

[malika55]

واش تحب هدا هو رئيسناااااااااا
الهم منصرهم على القوم الكافرين

 

[اشراق العربية]

الدعاء

واش تحبو هادو هوما الحكام العرب عندهم كلمة نندد في كل الخطابات اما نحن كشعب نملك الدعاء لاخواننا في غزة الجريحة اللهم قوي عزائمهم وانصرهم على القوم الكافرين اللهم ارسل على بني اسرائيل طيورا ابابيل ترميهم بحجارة من سجيل اللهم امين

 

[طارق القبطان]

واش من زوخ و فوخ انت اصلا شكون راه معاك روح دير اقتباس للمضمون تاع الموضوع و اعطي رأيك اما رأي صاحب الموضوع احق بمناقشتو اوك قال زوخ قال روح شوف خاوتك من قبلك كيفاش راهم يتناقشو انت جيت تقول زوخ و فوخ
الله يهدينا اجمعين و انشاء الله ربي تفرج على فلسطين

أنت لي راك تقولي موقف الجزائر أفضل من باقي الدول العربية
عفوا أقصد الدول العبرية
ياو والله والوا الجزاير كيما البقية لا تختلف عنهم في شيء والوا كاين غير النفو
واش من أفضل الناس قاعدة تموت وتتذبح واحد ما قدر يساندهم كيما كانوا تحت الحصار من قبل
كل الحكومات العربية سيرمون في مزبلة التاريخ
ان شاء الله النصر لحماس زكارة في الحكام العرب اللي يكرهوها​

 

[نجاة40]

عندك الحق خويا الغالط ماشي غير الرئيس حتى حنا الشعب غالطين الدول كامل دارو مظاهرات ماعدا حنا علاه والله لوكان يخليوني غير نروح لفلسطين وعندي نروح نقابل ربي بدم الشهدا خير مانقابلو بمبررات او وجهي نازل فالارض
مي ذرك عندنا غير الدعاء والكبار خويا خليهم على ربي ياخي يقولو اي انسان علاااااااااا يجيه وقت وين يطيح وانشاء الله ربي يخفف عليهم ويكون معاهم ويثبتهم على دينهم وقلتها الف مرة انو الحياة ترخص للوطن و خاصة بيت المقدس

 

[آلاء هبة الرحمان]

و الله كلامك كله صحيح
و نحن كذلك لازم علينا نديروا مضاهرات او اي شيء
البارح و انا اشاهد قناة المستقلة اتصل عدة جزائريين لم يجدوا ما يقولون قام احد الاساتذة بطرح سؤال لهم
و هو
ماذا فعلتم انتم يا جزائريين يا مسلمين يا بلد المليون شهيد ؟؟؟
لم يجدوا ما يقولوا
و الله عيب تبهديلة
اليوم هم و نحن غدا
فكن معهم يا الله

​

 

[سلافة]

ربي ينصرهم وعلينا انو ندعيولهم وللي حاب يدير حاجة ما يعولش على الغاشي ولي حاب يهدرو في التيلي على غزة يطلق قناة تاعو ويدير حداد وحدو حنايا في وقت فرنسا واحد لا عاونا لقينا غير لي يشفاو فينا حنا طلعنا وعقبنا خطي شال وموريس باه نجيبو السلاح وننقدو رواحنا مايش ناكلو في بعضانا ونبكيو ونقولو عاونونا وحنا كنا نتقابضو بالموس ماعندناش السلا حتى نجيبوه ونخدموه لرحنا

والله ربي يهديكم صح يغيضو مي ماراهمش متفاهمين :blink:وراهم راقدين:blink: ويسناو في المعونة حتى توصلهم لفم الباب


ربي يهديهم ويهدينا

 

[عنابية]

