وعليكم السلام و رحمة الله تعالى وبركاته
الحمد لله بخير وان شاء الله حتى انت ثاني تكوني بخير ...:thumbup1:
بالنسبة للمشكلة في الرياضيات العديد من التلاميذ والطلاب يعانون من المشكلة
خاصة عندنا كي كنا نقروا في الرابعة متوسط و طلعنا للأولى ثانوي تتغيرت طريقة العمل والمصطلحات ....الخ يلزم عليك الفهمـ اكثر ....الخ
بالنسبة الطريقة الجيدة للعمل في الرياضيات وهذا حسب وجهة نظري ..
الانتباه ومتابعة الأستاذ خطوة بخطوة في الدرس...
.كلما ماترجعي للدار تراجعي ولو ل 15 دقيقة بصفة جيدة للدرس المدروس في ذلك اليوم.....
حل أكثر عدد ممكن من التمراين لاكتساب الخبرة والتعود على الأسئلة الرياضية .....ففهم السؤال نصف الجواب. حيث نرى مشكل كبير في الرياضيات من فهم السؤال وللأسف رانا نعانوا منه الوقت الحالي....
بالاضافة نصيحة مني ماتعوليش كما يفعل البعض على مايسمى بالدعم عندنا او الدروس الخاصة .....اذا كنتي حابة مثلا فهم للدرس او مناقشة الحل مع استاذ او اي شيئ فعادي .......
لكن كاين اساتذة يقروا في الدعم ملي يدخل وهو يكتب في التمارين و يحل والتلاميذ غير يكتبوا ويشوفوا هذه الطريقة مش طريقة للقراية ولا للفهم أصلا ...
وربي يوفقك ويعاونك اختي في الدراسة باذن الله
كل شيئ يتحقق بالعزيمة والعمـل .
ارسمي لنفسك هدفا و حاولي الوصل اليه
شجرة الاجتهاد تثمر النجاح
ركزي من البداية أختي في الرياضيات وأهتمي بيها وحاولي تعملي مجهود لفهمها وكما سبق وذكرت احسن حاجة هي حل التمارين والمحاولة لوحدك مش كل ماتلقي حاجة صعيبة تروحي للأستاذ ديراكت خلي حل الأستاذ آخر حاجة وزيدي شوفي صديقة مثلا تقرأ معاك ولا جارتك اقري معاها على خاطر ساعات يكون تفهيم التلميذ للتلميذ أحسن من يفهمك الأستاذ وهذه عن تجربة على خاطر بينك وبين الأستاذ كاين فرق كبير لكن بينك وبين زميلتك عادي تقدر توصلك المعلومة ... .. و أي مساعدة رانا هنا ان شاء الله نقدروا نعاونوك.
شوفي اختي فل يكن في علمك ان الرياضيات اسهل مادة كل ما يلزمك هو المتابعة مع الأستاذ و حل التمارين الموجودة في الكتاب المدرسي المراجعة التركيز خلال الشرح و التركيز خلال حل التمارين ايضا و إستعمال كل الطرق التي درستها في لحل و إنشاء الله تستفيدي
إن الرياضيات أفضل مادة عندي، هي نور عيني.............. التمارين، التمارين يا اختاه فهي الأساس اما الهندسة فركزي في الرسم وإربطيه بالنظريات(فيثاغورس وطاليس وشال...) الا ان تجدي الحل وقبل كل هذا وذاك حاولي الدخول الى قلب المادة وحبها فهي رائعة بحق