۩Ξ۩ عضو تحت المجهر ۩Ξ۩ خلي نبردو قلوبنا فيها °جزائرية توب°۩Ξ&# هههههههه

[جزائرية توب]

مساء الخير
مساء الانوار ونقولك اليوم صباح الخير والورد والفل والياسمين
مانكترش عليك حابا نعرف الصفات التي سيئة و الجميلة فيك

-سابدأ بالصفات الجميلة مانحبش نشكر روحي نحب الناس هي اللي تكتشفها: الطيبة اكثر من اللزوم ، الحنان انا جد حنونة ، معطااااااءة الى ابعد الحدود ، مضحية نحرم نفسي من الاشياء في سبيل ارضاء غيري او فك المشاكل ، صادقة ، وفية جدا ، كلمتي كلمة ، التزامي بديني ..... نسيت كي نتفكر نزيدك ههههههه
-الصفات السلبية: انا حساسة جدا جدا جدا ماحبيتش نذكر هذا الشيء ، عزيمتي ضعيفة هذهم اهم الاشياء
لوكان يتقدملك واحد اماراتي اسكو تزوجي بيه ولا لازم جزايري
والله ماني عارفة يا بنتي هذا علم ما يعرفه الا ربي سبحانه انا يما ضد البراني لو شو ماكان هي مع الدزيري ومع السوفي بالذات ونزيدك معلومة الاماراتيين عادة ما يزوجوش البرانيات عادة مشي قاعدة يحبوا يزوجوا بعضهم لتكثير نسلهم ويكون اماراتي مية بالمية



الاكلة المفضلة
اكلتي المفضلة هي: روز ابيض بالدجاج وتليتلي
مشكورة على مرورك​

 

[جزائرية توب]

وانا تاني نحبك يا اختي الصغيرة . وتعطيك الصحة على الاجابات راكي في المستوى كملي برك وتفكري حاجة من عندي وان شاء الله تفهمي معناها . اللي خلق ما يضيع .وربي عوض طيبتك مع ناس يحترموك ودخلو كامل بطريقتهم باش يعبرولك على حبهم ربي يدوم لمحبة بيناتنا ويخلي اعضاء المنتدى كل واحد باسمو

ربي يخليك ليا يا سمية وما يحرمنيش منك حبيبتي والله فعلا صدقيني راني بايتة فرحانة ونحلم بالموضوع وبالردود ونتفكر كلش ما كنتش عارفة انه هذا الموضوع راح يبينلي محبة الاعضاء ليا يعني كيما قالي الاخ علي فور الجريا اللمة عيلة واحدة وصح هي كذلك ربي اعطاني عيلة جميلة ربي يخليهالي وان شاء الله نبقى فرد مميز منها وشكرا على توجدك معي دائما ربي يعطيك ما تتمناي يا حبيبتي

 

[جزائرية توب]

:thumbup:شكرا يا سمية
نتمنى نكون واحد منهم
:w00t:​

ههههههههههههههه يا عبدو ههههههههههههههه​

 

[جزائرية توب]

[QUOTEخخخخخخ

ياسام قاتك يماها ماتحبش البراني :thumbup1::crying:

مهم ربي يجيب الي فيه الخير

تشآآآآو

:music_whistling:
][/quote]

فهموني واش يصرا خطابة ليا وينهم جيبوهملي نشوفهم ومبعد نردلكم ههههههههههههههه:001_wub:​

 

[جزائرية توب]

