جاوبني يا فاهم الكلام

[وردة الشوق]

عليكم الف سلام و سلام
الجزائر
بلاد لمحان
ربي يحفظها لنا ان شاء الله
انا كان و مازال عندي فضول نعرف منك يا جزائري
صح بلادنا فيها نقائص
نحمدو ربي و نشكروه على الشيء اللي رانا فيه
اليوم
وان شاء الله نكونوا خير من هكذا

اليوم حبيت نعرف
اذا كنت تنتقد بلادك و الحالة اللي راهي فيها
و خطرات تكره منها
و تتمنى تهجر منها لبلاد توفر لك كامل ما تتمنى
صح الانسان بلا طموح
ما كان ما كان

بلا ما نطول الكلام
يا هل ترى كي تسمع كلام من ناس غرباء يهدروا
على بلادنا بالسوء
يوجعك قلبك
ولا
لالا
جاوبني
اذا كنت تقبل الكلام العيان على بلادك
و بلادي الجزائر.
ربي يحفظك و يعلي شانك
يا
البهجة​

 

[zou2007]

وعليكم السلام اختي واش راكي تهدري
الذنب ليس لبلدي فقد مات عنها مليون ونصف شهيد
لكن الحكام من وزراء و رؤساء هم الذي لا احبهم
فليس بلدي من يعطيني ....
فبلادي اعطتني الحب و الهناء و الشجاعة
لكن حكامها منعوا عني خيراتها
لا أرضى على بلادي ولا ان اهجرها
ذهابي لبلد اخر ربما عربي لاننا نتقاسم العروبة
وليس نفرا من ارضي الحبيبة بل عزيز جزائري
أاكره أرضي من اجل حثالة نهبوا خيراتها لا ابدا

رفرف في يدي علم وطني
وغمرتني الفرحة لانني جزائري
رغم كل ظروف معيشتي
الا ان الذنب ليس لوطني

شكرا لك أختي على الموضوع الرائع
​

 

[CHAMEKH]

عليكم الف سلام و سلام

الجزائر
بلاد لمحان
ربي يحفظها لنا ان شاء الله
انا كان و مازال عندي فضول نعرف منك يا جزائري
صح بلادنا فيها نقائص
نحمدو ربي و نشكروه على الشيء اللي رانا فيه
اليوم
وان شاء الله نكونوا خير من هكذا​

اليوم حبيت نعرف
اذا كنت تنتقد بلادك و الحالة اللي راهي فيها
و خطرات تكره منها
و تتمنى تهجر منها لبلاد توفر لك كامل ما تتمنى
صح الانسان بلا طموح
ما كان ما كان​

بلا ما نطول الكلام
يا هل ترى كي تسمع كلام من ناس غرباء يهدروا
على بلادنا بالسوء
يوجعك قلبك
ولا
لالا
جاوبني
اذا كنت تقبل الكلام العيان على بلادك
و بلادي الجزائر.
ربي يحفظك و يعلي شانك
يا

البهجة​

بــــلادي وان جارت عليا عزيـزة
واهلي ان ضنـوا عليا كـــرام
اضنــــــك يا اختي وردة الشـوق يكفـيك هذا الجـواب

​

 

[oumaima]

سلام

انا نحب بلادي مانحبش نسمع عليها حتى هدرة ماشي مليحة شكرا لك اختي على هذا الموضوع

 

[وردة الشوق]

انتظرت منكم
اجوبة مماثلة
يعني جزائريين ب اتم معنى الكلمة
اشكر لكم وفاءكم
و اكرر الشكر
لمروركم
الطيب و تحيا البلاد
و اللي عايشين في البلاد
بارك الله فيكم​

 

[JULI]

جماعة انا نقولكم واديوها مني
خليكم في بلادكم خيرلكم ... انا ملي كان عمري 4 سنين الي يومنا هادا وانا في ال

 

[JULI]

جماعة انا نقولكم واديوها مني
خليكم في بلادكم خيرلكم ... انا ملي كان عمري 4 سنين الي يومنا هادا وانا في الغربة من بلاد لبلاد وراني درك 17 سنة قريب 18 ... ياناس جربتو تعيدو كل هاد السنين بلا اهاليكم .. جربتو تقعدو وحدكم بلا ماليكم ...معا ناس ميش كيفكم لا في العادات ولا في العقلية ...جربتو تحسو بالعنصرية وين ما تروحو لانكم مش مواطنين ومش ولاد لبلاد .... مانضنش جربتو
صح انا عايشة في بلد مستوى المعيشة فيها احسن من الجزائر بصح .... من غير لا اعمام ولا خوال ولا اجداد .... اواه خليكم في بلادكم ارحملكم ...وخدوها من مجرب مش من طبيب
تحياتي

 

[ماري حاج]

بلدنا مليحه و لكن خص الكبار يحافضوا عليها وشعب والناس تحافض عليها ابدا ما نهجر بلادي ابدا
مانسمح لاي انسان مهما كان يهدر على بلادي بكلام عيان اوك
سلام

 

[وردة الشوق]

يعطيكم الف صحة على كلامكم
الطيب
و احساسكم المرهف تجاه بلادنا العزيزة​

 

[MaLAK niCE]

و الله غير يوجعني قلبي ونحشم كي يهدرو عليها بحاجة ماشي مليحة
وكيما قال الشادلي الدولة اللي ما فيهاش مشاكل ماهيش دولة .واحنا الحمد لله ما عندناش مشاكل
هك هما حاطين رواحم المسؤولين بلي الدنيا الكل تمشي نورمال
و كيما قال الدوبل كانو المشرو تاع 3 شهر يديروه في عام وهما فرحانين كي خلصوه في هاد الوقت
و لكان بديت نهدر على النقائص اللي حنا فيها ما نخلصش
وشكرا على الطرح

 

[راجية الرحمان]

بلادي هي الجزائر

السلام عليكم
بلادي أنحبها ونموت عليها ومنحبش نخرج منها وتوجعني كل كلما تتقال فيها
نعيبوا زماننا والعيب فينا بلادنا سوء كانت مليحة أو مش مليحة العيب فينا فهيا نعدلوا ارواحنا باش تسقم بلادنا
ونموت أعليك يا جزائر وراني نفتخر بيك

 

[وردة الشوق]

نشكر و نعيد الشكر
يا لوكان الف مرة
و الشكر امام كلماتكم و مروركم ما عندو حتى قيمة
امام
لغة ثمينة
مثل لغة البلاد
​

 

[أوصاف الصافي]

بسم الله الرحمن الرحيم


أختي بارك الله فيك على موضوع

أنت قاد لأوضاع البل وأحوال وطريقة لتي يسير بها المال العام

وشأن العام لا يعني أن من يقمون بهته الردود الفعلية

لا يغرون لا بلد بل بعكس هذا نابع من قلوبهم

ومن غيرته على البلد وكيف اصبحت بين عملاء فرنسا

أجل الله قدركم

أم قولت نهجرو البلاد صدقني راني متردد بزاف من ناحيت هذا امر

ضروف تحت عليا نساف حتى نقق حلومي وباقي طمحاتي

بعد ما صدت هنا في وجهي كل أبواب

ومن جهت ااخر تعلقي بعائلتي وكذالك هذا الوطن االذي اعشقه حتى نخاع

يحول دون ذالك ..


وأنا لغايضى هو هدوك لعيشين في مهجر يتنقدوو ويخرجوا

في وسأل الأعلام الثقيلة لتشويه صورتنا أمام الرأي العام العالمي

انا نعرف الراجل جي غير هنا ولا ينتقد هنا ولا يرد هنا

وغربه صعيبه بزاف وكما يقول مثل دارك تستر عارك

وانا نفضل خويا يضربني بكف خرمن من عند براني


مي ثاني تغيضك عمرك كيتشوفي بنت اويحيى في مورتي بلبرش

وبنت عامري دور في زالده وبوسمين بلهامر

هذي شوفت علين بنت عامري شحال من مرة تقبلت انويها فاص افاص

حمد الله وحد تاب عليه ربي وبعد على هذيك طريق

مي تغني عمري كنشوفه بزعو في مال شعب هكاك


نحب نفجر


ختي جزائري وشامه ونغير على بلدي ولا زعفت تنخرب دنيا في راسي على جزائر

رجلة ونيف هي رأس مالي​

 

[koki]

السلام عليكم ورحمة الله تعالى و بركاته
أختاه موضوع رائع و في القمة وانتقاء جيد و حبيت نبين بعض النقاط فقط الا وهي:
الجزائر راها بلادي و بلادي على العين والراس و راها ماتوا عليها جدودنا-ربي يرحمهم-
و رانا نحبوها بكل و ما كانش لي يكرها فينا حنا رانا كارهين من المعيشة فيها اللي ولات ماتتحملش.

و راه واحد فينا ما يشتي يسمع على الجزائر كلام ماشي مليح بالعكس تلقاينا حنا كي نخرجوا برا الجزائر نعدوا نشكروا فيها هذي قسنطينة وهذي وهران عنابة العاصمة ....48 ولاية. واش نقولك نردوها جنة.
بصح كي نبداو نحكيو عليها بين بعضانا ارواحي تسمعي كيفاش ترجع ماشي بلاد خلاص.

علبالك علاش كي تجي تشوفي كيما قالها خويا اوصاف كي نشوف عمري قاعد يضيع و انا نتفرج و ماني قادر ندير والوا ولا نشوف خويا ياكلوا فيه وانا ماني قادر ندير والوا تاني و المعريفة و العباد كيفاش ولات تاكل في بعضاها ووووووو الخ
واللي مايبنشافش ينسي فاللي رانا نشوفوا فيه
اما بحكايت الغربة كيما قالت الاخت جولي الغربة راها صعيبة و صعيبة بزاف بزاف و ما يقدر عليها خير ولد مو
و صح ماكانش كيما الواحد عايش في بلادوا بين حبابوا و ماليه و الغريب يبقى غريب و لوكان عاش 100سنة في بلاد غير بلادوا
بصح واش تحبي نديروا بلادنا ما خلاوناش نعيشوا فيها خلي نروحوا لبلا اخرى بالاك يقبلونالتما . قنون الغاب القاوي ياكل الضعيف .
وانا واحد من الناس je prefere تحزن عليا ما وانا في الغربة نبني في روحي خير ماللي تحزن عليا وانا هنا نضيع بالطرف ما يعطينيش قلبي نشوفها هكاك. بالاك يروح العبد لتما يتفتحوا البيبان في وجهوا و يححق طموحاتوا

و حاجة خلاف انا مانقنعش بالعبد اللي يقولي مانخطيش الجزائر هي بلادي مانقدرش نروح ونخليها و حكايات هكا non رانا جزايؤيين نعرفوا بعضانا تخطي الجيريا تخطيك المزيريا .
و مشكورة على الاختيار الرائع للموضوع ننتظر جديدك

شكرا

 

[نورالياقوت38]

شوف تالمو بلادنا ناقصا و منقصتنا حوايج مي تقعد بلادنا ولا سمعت واحد غريب يهدر عليها نقولو روح شوف .................. بلا منكملها هنا
وزيد نحنطو وهو حي ​

 

[°~Kenza_02~°]

الجزااااااااااااااااااااااااااااااااااااائر بلادي ونموت عليها وطبعا ما نقبلش عليها ونكره الي يرووووووح ويخليهاااا نكره وليدها الي يكره منها وما يتعبش باش يبنيهااااااا

 

[~ْ {؛رٍُوٍحٍُ آٍلٍمٍَلآٍك؛} ْ~]

صبــآح/مَســآء الحُب بِلآدي
صبــآح/مَســآء الشّمــوخِ والعِزّة جَــزآئر
صبــآح/مَســآء مُعَطَّــر بِــرآئحــة شُهــدآئك...

مَوضُــوع جِدُّ رآئع غــآلِيتي...

لَن أعَلِّــق وأطيلَ في الكَــلاآمـ...ساَكْتَفي بأرآءِ الأَعضــآء الرّآئعة ووَطنيَّتهمـ التي تعْتَزُّ بهــآ جَزآئري..

سأعلِّق فقط على جمْلــة ذَكَرتيــهَـــآ...

يا هل ترى كي تسمع كلام من ناس غرباء يهدروا
على بلادنا بالسوء
يوجعك قلبك

طَبْعـــآ أتألَّمـ .... لأن لِي غِيــرة عَلى بَــلَدي...

جَزآئري تــآريخهــآ عَظيمـ ...بُطولآتهــآ ...يَشهَــد لهــآ التّــآريخ.... رِجــآلهـــآ ينحني لهُمـ الجبين....بومدين وبن مهيدي الكَبير والقائمة طَويلة...

من هَذآ الجــآهــل الذي يــَخــآف من خَفتـــآن الضوء ليُعيب الجزآئر...

جَزآئري شــآمخة وسَتَظل فقَط إن أحببنـــآهـــآ بِصدقٍ..
​

 

[وردة الشوق]

اقدر فيكم
الروح الوطنية
و مروركم
اللي شرفني و زادني شرف
الف صحة​

 

[محمد العباسي]

نعاير حكام بلادي بصح ما نبغيش كي يعارها واحد آخر ...
​

 

[oussamadz]

انا نحب بلادي و نحب ليحبها...merciiiiii