زيروا السنتورة gــــاللكم سيدي الرايس

[rafika32]

بسم الله الرحمن الرحيم

شوفوا يا جماعة الخير كيما تعرفوا كامل
البترول راه هبط
وهبط بزاف مش غير شوية
امالا راه يقلكم
سيدي الرايس

زيروا السنتورة

نقصوا شوية من الاستهلاك
يا بن عمي ، ايه عندو الحق لاه تاكلوا الخبز وتشربوا الحليب و منعرف واش ثاني ....
كلوا الخبز وحدوا ..لاه راح تموتوا
منين يجيبلكم الدراهم
عندوا زوج دوروا راح يصرفهم على النواب والغاشي لي داير بيه
مساكين راهم يخلصوا غير 31 مليون برك ...متكفيهمش
وانتم تحوسوا على حوايج اخرى غير الخبز
زيروا السنتورة خير لكم
سي no الخبز ويزيد يروح.... تولوا تاكلوا
البشنة
وتقولوا بنينة

ايا تبقاو على خير
ما كان لاه نوصيكم
​

 

[حفيد هواري بومدين]

انا واحد من ناس نخدم في البرلمان راه مزهيهنا سيدي الرئيس :biggrin: مانخلصوش غير 31 ملوين
نسيتيlé prime والهدايا :biggrin:
+
انتم يا شعب واش بيكم هادا زيرو رواحكم شويا
لاتعودو الماكلة تقسموها مابين 24 جار

----
شكرا رفيقة حاولت نزيد فيها شويا :laugh:

​

 

[rafika32]

انا واحد من ناس نخدم في البرلمان راه مزهيهنا سيدي الرئيس :biggrin: مانخلصوش غير 31 ملوين نسيتيlé prime والهدايا :biggrin:

عندك الحق سيدي النايم قصدي النايب نسيت الحوايج الاخرى لي فوق الخلاص ..
صحيت خويا عبدو زيد كيما تحب​

 

[dana1993]

السانتورة راهي مزيرة وين نزيدوا:angry::angry:

الشعب راه مسكين والحكومة زعمة معلابالها بوالوا:001_huh::001_huh:

ياخي بلاد:bored: ​

 

[الساجدة لله وحده]

الشعب مسكين مابقاتلوش لاطااي قد مايزيد يزير السنتورة...خلاص ديجا هي مزيرة من عندهم..
...الله يجيب السلااك برك..مااش عارف وين رايح يزيدوا يوصلو؟؟....
.......

 

[4LI_4LGERI4]

 

[rafika32]

السانتورة راهي مزيرة وين نزيدوا:angry::angry:​

هااااي واه ثاني...تعرفي خير من سيدي الرايس ولا .....زيدي زيري شوية
لا تقدري تصومي وتاكلي غير خطرة في النهار مليح

 

[rafika32]

الشعب مسكين مابقاتلوش لاطااي قد مايزيد يزير السنتورة...خلاص ديجا هي مزيرة من عندهم..
...الله يجيب السلااك برك..مااش عارف وين رايح يزيدوا يوصلو؟؟....
.......

هذا من وجهة نظرك انت أختي الساجدة بصح من وجهة نظر سيادته ، مازالكم سمان .....زيدوا زيروا

 

[rafika32]

اواه راك لاباس عليك خويا علي الله يبارك ...مازالك تمشي على رجليك ...زيد زير

 

[batterie26]

شعب هش ، سياسة هشة ، واقتصاد هش ونزيدو نزيرو السنتورة الله يكون مع الزوالي​

 

[enriko]

انا راني فرحان

انا راني فرحان البثرول هبط و السراقة نقصو و المشامشية كدالك عبا الاقل الزيت اهبط السميد شويا انا ما عندي سنتورة م نزيرها سيدي الرايس زير وحدك انت لي والفتي تحوس و تلهوس التبراح خلاص عليك واش تسني باش تروح ولا عجبتك الحطة و باغي عهدة ثالثة باش تكمل مليون compte عفوا مليون مسكين ........سكن بركات ياك قلت فشلت ادا وداعا بو تف

 

[kamou]

اووووووووووووووو وقع فيها تزيااااااااااااار
انا العظم تكسر ماعندي وين نحط السبتة
خليها على ربي
يا اما سي البترول يطلع ولا كرشنا تحبط
مي رانا عايشين والحمد لله
بالتزيار ولا بلا بيه غير كيف كيف لاطاي كاينة كاينة sava
موضوع هايل اختي رفيقة
ماتنسايش تحكميلي بلاسة حداك فالبرمان
وبلغي سيدي الرايس سلام حار حار كي لمحاجب
امممم راهم في خاطري
هادا قع من التزيار لي جبتيهونا يا رفيقة اختي​

 

[Realo]

زيرو يا جماعة .. والله ما رانا نتمسخرو :closedeyes:

 

[دلع الطفولة]

نووووورمال في بلاد ميكي

:yahoo:

بالاك غلط برك سامحوه باش يقولها للبرلمان خرجها للشعب المسكين ...

ياخي بلاد ميكي ياخي ....

 

[rafika32]

السلام عليكم ورحمة الله تعالى وبركاته

شكرا للجميع على تدخلاتهم البناءة الشفافة لي كلها ديمقراطية (نصلح وزيرة)

ولي اكيد سيدي الرايس راه فرح بيها حتى لو راها مخالفة لرأيو السديد

أمالا انا نقول لسيدي الرايس

من وقتاش الشعب فرق معاه سعر البترول

طلع لـ 100 دولار للبرميل
شعلت النار في كلش لي تمسها تحرقك

هبط لـ 50 دولار
بقات النار شاعلة

انا نظن والله أعلم الناس لي يفرق معاها سعر البترول هوما سيدي الرايس وجماعتو

اما احنا المساكين

طالع ولا هابط ما نحسوش بيه

نسمعوا برك



​

 

[حبيب اقلي]

ما بقى فالسنتورة ما يتزير ... القعاري كملوا

 

[Rochdi.dz]

يعطيك العافية رفيقة أختي
​

 

[fantazia]

ربي يستر رانا شوية و نوليوا الخبز مانلحقوش عليه قولوا الحمد لله كي كاين الخبز

 

[alucard.x.zaraki]

حنا رانا الحمد لله كيما قال وحد الداب

مدام رانلقاو البشنة gاع رانا ملاح
وش رايك في هاد الناس

ملا غير أسكتو إحمدو ربي كي لقيتو الخبز :music_whistling:

 

[tarek 09]

يجب أن نقتدي بالرئيس الليبي الذي يعطي لشعبه شهرية ويقوللهم هذا حقكم من مداخيل البترول