السلام عليكم و رحمة الله
وعليكم السلام ورحمة الله وبركاته :
جئت متأخر كالعادة و ذلك لكثرة انشغالاتي سواء بالمنتدى أو خارجه ،
مش مشكل اخي فوزي المهم تواجدك في اي وقت مرحبا بيك اخي شرفتني والله
أول شيء لاحظته في الموضوع هذا هو أنني عرفت أن الأخت اسمها كوثر
هههههههههه هذه حلوة منك فوزي ايه اسمي كوثر سمتني جداتي ام بابا:angel_not: انا عادة مانحبش نذكر اسمي يمكن بلادة من هههههه اسمحولي
و أنها فكاهية و تحب المزاح ، مثقفة ما شاء الله و متمسكة بدينها ربي يحفضها.
يعني شيء من هذا القبيل :blush:برك ملاحظة اخ فوزي انا فكاهية صح لكن انا انسانة يعني ليا جانب فكاهي وجانب جدي وجانب فرح وجانب حزين هذه الدنيا نتخبطوا في مشاكلها مرة نفرحوا مرة نحزنوا :001_unsure:
استطاعت أن تجيب على كل الاسئلة ،
والله؟؟
بل هي نفسها تطلب من الأعضاء أن يسألوها ،
يعني لانها فرصتي الاخيرة لانه بعد 10 ايام تقريبا نبدا الدراسة ومانوليش فاضية بهذا الشكل
هذا إن دل على شيء فإنما يدل على حبها للأعضاء و تطويد علاقاتها بهم و بالمنتدى .
والله اللمة ليها محبة خاصة جدا واعضاءها تاني فرحانة كي تعرفت عليها
خلاصة القول أنه لم يتبقى لي سؤال ، فالأعضاء ماشاء الله لم يتركوا لي مجالا إلا و سألوا عنه و لم يتركوا لي بابا إلا و طرقوه .
هههههه ايه الله يبارك
عندي سؤالين فقط :
تفضل
1/ هل يمكن في يوم من الأيام الجزائر تسمح لامرأة بالترشح للرئاسيات و الانتخاب عليها من طرف الشعب ؟ و لماذا ؟
والله يا اخي اكريم نكذب عليك لو كان نقولك اني سياسية وشاطرة فيها ابدا والله لكن ساجتهد من اجلكم في الاجابة على هذا السؤال:

انا على حسب علمي انه السيدة : لويزة حنون سبق وترشحت للرئاسيات صح ولالا؟ قولولي ولا راني صحيحة ولم تنجح في الانتخابات ولا اظنها تنجح حاليا ولا بعد سنوات فنحن العرب لا نثق بالنساء في الرئاسة ولا شرعا فالمراة ليست اهلا للامامة اي بمعنى الرئاسة والله اعلم
وانا بصراحة لا اؤيد ان تكون امراة رئيسة دولة لا اعرف فانا ارى بان الرجال اكثر كفؤا وربما العكس ​

2/ ما الفرق بين هؤلاء و لماذا ؟
والله لا اعرف بالضبط اسئلتك صعبة يا فوزي ساجيب من وجهة نظري وماتضحكش عليا :001_unsure:
1- الهواري بومدين
2- جمال عبد الناصر

واحد واثنين مسلمين وعربيين ههههههههه

3- أدولف هتلر
4- فيدال كاسترو

وثلاثة واربعة غير مسلمين وغير عربيين هههههههه

امزح معك ههههه :lol:

-برك نقول هواري بومدين على حسب علمي كان احسن رئيس للجزائر ويقال ان عهدته اجمل عهدة والكثيرين يودون تجربة عهدة كعهدته ويارب يرزقنا بالرئيس الاصلح

-جمال عبد الناصر كان مؤسس القومية العربية وكان مساندا للقضية الفلسطينية مية بالمية معاها وكان قائد ثورة مصر التي كانت سبب في قيام ثورة الجزائر على حسب دراستي للتاريخ

-هتلر هذا لي راي خاص فيه سمعت اذا لم اكن مخطئة انه كان دهانا وشوفوا كيف اصبح يتكلم عليه التاريخ يعني انه الانسان يمكن يتغير من الحسن الى الاحسن وهذا بالذكاء والحكمة وحسن التصرف ويقال ايضا انه فصيح اللسان فقد كان يلقي خطاباته دون ورقة ولا تحضير مسبق وهذا شيء جميل وبرايي جميل ان العالم كان فيه هتلر رغم مافعله

-فيدال كاسترو بالنسبة لي اشجع رجل في العالم واحسن من كثير من رؤسائنا العرب والمسلمين مع ان كوبا كانت بمفردها لكنها تركت بصمة في العالم بصبرها وصمودها تحت الضغط والحصار السياسي والاقتصادي المفروض عليها من امريكا وصدقوني تأسفت لانه تنحى عن منصبه العام الماضي تمنيت لو يرزقه الله الصحة وطول العمر

