.•:*¨`*:•. كما عودنا عمو احمد يفتح قلبوا بطريقته الخاصة .•:*¨`*:•.

قال h@mza_39:
اهلا بيك عمو احمد

وش راك شويا
مليح ​

واش راك من هاد البرد عموا ​
إضغط للتوسيع...


حمزة واش ولدي ؟؟
.
على سلامتك ​

يا ولدي واش هدا راك تعزز في روحك ؟؟؟؟​

ولا عجباتك البلاصة لهيه نسيتنا ؟؟؟​

نعرفك عاقل صح ؟؟؟​

امالا اوعدني بلي العضوية هادي ما يصرالهاش كي الأخرين ​
 


و لأصحاب الرسائل بإذن الله غدوة نبداوا​
 
قال h@mza_39:

والله مانسيتكم عموا والدليل قول عبدو كي نحكي معاه في التلفون هو لي يقلك ...
الهيه اي لهيه اما احنا رانا هنا عموا ...:thumbup1:
اما الوعد راني وعدت علي وعدت الاخوة الافاضل ومانعرف عموا :sad:
وانت راك مليح عموا ....​
إضغط للتوسيع...


و الله الحمد يا حمزة ولدي

رانا عايشين و الحمد لله رب العالمين

​
 


نبداوا درك نعالجوا المواضيع اللي لحقوا على الرسائل الخاصة​
 
نبداوا برسالة الأميرة الضياع​

السلام عليكم ​

انشاء الله تكون بخير عمو
المهم هو صحيح الشكوى لغير الله مذلة بصح حبيت نحكيلك باه تنصحني وتعاوني وتنحي عليا الخوف والقلقة من بالي المهم عمو انشاء الله مانكونش ثقيلة عليك واذا ماكش قاعد قولي الوقت لي تكون فيه هنا وانا نجي ونحكيلك وانشاء الله تعتبرني كي بنتك
شكرااااااااااا
و عليكم السلام يا بنتي​

يا بنتي يظهرلي انت اللي ماكيش قاعدة ماشي انا ؟؟​

يا بنتي راكي غالطة في هادي​

يقول السؤال لغير الله مذلة و ليست الشكوى​

ربي خلق البشر و دار فيهم فطرة انو كل انسان ما يقدرش يعيش وحدو​

يعني انو يحكي معاهم و يقاسمهم همومه و يفرغ قلبو ليهم​

الله غالب يا بنتي هادي فطرة في البشر​

شوفي يا بنتي في ما يخص القلقة و الخوف :​

في رسائل فاتو .. بزاف وليدات نقلهم على حل لكن كأنهم يكلحوا عمهم مي راني عارفهم :​

نقولهم صليوا ركعتين كل يوم قبل النوم و اقراوا شوية قرآن​

::: ياه هادي كامل نعرفوها ... لكن هل فعلا رانا نقوم بيها ؟؟​

يا بنتي بينك و بين روحك ... جربيها مرة برك :: علبالي تجي ثقيلة عليك شوية سيرتو في وقت الرقاد :: لكن معليش جربي مرة وحدة برك و قارني الليلة هاديك باليالي اللي فاتو عليك من قبل​

بالاك يا بنتي تعاودي هاد الهدرة : ثقيلة عليك​

و الله نزعف منك و زعاف عمو راه صعيب شوية​

اما قصتك يا بنتي :: راني نستنى فيك و قولي لي اذا نحطها في الموضوع و لالا
و ربي يبارك فيك يا بنتي​

 
قريت واش كتبت وفهمت واش قلت ختراه الحمد لله تربيت في عايلة تعرف ربي وبديت نصلي منين كنت صغير وهادي ماشي مزية من عندي راني نصلي يا عمو الفرض والنوافل نحاول باه نلصقهم فيا مي ساعة على ساعة نصلي الفرض وحدو والقران مانكذبش عليك وين نقعد نقرا ماشي دايما​