راسي حبس من العجز لي أنا فيه و قلبي معمر
بصح حبيت نعرف حاجة وحدة علاه ماكانش تظاهرات في الجزائر وينو الشعب الجزائري و ما تقولوليش راه راقد محال مازال كاين الرجال و النساء في الجزائر و لي قولبهم مع غزة و مع القضية الفلسطينية و حتى الشباب نضمنلك بانهم حاسين و واعيين
كي تشوف الاخبار المظاهرات في كل مكان مصر و لبنانو اليمن و ليبيا و الأردن و المغرب و السودان و فرنسا و إيطاليا و بريطانيا و أمريكا ................و كل دول العالم غير تونس و الجزاير
جاوبوني علاه علاه انتوما لي مشاركين في الموضوع ماتتحدوش و تديروا مظاهرات خاصة ان منتدى اللمة الجزائرية فية ماشاء الله من الجزائريين

 

[سلافة]

حنّونة ديري وحدك كي متنا في نهار واحد45000 شهيد واحد لا بكا ولا ندب على راسو لقينا غير الوالدين يبكيو والغاشي يشّفّا فينا


وفي ديجا لي دارو المضاهرات واش دارو فيها واحنا كيما مادرناش واش درنا فيها رانا كيف كيف لي حاب يعاون يروح عندهم ويعاون يخي عباد يخي .

 

[حفيد هواري بومدين]

راهم خاوتنا يا عباد الله
مضاهرات حنا مادرنا والو
صح
بصح
علاه مانعينوهمش
ام كانو في 1954 يعديو الاسلحة للجزائريين من مصر عبر فلسطين
واجب نعينوهم
​

 

[موساوي]

الله غالب ومازلنا سنرى أكثر

لقد ضاع الأسام وضاعت الامة

كيف يا عباد الله غزة دمرت والعرب مازالت لم تتفاهم هل ستجري قمة عربية طارئة ام لا

وكما قالوا قديما

أتفق العرب ألايتفقوا
​

 

[الستار سوسو]

قالوا عن الجهاد فرض كفاية ◘◘◘ حتى ذقنا من الذل كفاية

يا إخوان الجيل لي يحرر فلسطين ليس هذا الجيل
وراكم شافين كامل رانا نتكلموا ونتكلموا واحد ماهو حاب يدير الخطوة الأولى ...
​

والله ياأختي عندك الحق

 

[الستار سوسو]

جاب ربي لبارح دارو حصة تضامنية مع فلسطين سينو ما تفراش معاهم

فاقوووو
حتى بهدلونا وفات الحال :thumbdown:

 

[الستار سوسو]

أنت لي راك تقولي موقف الجزائر أفضل من باقي الدول العربية
عفوا أقصد الدول العبرية
ياو والله والوا الجزاير كيما البقية لا تختلف عنهم في شيء والوا كاين غير النفو
واش من أفضل الناس قاعدة تموت وتتذبح واحد ما قدر يساندهم كيما كانوا تحت الحصار من قبل
كل الحكومات العربية سيرمون في مزبلة التاريخ
ان شاء الله النصر لحماس زكارة في الحكام العرب اللي يكرهوها​

ياو كيف كيف ياطيك الصحة
الجزائر راهي هي اللخرة كيفها كيف المغرب العربي هزما العرة :crying:

 

[الستار سوسو]

و الله كلامك كله صحيح
و نحن كذلك لازم علينا نديروا مضاهرات او اي شيء
البارح و انا اشاهد قناة المستقلة اتصل عدة جزائريين لم يجدوا ما يقولون قام احد الاساتذة بطرح سؤال لهم
و هو
ماذا فعلتم انتم يا جزائريين يا مسلمين يا بلد المليون شهيد ؟؟؟
لم يجدوا ما يقولوا
و الله عيب تبهديلة
اليوم هم و نحن غدا
فكن معهم يا الله

​

الله يطيك الصحة أختي
شكرا
هادي الجزائر وهادوا الجزائريين

 

[الستار سوسو]