* * *
أهديك هاته الأبيات ​

إذا أردت كميت اللون صافية ***** وجدتها وحبيب النفس مفقود​

​

اذا لقيت من الدنيا وأعجبه ***** أني لما أنا شاكٍ مِنْهُ مَحْسُودُ

كلمات اكثر من رائعة خاصة البيت الاول فهو قد لامس روحي لن ماقلته صح وشكرا لك ومتشرفة بمرورك المميز واسئلتك الصعبة وعلى الابيات الاروع واسفة لانني قصرت في الاجابة مانيش شاطرة خويا ​

 

[جزائرية توب]

احم بنت لبلاد هنا مليح
ههه مرحبا بيك يا سوفي
عبدو راك مليح راك متهلي كيما نعرفك
اختي حبيت نقلك
تفضل
توحشتي لبلاد ولا والوا
نقولك الصراحة توحشتها صح لكن لدرجة الحنين لا لانني في شهر 8 كنت ثما يعني ماشي من سنوات ولا هاك وان شاء الله بحول الله نجي في الصيف ثم
مشكور على مرورك اخي حمزة نورتني والله

 

[جزائرية توب]

السلام عليكم ...
وعليكم السلام ورحمة الله وبركاته :
ايــــــه يا اختي كوثر راكي قايمة بيها والاعضاء تاني والله ماخلاو والو ... حقا اسمك شبـــــــاب
مشكورة اختي الكريمة :blush:
للأسئلة عندي غير شويا ومكملة برك + اسمحيلي على الروطار
مرحبا بيك في اي وقت وباي كم من الاسئلة راني حاضرة
اختي كوثر ادات الباك هذا العام بمعدل ما شاء الله ياك أمالا كيفاه كانت كوثر كتلميذة عاقلة تقعد الطاولة الاولى مادور ني منا ني منا ديما مبرونشية مع البرووف أممممم يعني صح مولات 15 هههه ولا طوايشــــــــــــــــية بلاما نهدرو على الخرايب ههه :biggrin:
وانتي واش رايك؟؟؟ هههههههههه يا اختي زملائي وزميلاتي ماكانوش يحسوا انه فرق بيني وبينهم ومانبانش من الطوايشية ههههه يعني راني كيفهم والله اختي نعطيك ملخص عن حياتي الدراسية انا اخذت من كل بستان زهرة من العلم والعقالة والطيش واللعب والمشاغبة كلشي اخذت منه شوية نكره الجدية كثيرا مانريحش في الطابلة لولة باسكو دايما يرجعوني للوراء على هاك عززت روحي :glare:ووليت انا نختار الطابلة 3 الرابعة وحتى الاخيرة مع انه الاخيرة عادة معروفة للمشاغين واللي ميعرفوش يقروا لكن الحمد لله جبت 15 وجيت 3 على بلديتي ومدرستي الحمد لله​