بارك الله فيك يا بنتي ​

ألا بذكر الله تطمئن القلوب ​

مشكلتي يا عمو انو عندي مشاكل بزاف اولها اني نمرض بزاف ودايما عند الطبيب كرهت حاجة اسمها طبيب ودايما خايفة لا يكون عندي مرض ماشي مليح بصح انا كيعاد قارية نفهم للطبيب واش يقول ومايقدروش يخبيو عليا وزيد نقول بالاك يحبني ربي وتفكرني باي حاجة باه يختبرني ونقول ماكانش خير من ربي نشكي ونبكي وحدي بصح خارج مع الناس ماكانش واحد كيفي فالزهو مي ربي وحدو لي عالم بيا نضحك في وجه العباد وماكانش واحد يعرفني ويهدر عليها بحوايج ماشي ملاح ولي يقلقني نهدر معاه وما نبينلوش درت عملية يا عمو العام لي فات لي يقراو معايا كامل جاوني وكي رجعت نقرا فرحو بيا ماتتصورش قداه قالولي بلاصتك خليتيها فارغة مي يا عمو قلبي تعمر بزااف وعندي صحبتي هي عندها مشاكلها نخاف نزيد نحكيلها نزيد عليها ونرجع في قلبي ​

يا بنتي هاذي هيا الدنيا ​

و لله في خلقه شؤون ​

يعني انو يمدلنا حوايج و ينحيلنا حوايج ​

فالكمال له وحده​

و ممكن يا بنتي ربي راه يبلي فيك و يختبر في ايمانك ​

ان الله اذا احب عبده ابتلاه ​

لكن تذكري فقط ان بعد العسر يسرا ​

و الأهم يا بنتي :​

انت انسانة محبوبة و كامل الناس تحبك و تقدرك بالتأكيد من خلال تعاملك معهم ​

أما المرض يا بنتي ​

نسألو ربي يشفيك و بإذن الله مرحلة و تفوت ​
 
كاين عندي مشكل اخر ترددت باه نحكيهولك مي قررت نقولك ختراه البنات كامل يعانيو منو
الحب عموكنت دايما نخاف منو نخاف نغلط ونخاف ندير حاجة نغضب ربي مني الحقيقة عمو اني عرفت واحد ولد بلادي حتى هو حبيتو مي جامي بينتلو ولا قلتلو واحد المرة زلقت وقلتهالو تشوف يا عمو فرح تقول واش قتلو وانا عييت نبدل الهدرة ماقدرتش حبيت نبعد عليه مي عمو اول جاست دارو كي هدر معايا قالي نجي نخطبك مي انا قلتلو مازلت صغيرة وبيني وبينك عمو نخاف دارنا وزيد هو ملتحي وانا بابا يكره الملتحين مي انا حبيتو لوكان يجي يقولو بابا منين تعرفها وعلاه تجي ووووو بزاف اسئلة حتى يهربو انا ماحبيتش نقولو مي قالي نحي اللحية قولي ايه برك وانا قلتلو ماتنحيهاش نخاف يا عمو ندي الاثم نتاعو مي ابار اللحية هو انسان عادي خلاص متواضع ومايخاف حتى من واحد غير من ربي سبحانو خفت ودرت السبة فالقراية قالي نستناك تكملي قرايتك وهو كان يدير في كواغطو باه يطلع لفرنسا قتلو روح