1-امريكا قالت انا اتفهم هجمات اسرائيل على غزة
2-اوباما مصرحش حتى بكلمة و برر الموقف تاعو انو هناك رئيس واحد للولايات المتحدة
3_مصر لحد الان لم تسمح بعبور المساعدات و مزال معبر رفح مغلق
...........................لحد الان هذه الدول تستطيع ان توقف اسرائيل امريكا تقدر توقف اسرائيل شوية مش للأبد مصر تقدر تساعد الفلسطينيين لكن لا حياة لمن تنادي غزة لا تريد تنديد غزة تريد السلاح و المعدات الحربية يا خاوتي اسرائيل هادي اختارقت القانون الدولي يعني محتارمتش القوانين و خصها تحتارم الرؤساء حنا رئيسنا يلهى غير في بلادو لي مزالت غارقة في الارهاب و حنا الله غالب العرب متافقوش كون تفاقو اسرائيل تمحى من الوجود لكن الله غالب العرب موالفين هكدا متنساوش ايام العشرية السوداء كامل البلدان اطعت الجزائر و منعت الرعايا تاعها من زيارتها نهار نطق ذاك المسؤول و قال بلي قاع العالم سوف يذوق مرارة ما ذاقته الجزائر و هدا الارهاب لي راهم متخوفين منو راح ينتاشر في العالم و مغلطش كي قالها الارهاب راه في كل مكان
و انشاء الله فلسطين ياااااااااااااااااااااااااااااااااااااااااااااااااااااااااااااااااااااااااااااا رب



غزة ان عجزنا عن نصرتك...............فلن نعجز عن الدعاء لك​

شكرا لكن العرب هاذي المرة .............

 

[الستار سوسو]

حنّونة ديري وحدك كي متنا في نهار واحد45000 شهيد واحد لا بكا ولا ندب على راسو لقينا غير الوالدين يبكيو والغاشي يشّفّا فينا


وفي ديجا لي دارو المضاهرات واش دارو فيها واحنا كيما مادرناش واش درنا فيها رانا كيف كيف لي حاب يعاون يروح عندهم ويعاون يخي عباد يخي .

ياأختي واش هذا مظاهرات استكثرتيهم في اهل غزة هوما ماعليش كي يموتوا 45000في نهار
وحنا على مظاهرات زوج سوايع ولا ثلاثة خفتي تموتي
وزيد حنا شكون يقتلك هنا كاشما عندنا اسرائيل هنا والبلدان لخرين كامل عماو عليهم كي تدير الدزاير مظاهرات يقصفوها
راهم يستناو غير فينا :blink::blink:
شكرا اختي العزيزة والسلام

 

[الستار سوسو]

ربي ينصرهم وعلينا انو ندعيولهم وللي حاب يدير حاجة ما يعولش على الغاشي ولي حاب يهدرو في التيلي على غزة يطلق قناة تاعو ويدير حداد وحدو حنايا في وقت فرنسا واحد لا عاونا لقينا غير لي يشفاو فينا حنا طلعنا وعقبنا خطي شال وموريس باه نجيبو السلاح وننقدو رواحنا مايش ناكلو في بعضانا ونبكيو ونقولو عاونونا وحنا كنا نتقابضو بالموس ماعندناش السلا حتى نجيبوه ونخدموه لرحنا

والله ربي يهديكم صح يغيضو مي ماراهمش متفاهمين :blink:وراهم راقدين:blink: ويسناو في المعونة حتى توصلهم لفم الباب


ربي يهديهم ويهدينا

ياختي الشفاية ماشي مليحة
والشعب الدزايري كي كان على ديدانو عمروا ماستنا واحد يرجعلوا الخير ولا يرجع الثار
وهذا الشيء كامل في خاطر الناس اللي راهم يموتوا مادخلناش فيهم متفاهمين في بعضهم ولا ماهمش
شكرا تقبلي رأيي وشكرا على المشاركة نورتي