منبعد راكي رايحة اديري صيدلة ان شاء الله اواش راه يسنى فيك ههه:bored: المهم كيفاه راكي تشوفي فالصيدلة مجرد تخرج ومكسب جيد للمال بعد ذلك بالاضافة الى كونها مريحة من جهة العائلة للمرأة طبعا وهذا اكثر شيء ايجابي فيها أو تشوفي انها فيها نشاط وحلاوة اكثر فيما يخص التحاليل والدوزاج و و و غيرها وهل معولة تتوقفي عنها أو ان شاء الله كاين تخميمة باه اديري اختصاص فيها وراهم كاين ماشاء الله ولما لا تخدملينا كاش دواء ولا اونتيبيوتيك ولا ...:001_smile:
والله يا اختي انا نشوف في الصيدلة اولا قبل اي شي راحة ليا كبنت ويمكن نولي زوجة وام بالدرجة الاولى انا قنوعة بالمال يعني انا مراة وليس علي القوامة يعني اللي جاء يزيني ويسترني المهم ما يخلينيش نحتاج حتى واحد هذا جوابي بخصوص واش نشوف في الصيدلة .
بالنسبة اسكو ندير اختصاص ولالا والله هذا مانيش نخمم فيه خلاص مانحبش نخمم في كلش في وقت واحد لكن اذا ربي اعطاني ندير اختصاص يمكن يكون في الاعضاب هاكا واش نخمم وربي يسهل .
نبدلو شويا من القرايا هاذي قلقتني وجيت نقلقك بيها ههه نروحو للشخصية ماهي اهم التجارب او المراحل او المواقف دون نسيان الاشخاص اكيد اللي كان لهم دور في ان تصبح كوثر على ماهي الان
مانعرف واش قصدك كوثر على ماهي عليه من اي ناحية ممكن توضحيلي اكثر؟؟؟
باختصار العائلة وظروفي العائلية
شكــــون هو اقرب شخص لكوثر في العائلة في المحيط عامة يعني ممكن صديقات أو زميلات او ... وفي النت كذلك أوعلاه
في الواقع : العايلة ماكنش يمكن ماما لكن مش بالدرجة اللي تمنيتها انا
الصديقات عندي 3 والله نستعرف اني متشرفة بصداقتهم اقدمهم فاطمة.ب ومبعد ليلى واخرهم ولو ان معرفتي بيها قصيرة ابتسام ونققلهم نحبكم منن كل قلبي
في النت: عندي سمية 84 يعني من المنتدى هي والهام bfk09
كوثر واش هي الحاجة اللي راكي حابة تبدليها في العباد ولا تتمناي تتبدل وأذا اردتي بالتدرج ماعليش يعني العائلة الجزائريين العرب المسلمين ممكن الطلاب تاع درك ولا السياسين والحكام أو بنات وشباب الجيـــــــل كيـــــــــــــــــما تحبي
العايلة: طريقة تصرفنا مع بعض والعصبية
الجزائريين: العصبية ومقولة الله غالب
العرب: الخيانة
المسلمين : ادعوهم الى العودة الى الاسلام
طلاب اليوم: التفنيين ونقولهم استغلوا فرصة الدراسة لانه الدراسة كلشي الان
السياسيين والحكام: اخص هنا المسلمين " اقتدوا بالنبي محمد صلى الله عليه وسلم فقد كان رئيس دولة وسياسيا ناجحا
بنات وشباب الجيل: اتقوا الله في انفسكم وربي يوفقكم كامل
جزائرية عمرها 18 سنة الله يبارك لعقوبة ل100 أممممم واش رايك في هذا السن بالذات أواش هو السن المفضل لديك
رايي في هذا العمر هو اجمل عمر وانا بديت نشوف في الاشياء اكثر وضوحا
والسن المفضل لدي هو : هذا السن تقريبا
ماقبل الاخير اذا كاين موقف لكوثر بغض النظر عن نوعه وديما في بالها وممكن حابة تشاركنا بيه واش رايك تحكيهولنا وتخليه كذكرى في الموضوع ...
موقف: ههههه هو يوم اللي طردني استاذ العربية من حصته ههههه
كانت عندنا حصة نصوص يعني قراية النص وهاك وقبلها كان عندنا فرض رياضيات مالة كان الاستاذ والتلاميذ يقروا ومشكلتي اني مانتبعش نسهى في النص ونروح ندور العالم ونرجع فكنت نتناقش مع صاحبتي على الفرض وهو كان معصب عليا فقال : كوثر كملي وين كانت زميلتك تقرا هههههههههههه حبس قلبي وهي كانت قرات السطر الاول من الفقرة عمبالي ،مي ماتفكرتش وين حبست بالضبط فانا كنت حيالة وحبيت نتحايل عليه عاودتله هذا السطر والكلاس كامل سكت وانا حايرة وهو كان يشاورلي بيده اخرجي البرة فانا خرجت وانا نضحك ههههه يقولولي انتي مهبولة واش بيك؟، ماغاضنيش الحال مانقدرش نتبع النص الله غااااااااالب عليا
ملاحظة: انا مرتين تطردت في حياتي الدراسية كلها هذه المرة ومرة قبل
شفتي اسئلتي الشويا شحال طلعت :tongue_smilie::tongue_smilie: منين نلقى غرضي نديماري ومانحبسش :blushing: :yahoo: ايا ماعليش آخر سؤال واجباري تاني :lol:
تفضلي اختي
نشوفو للمقتطف قبل ​

اقتباس:

المشاركة الأصلية كتبت بواسطة جزائرية توب

لمعلوماتك انا انسانة قنوعة يعني نحبه يكون مستور ماديا

ربي يسهل الخير ويارب يرزقني اللي في بالي :001_wub:​

آآآآه يالزردية شديتك :laugh: شكون هذا اللي في بال جزائرية احكيلنا عليه شويا يالالة ههههه أوفي رايك واش نقولولو تعيس ولا سعيد حظ ههههههه:001_smile:
هذا هو:
اوك اجابة طويلة بلاك مانقدرش نلقاه لكن ادعولي نلقاه
اتمنى ان يكون ابي واخي وامي واختي وكلشي في حياتي ويكون روحي وحياتي ودنيتي
ذكي صلب وليس قاسي حنين طيب غيور شكله مش مهم كثير المهم مقبول مانحبش الوسيمين لانهم يجلبو النظر وانا غيورة جدا:blushing: نكون كلش في حياته تاني نحبه مستقل في حياته مانحبوش يكون ذيل لاي احد يعني نحب يكون ذو شخصية قوية يكون متعلم ومثقف جدا مايكونش مدخن حتى مدخن ممنوع عندي يكون شخص اقرب للماثلية نحب الهادي والعاقل والاهم الاهم انه يصبر عليا ويكون متدين ويخاف ربه فيا
وقيلة هذا شخص ماكنش صح؟؟؟؟؟
في الاحلام برك بالصح الامل في ربي سبحانه اني نلقاه
راح يكون سعيد الحظ :blush:​

بــــــارك الله فيك اختي وربي يوفقك لما يحبه ويرضاه ويحققلك اللي في بالك وماتطولين اليه ويرزقك اللي في بالك تاني هههه :001_tt2: ماديريش على اختك تفاهمنا :001_rolleyes: تقبلي مروري وخالص تحيتي
ابدا والله راني فرحت بيك وربي ينورك ويعطيك ماتتمني
سلام​

 

[هواري بومدين]

عندي سؤال واحد برك يا أختي علاه سوافة مزيرين في السوارد لح كبير وعلاه يحبو برك يزوجو لبعضاهم يعني هوما شعب واحنا لالا ولا كيفاه ؟؟؟

 

[korbali]

السلام عليكم
صباح الخير يا جزائرية
كيما راني نشوف مابقالي مانسقسيك
راكي جاوبتي على كل الاسئلة
انا نعطيك سؤال واحد
من هوالعضو او الشخصية الذي اثر فيك الى حد ما في اللمة
(الكتابة باللون الذي تحبين هههههههههههه)
شكرا مسبقا
تحياتي​

 

[حفيد هواري بومدين]

:biggrin:عجبوني الاسئلة نتاع غادة اليم
:biggrin:​

 

[ziassia]

اهلا و سهلا بك يا جزائرية توب منووورة و الله

راح اطرح عليك بعض الاسئلة و اتمنى ان لا اطيل عليك

1- ماهو سبب اخيبارك للإسمك جزائرية توب

2-كم ترتيبك في البيت ؟ وكم عدد اخوانك ؟

3- مين اقرب شخص الك بالدنيا كلها ؟

4- ماهي أكلتك المفضلة ؟

5- ماذا تعني لك فلسطين ؟

6- ماهو أكثر شيء تحبينه في نفسك ؟ و ماهو الشيء الذى تكرهينه ايضا في نفسك ؟

7- هل انتي غيورة ؟ متسلطة ؟ قوية ؟

8- - هل انتي جريئة بالمواقف الحرجة؟؟

9- هل بتعتبري المراة نصف المجتمع ؟

10- ماهي أهم الشعلات تجعلك تبكين ؟

11- رتبي هذه الكلمات حسب الافضليه لديك
الصحه-المال-الاولاد- الزوج-الحصول على اعلى المناصب -راحة البال

12- لو تفاجئتِ بخيانه شخص عزيز ايا كان كيف تتصرفين معه؟

13- ماهي الجملة التي ترددينها دائما؟


و اقامة طيبة و تقبلي احترامي و تحياتي

و اسفة على الازعاج

 

[©§¤°الجزائـ صوت ـر°¤§©¤]

السلام عليكم:
بصراحة الأخت جزائرية توب ماكنتش نعرفك مليح
مي من الاسئلة تاع الإخوة والأخوات عفت حواج بزاااف
كوثر.......إسمك هايل
عندي 2 أسئلة لالا 3
1/ كوثر كيفاش راكي حاسة ونتي بعيدة على الجزائر؟
2/ أنت درك راكي تقراي صيدلة ربي ينجحك إن شاء الله نهار تتخرجي وين تخدمي فالشارقة ولا فالجزائر؟
3/واش هي أكثر حاجة تخاف منها كوثر وأكثر حاجة تزعفك
جاوبي على هدو وممبعد نشوف إلا نزيد نقلقك ولا لالا ههههه​

 

[جزائرية توب]

عندي سؤال واحد برك يا أختي علاه سوافة مزيرين في السوارد لح كبير وعلاه يحبو برك يزوجو لبعضاهم يعني هوما شعب واحنا لالا ولا كيفاه ؟؟؟
- شوف نقولك حاجة يمكن مزيرين صح احنا حاذقين وعامرين يعني عندنا عيب اللي مايديرش دار وحده بسوارده من غير ما يتكل على واحد يعني من غير اعانة الا اذا كانت سلف ويرجع هذا السلف واللي يكمل يعمر روحه يخمم على ولاده وولاد ولاده احنا ما نفسدوش ماشي شحاح في ارواحنا ناكلوا نشربوا الحمد لله واللي يقعد كراي عندنا عيب يعني تكري شحال من عام ولازمك تبني وتدير طونوبيل وهاك يعني
هذا رايي الشخصي في ما يخص سؤالك عن السوارد
ملاحظة: مانقصدش نعاير باقي الولايات ولا غير السوافة راني نجاوب فيك على قد السؤال اخي
- فيما يخص الزواج والله هذا امر مانقدرش نجاوبك عليه صح يحبوا بعضاهم لانه احنا نعرفوا بعضانا فيقولك : اللي نعرفوه ولا نعرفوها خير من اللي مانعرفوهمش انا بالنسبة ليا ماشي مشكل مع انه اهلي ماشي مؤيديين للفكرة ياسر
نتمنى ماتكونش ماخذ فكرة سلبية علينا احنا السوافة فنحن كي الناس فينا الزين وفينا الشين كيما يقولوا
مشكور اخي على مرروك وشرفني ​

 

[جزائرية توب]

السلام عليكم
وعليكم السلام ورحمة الله وبركاته :
صباح الخير يا جزائرية
صباح الانوار خويا شرفني مرورك
كيما راني نشوف مابقالي مانسقسيك
هههههه ايه الله يبارك لكن دايما يوجد ما لم يسأل عني
راكي جاوبتي على كل الاسئلة
انا نعطيك سؤال واحد
تفضل
من هوالعضو او الشخصية الذي اثر فيك الى حد ما في اللمة
(الكتابة باللون الذي تحبين هههههههههههه)
ههههههه والله الكل استفدت منه يا اخي الكريم ومنهم انت كذلك لكن تحديدا علي فور الجريا بالدرجة الاولى وسمية 84 بالدرجة الثانية
شكرا مسبقا
عفوا
تحياتي
تحياتي اليك كذلك​

 

[جزائرية توب]

عجبوني الاسئلة نتاع غادة اليم

​

هههههه لانها ذكرت الدراسة ياسر وهي مرحلة جميلة من عمري
سالت اسئلة عميقة عني هههههههه​

 

[جزائرية توب]

اهلا و سهلا بك يا جزائرية توب منووورة و الله
منورة بيكم والله يا اختي محبة البليدة
راح اطرح عليك بعض الاسئلة و اتمنى ان لا اطيل عليك
تفضلي على عيني وراسي
1- ماهو سبب اخيبارك للإسمك جزائرية توب
سبق وذكرت في عدة مواقف انني لم اختره بتفكير بل جاء بشكل سريع اردت التسجيل باسم"sweet girl" فلم يقبل لي في المنتدى على اساس انه مستعمل من قبل واحترت ماذا اسمي نفسي لانني احب سويت هذا فجاءت الفكرة من منتدى اخي الذي انشط فيه والذي يسمى منتدى الجزائر توب والذي احبه كثيرا ان اشتق اسمي من اسمه يعني قولي في دقيقة خممت فيه ههههههههه هذه هي .
2-كم ترتيبك في البيت ؟ وكم عدد اخوانك ؟
ترتيبي الرقم 1 ولي 3 ذكرين وبنوتة
3- مين اقرب شخص الك بالدنيا كلها ؟
لا اعرف ربما انا في حد ذاتي
4- ماهي أكلتك المفضلة ؟
روز ابيض بالدجاج والتليتلي ( شربة لسان عصفور مفورة )
5- ماذا تعني لك فلسطين ؟
لو لم اكن جزائرية وطلب مني اختيار بلد ثاني انتمي اليه سوف اختار فلسطين فحبي لها ولشعبها يفوق اي بلد ثاني طبعا بعد الجزائر
6- ماهو أكثر شيء تحبينه في نفسك ؟ و ماهو الشيء الذى تكرهينه ايضا في نفسك ؟
كل شيء اكرهه في نفسي حتى طيبتي وحناني وعطائي لانني احس انني مختلفة عن باقي البشر فالبشر غير حنونين وغير معطائين وغير طيبين حشا البعض طبعا واكثر شيء اكرهه حساسيتي الزائدة
7- هل انتي غيورة ؟ متسلطة ؟ قوية ؟
غيورة؟ جدا جدا جدا متسلطة لالا ابدا والله حتى في حياتي ابدا فانا دائما ضعيفة قوية؟ سبق واجبتك انا لست كذلك
8- - هل انتي جريئة بالمواقف الحرجة؟؟
نوعا ما مشي كثيرا على حسب الموقف
9- هل بتعتبري المراة نصف المجتمع ؟
نعم وربما اكثر بقليل 3/4 المجتمع ههههههه راني في حزبكم
10- ماهي أهم الشعلات تجعلك تبكين ؟
الجرح الاهانة الغضب الضعف
11- رتبي هذه الكلمات حسب الافضليه لديك
الصحه-المال-الاولاد- الزوج-الحصول على اعلى المناصب -راحة البال
1- الصحة ، 2- راحة البال ، 3- الاولاد ، 4- الزوج ، الحصول على اعلى المراتب ، 5- المال
12- لو تفاجئتِ بخيانه شخص عزيز ايا كان كيف تتصرفين معه؟
والله سابكي وساساله سؤالا واحدا: لماذا؟
13- ماهي الجملة التي ترددينها دائما؟

ماذنبي انني خلقت في هذه الحياة القاسية التي لا ترحم
و اقامة طيبة و تقبلي احترامي و تحياتي
شرفني مرورك اختي الكريمة لكن اود ان اسالك انت لست بجزائرية صح فلسطينية مو؟
و اسفة على الازعاج
لا والله اي ازعاج تشرفت بيك والله



​

 

[جزائرية توب]

السلام عليكم:
وعليكم السلام اختي
بصراحة الأخت جزائرية توب ماكنتش نعرفك مليح
معليش انا نعرفك لكن مش مليح تاني
مي من الاسئلة تاع الإخوة والأخوات عفت حواج بزاااف
الحمد لله
كوثر.......إسمك هايل
وعلى حسب علمي اسمك هديل وهو اروع والله
عندي 2 أسئلة لالا 3
تفضلي مرحبا بيك حتى مية معليش نقوله لسي عبدو يزيدني قداش من نهار على جالك
1/ كوثر كيفاش راكي حاسة ونتي بعيدة على الجزائر؟
والله يعني غربة فعلا وعدم راحة لكن الحمد لله اختي انا راني نشوف في الامر بشكل ايجابي اكثر انا اكثر الناس حظا لانني تغربت في الامارات بلد اسلامي معروف الحمد لله الجوامع في كل بلاصة حتى في الاسواق والمولات يعني خير من اللي في بلايص اخرين والحمد لله على كل حال
2/ أنت درك راكي تقراي صيدلة ربي ينجحك إن شاء الله نهار تتخرجي وين تخدمي فالشارقة ولا فالجزائر؟
مازلت اختي مش نقرا في بداية الموضوع قلت انني سابدأ الصيدلة العام الجاي حتان نتقن اللغة الانجليزية ونولي نلغي بيها ههههههه اوك؟
والله هذا الامر الخدمة قصدي مانعرفوش حتى انا اذا بابا هنا اكيد نخدم هنا واذا رجعنا نخدم ثما على حسب مكتوب ربي
3/واش هي أكثر حاجة تخاف منها كوثر وأكثر حاجة تزعفك
جاوبي على هدو وممبعد نشوف إلا نزيد نقلقك ولا لالا ههههه
نخاف من الوحدة يا اختي تقتلني والله واللي يزعفني اني نثق بناس وعمبالي باللي راهم اهل للثقة وفجأة يقولولي اشياء تثبتلي انهم ماشي اهل لها
ومرحبا بيك في اي وقت اختي صوت الجزائر ​

 

[غادة اليم]

وعليكم السلام ورحمة الله وبركاته :


وانتي واش رايك؟؟؟
​

هههه عندك تاريخ دراسي ما شاء الله :thumbup1: ههه رايي اني نتفاهم معاك اختي :biggrin:


تصبح كوثر على ماهي الان
مانعرف واش قصدك كوثر على ماهي عليه من اي ناحية ممكن توضحيلي اكثر؟؟؟
باختصار العائلة وظروفي العائلية

هنا حبيت نقصد مثلا كوثر حساسة ولا قافزة ولا جريئة ولا لا تحب الظلم ....هل من موقف كان له دور في جعلها وترسيخ فيها هاذي الصفة فهمتيني ....

ونققلهم نحبكم منن كل قلبي
هنا راني معاك ماكاش كيما الصديقات تاع الصح ربي يحفظهم ويخليهملك ان شاء الله:001_smile:


ملاحظة: انا مرتين تطردت في حياتي الدراسية كلها هذه المرة ومرة قبل
ان شاء الله ماكيش معولة تزيدي منا ورايح على خاطر اذا كانو زوج لابد انه الثالثة قادمة :wink:هههه
تفضلي اختي
يزيد فضلك خيتو بصح خايفة نزيد مبدا ونحصل :blushing: والله راكي ماشاء الله ماعندي وين ربي يكملك برك
​

اوك اجابة طويلة بلاك مانقدرش نلقاه لكن ادعولي نلقاه
اتمنى ان يكون ابي واخي وامي واختي وكلشي في حياتي ويكون روحي وحياتي ودنيتي
ذكي صلب وليس قاسي حنين طيب غيور شكله مش مهم كثير المهم مقبول مانحبش الوسيمين لانهم يجلبو النظر وانا غيورة جدا:blushing: نكون كلش في حياته تاني نحبه مستقل في حياته مانحبوش يكون ذيل لاي احد يعني نحب يكون ذو شخصية قوية يكون متعلم ومثقف جدا مايكونش مدخن حتى مدخن ممنوع عندي يكون شخص اقرب للماثلية نحب الهادي والعاقل والاهم الاهم انه يصبر عليا ويكون متدين ويخاف ربه فيا
وقيلة هذا شخص ماكنش صح؟؟؟؟؟
في الاحلام برك بالصح الامل في ربي سبحانه اني نلقاه
أممممممم هذا اذاكاين منو اكيد يكون واحد برك وهو لكوثر باذن الله كي قلتي "الامل في ربي سبحانه" هاذي حاجة ينساوها ناس بزاااف
راح يكون سعيد الحظ
لالا هاذي مافيهاش هدرة كنت نgسر برك:blush:

​

ابدا والله راني فرحت بيك وربي ينورك ويعطيك ماتتمني
سلام

ربي يخليك خيتو وحنا اللي فرحنا بيك باللمة وبتواجدك معنا والله وربي يزيدك نور على نور ويكون معاك ديما
​

 

[غادة اليم]

:biggrin:عجبوني الاسئلة نتاع غادة اليم
:biggrin:​

هههههه لانها ذكرت الدراسة ياسر وهي مرحلة جميلة من عمري
سالت اسئلة عميقة عني هههههههه​

ههه شفتي يا كوثر جاتو على قلبو اللي كان حاب يبردو فيك ههههه والله يالسي الحاج بالصح الصح كي عجبتها هي وفكرتها في حاجة مليحة ههه :001_tt2:


​

 

[راجية النجاح]

راني شايفة الجماعة وفاو ماخلاونا والو انا نسالك غير على القرايا
شعال اعلى معدل اديتيه فحياتك
شعال اديت البيام
وشعال السيزيام
شكون افضل صديقة ليك
تاقلمتي فالامارات
واش المدارس تعنا المختلطة خير ولا تعهم
افضل استاذ
اسوء شيء في حياتك دراسية



نروحو للحياة الخاصة
احسن طبق تعرفي الطيبيه
شفت فالردود كلمة طبايق شاو هدا
تخدمي شغل الدار فالامارات
واش رايك في ناس الامارات
هوما خير ولا حنا
نشا الله ما ثقلتش عليك