وكي ترجع تلقاني قالي شكون يضمنلي نلقاك المهم تقابضنا واخر كلمة قالهالي كي نحب نخطبك راني مانشاوركش باباك نعرفو وعلاه نقلق راسي انا كي قالي هكاك قلقت منو وجبت شهر قافلة البورتابل وكي حليتو قالي والله العظيم راني كنت في سبيطار على جالتك وبقا في عقابي وياخي قلتلك انا حاولني شوي نوافق يا سيدي تفاهمنا انو نكمل القراية ويجي يخطب ونطلع معاه لفرانسا مي شوي شوي ضهرو مشاكل اخرى يغير يا عمو لدرجة ماتتصورهاش ماتخرجيش وحدك وماتروحيش لدار فيها الاولاد حتى لوكان دار خالتي لي تربيت معاهم مرة جيت رايحة لسكيكدة فالصيف مع دارنا قالي والله تروحي مانتفاهموش عييت معاه وين نجيه يقفلها في وجهي قلتلو مالا كي تديني ديرني فالحبس ايماجين واش قالي نديرلك كثر من الحبس وانا مانيش راجل ومنا وبدا يجبدلي مواضيع نتاع الزهر لي تبانلهم الرجلة ثم مي مانكذبش عليك حبيتو كي يغير عليا وحسيت فيه الصفات لي تمنيتهم كامل مي الغيرة بزاف خلاتني نخاف وبعدت عليه والعام هاذا راح نتخرج وعندي عامين مانعرف عليه حتى خبر ساعات نحب نهدر معاه وساعات نخاف ونقول لالا خليني هك راني مليحة مي انا في داخلي نفيق بصورتو ونرقد بصورتو بين عينيا اتخيل يا عمو كي شافني متربية في دار خالتي وندور عليهم بزاف بدل خدمتو رجع بابا حذا الباب مع دار خالتي وانا باه نتفاداه والله العظيم غير خالتي قاطعتني وتغشت مني مارجعتش نروح كيما بكري واذا رحت مانخليهش يشوفني مرة شافني مع ولد خالتي كبير عليا ويعتبرني اختو الصغيرة شافو يقولي والله غير نموت عليك وانا جات عيني في عينو لوكان جا يصلح راهو جاو وضربني انا وياه مي الله غالب عمو نحبو مي حتى فامي نتاعي ماحقوش يحرمني منها قولي عمو واش ندير والله راني كل يوم نستنا فيه يجي نخاف نروح انا نزيد نعميها اكثر ماعندي حتى واحد نحكيلو حتى صحبتي ماتسقسينيش واذا سقساتني نقولها ماكان والو والله العظيم غير تعبت رجعت اي انسان نشوفو باللحية نقول بالاك هو لي تبدل ختراه عندي بزاف ماشفتوش كي يصوني بورتابل نقول بالاك هو ،وين يرجع بابا من الخدمة نقول بالاك راحلو كي جيت ندير العملية اول ماحليت عينيا سمعت اللقب نتاعو قلت بالاك هو مي لقيتو ماشي هو مي من بعد نلقا روحي في حلقة مفرغة ماكاين حتى جديد قولي عمو واش ندير راني طولت عليك مي لوكان نحكيلك كلش نجيب عام نحكي ومانكملش




يا بنتي و الله حيرتيني صح ​

احترم قرار الوالد : لكن ​

ناس تحوس لبناتهم ولد صالح و متقي لكن هو ....​

اذا جاءكم من ترضون دينه وخلقه فزوجوه ​

ممكن قرار الوالد عندو خلفيات أخرى لذلك احترم قراره​

نجيوا درك للمشاكل اللي بينك و بينه ​

يا بنتي الغيرة في الإنسان فطرية الله غالب ​

يعني اي شيء قام بيه يا بنتي راه مبرر​

لكن اللي صرا بينكم ما هو الا مجرد سوء تفاهم​

و الخطأ فيكم في 2 لأنكم خليتوا الأمر يتفاقم​

و سبتو هي عزة نفس كل واحد فيكم ​

كل واحد يقول ماشي انا الغالط امالا يبادر هو ولا رانا هاك​

يعني كنتوا على الأقل واحد فيكم ​

يا اما انت : تروحي و تفهميه واش صرا ​

يا اما هو : يجيك و يستفسر قبل ان يتخذ اي قرار​

لكن الغلطة صرات و مع مرور الوقت راها تفاقمت ​

يا بنتي :​

انا راني حسيت بلي الشاب هذا السبب الرئيسي اللي خلاه يبعد​

هو موقف الوالد نتاعك منو​

عزة نفس الراجل يا بنتي تخليه يدير كل شيء​

تخليه يدير امور هو في حد ذاته ما يتوقعش روحو يديرها ​

و بالتالي اذا راك فعلا حاب تكوني معاه اسمعيني :​

- اسألي عليه بأي طريقة كانت ​

- حاولي تعرفي حياتو يعني هل راه مرتبط درك مع فتاة أخرى او لا​

لأنو يا بنتي الراجل ما ينسيه في المرأة غير مرأة أخرى ​

الغيرة يا بنتي نتع الراجل تقدر المرأة تتعامل معاها للأنها ما تضرش​

اما غيرة المرأة على الرجل هي اللي تضر :​

اولا راح تكون هي المتضرر الأول و ثاني راح تضر الراجل اللي يبغيها ​

سقسي الناس اللي يعرفوه يجيبولك أخبارو​

يعني دون ان تتلقايه و ممكن تتصدمي من عوامل او عناصر جديدة ظهرت في حياتو من بعد ​


و أي جديد يا بنتي راني هنا و بإذن الله تفرج ​

يا بنتي انا ما نستكمش و عمري ما ننساكم ​

لكن فقط احيانا يتعذر عليا اني نكون متواجد بالمنتدى​

يعني اذا طول الرد ما تتقلقوش فالرد سيكون بإذن الله​

و ربي يكون معاك يا بنتي ​
 
قال عمو أحمد:
يا بنتي هناك فرق بين الحلم و الطموح​
إضغط للتوسيع...




نعم عمو ....أوافقك الرأي بوجود فرق.!!!لكنه ليس فرق بمعنى تضاد بل هو فرق بمعنى إختلاق وإنتقال من مرحله الى اخرى...بمعنى ان الطموح ترجمه واقعيه للحلم او مقاربه للواقع...الى حد ما....بينما الحلم هو البوابه الأولى للطموح...وبذلك يتحول الحلم الى طموح ...والطموح بدوره يتحول الى هدف...نبذل أقصى مانستطيع لتحقيقه...؟؟؟؟؟؟؟
أم ما رأيــــــــــــــــــــــــــــــك؟؟؟؟​
 

المرأة الحرة

تم الرد

​
 
قال فتاة السعودية:

نعم عمو ....أوافقك الرأي بوجود فرق.!!!لكنه ليس فرق بمعنى تضاد بل هو فرق بمعنى إختلاق وإنتقال من مرحله الى اخرى...بمعنى ان الطموح ترجمه واقعيه للحلم او مقاربه للواقع...الى حد ما....بينما الحلم هو البوابه الأولى للطموح...وبذلك يتحول الحلم الى طموح ...والطموح بدوره يتحول الى هدف...نبذل أقصى مانستطيع لتحقيقه...؟؟؟؟؟؟؟
أم ما رأيــــــــــــــــــــــــــــــك؟؟؟؟​
إضغط للتوسيع...


حينما يكون لي هدف تم اسطاره في الماضي

فإذا تم تحقيق الهدف .. فهدفي كان دموحا

اما اذا لم احقق الهدف فيمكنني ان اقول عن هدفي انه حلم

​
 
ربي يخليك عمو احمد وربي يوفقك
 
قال h@mza_39:

عموا

ياعموا مايعجبني والوا فهاد الدنيااا

كل شيئ

خدمة الحمد لله خدام
امور عائلية الحمد لله
اومر اخرى الحمد لله

مي ماعجبني والوا ....
​
إضغط للتوسيع...


كن جميلا ترى الوجود جميلا

​
 
الله يبقي عليكم الستر
 
السلام عليكم
عموووو ماكش تبان ليام هدو غير الخير؟
ربي يكون الخير​
 
ماعدتش نوثق فيك عمو احمد راهي..... سامحني على كل حال وقعلي امر وليت خايفة منك
راني حاسة انا ثاني نعرفك
 
السلام عليكم
وعلاه واش بيه عمو والله ناس ملاح وناس تاع ثقة
راني خايفة يكون مريض والله ياعمو غير طمنا وخلاص​
 
هديل عمو احمد راه انسان داخل بعضويتين منهو؟؟ الله اعلم فهمتي؟؟؟؟
وانا حاسة اني نعرفه لكن منهو ؟؟ مازلتش ماحسيتش منهو لهذا السبب راهو غايب هذه الايام والله نقادره مهما كان هذا الشخص لانه ساعدني ربي يحفظه ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom