يقرى معايا

[waw mimi]

السلام عليكم ورحمة الله تعالى و بركاته

اولا نعرف بروحي انا منال من البليده
شوفو العام الاول نتاعي في السيام كان يقرى معايا واحد كيما خويا محترمني ومحتارماتو والعام الثاني كيف كيف وكنا نحكيو مع بعضنا يحكيلي مشاكلو ونحكيلو مشاكلي كنا اكثر من خاوى
العام الثالث بدى يتبدل (سن البلوغ واش تدير) باش يبين روحو قدامي بصح احتملتو بيسك عندو بلاسه في قلبي والعام هدا قطعها معايا كامل في الحقيقه معلاباليش كامل علاه يا خلفت بلاستي وحدو خرا ولا وشنو يعني تبدل جذريا )السب دايما في فمو. مشاغب تاع الصح. الاساتذه ديما يبهدلو فيه. واللي راهي قلبي يحرق عليها انو يهدر مع طفله عارفني بلي منحملهاش ابدا على جال الاخلاق ديالها وهادي باش يشانني .ملي ندخلو نقراو وهو يطلق في هبالو ويظحك فيهم عقليتو ولات ذراري
لذا حابه تعاونوني باش نبدلو ويعاود يرجع ليا ويشوف فيا كيما كان مقبل وبليز عايزه نصائح تطبق فعلا مع اني شويا خجوله
وبارك الله فيكم

 

[dahmene4algeria]

أختي نعطيك طريقة فريدة من نوعها
شوفي مين تروحي لدّار افتحي كتاب القرآن الكريم وأقرئي ماتيسّر منه واطلبي الله ان يهديك ويوفقك في دراستك
وشوفي ديري حاجا مليحة في راسك انتي بعثوك والديك باش تقراي وليس تخمي في هاذاك الطفل ولا في هاذاك الصبيّ وتقولي راح عليا...
ونزيد نقولك الله راهوا غاضب منّا على جال التصرف نتاعكم
-طفلة صغيرة تقرا في السيام ...تقول راح عليا وراني حاباتوا يولي :cursing:!!!
ونزيد نقولك الامّة العربية تبقى ديما هي الأخيرة مادام راهم تاركين دينهم
اخواننا في غزّة يعانون وانتيا مازال راكي تحوسي صاحبك يولي

 

[صمت الذكريات]

اختي انا تانبك بليدية و الشباب نتعنا هبلو السبان راهو دايمن في فمهم هادا واش يعرفو
بصح هبلو انا نقولك بعدي عليه افضل ليك ديري صديق ليك فتاة ماشي صبي

 

[°~Kenza_02~°]

مادام كيماااااا خوووووووووووك..........
حاولي تقربي منو قد ما تقدري وتنصحيه وتبعديه على الصحبة الفاسدة
وربي يوفقك

 

[ahras algerie]

أختي نعطيك طريقة فريدة من نوعها
شوفي مين تروحي لدّار افتحي كتاب القرآن الكريم وأقرئي ماتيسّر منه واطلبي الله ان يهديك ويوفقك في دراستك
وشوفي ديري حاجا مليحة في راسك انتي بعثوك والديك باش تقراي وليس تخمي في هاذاك الطفل ولا في هاذاك الصبيّ وتقولي راح عليا...
ونزيد نقولك الله راهوا غاضب منّا على جال التصرف نتاعكم
-طفلة صغيرة تقرا في السيام ...تقول راح عليا وراني حاباتوا يولي :cursing:!!!
ونزيد نقولك الامّة العربية تبقى ديما هي الأخيرة مادام راهم تاركين دينهم
اخواننا في غزّة يعانون وانتيا مازال راكي تحوسي صاحبك يولي

:thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1::thumbup1:

 

[luna]

أختي نمدلك نصيحة نتمنى تاخديها بعين الاعتبار ....ألتاي بقرايتك ماتنفعك غير هي..وخليك من هاد التمسخير لي ماعندو حتى معنى و اللي مايدي لحتى تريق...:closedeyes:

 

[ni-na]

وانا نصيحتي ليك اذاكان صح مجرد صديق و الضاهر انو معزتو عندك كبيرة انصحيه و اجبدي روحك تسما ديري فيه مزية و اهتمي بقرايتك صح هي برك اللي رايحة توصلك مش صديقك اللي رايح يوصلك ومعليش مديريش في بالك بلي رانا ضدك ولا على خاطر قرينا وشفنا وحنا هنا زي الخاوة اذا ماكناش صريحين معاك رانا رايحين نكدبو عليك وبالعكس رايحين نجروك للغلط فخودي نصيحتي اجبدي عليه خير هو جبد عليك مالا نتيا تاني ديري وش دار "نتمنى منكونش طولت عليك "

 

[zou2007]

دا موقف حاسم ومش عايز اتكلم .......
​

 

[azbf5000]

السلام عليكم انصحك ان تتفرغي لدراستك واعلمي ان ما تشعرين به ما هو الا فراغ فى عاطفتك وكذلك هاذا ليس حب واختاري صديقة طيبة نصوحة وابتعدي عنه نها ئيا
وستعرفي انها كانت نزوة عابرة لا معنى لها وقوي امانك بالله وبكل ياكيد ستتخلصي
من كل هاذه الهواجس ولتمنى التوفيق فى حياتك ودراستك وارجو ان تتقبلي مداخلتي

 

[سمر21]

اختي العزيزة في ديننا الاسلام لا يوجد شئ اسمه صداقة بين الولد و البنت
ننصحك تهتمي بالصح و قرايتك هي الصح

 

[dahmene4algeria]

بالفعل أختي سمر ،في ديننا لا يوجد شيء اسمه صداقة بين الولد والبنت
اللهمّ اهدنا وفقّهنا في أمور ديننا

 

[abdel-200]

ختي ياك يقولوا لي بدلك بالفول بدليه بقشوروا ما اطيحيش من قيمتك و ما تحاوليش تغيريه على خاطر خلاص راحت عليه و انتي شدي في ربي و في دينك و قرايتك و هنا تحبس و ربي يوفقك

 

[سكيكدية]

اكيد ان الانسان يتعلم من اخطائه من اجل ذلك اختي العزيزة لا تنظري ابدا وراءك انظري امامك فحسب
اقراي مليح وخممي على المستقبل تاعك واكيد انو الله ماشافلكش الخير في هذا الصديق رغم انه لا صداقة بين الولد والبنت في ديننا .......... ربي يخلف عليك بصديقة تفهمك تنصحك وتوجهك للصواب وتكونو خير سند لبعض

 

[الورد الأحمر]

ختي أنا نشوف في عقليتو دراري وأنت عقليتك كثر منو
لي راح و ولاّ واشمن بنة خلا
خليه يروح واش راح يصرالك زعمة ؟؟ راحة تموت
أكيد لا
مالا أقراي وكملي قرايتك وفيقي مع عمرك
اسمحلي على الرد هذا بصح صراحة نكره المواضيع هذو
يبانولي فارغين وما فيهمش
وتافهين
...​

 

[طارق القبطان]

حاطتنا ذراري هنا

 

[nawal 88]

شوفي نقلك اختي انت قلتيها وحدو تبدل مالا بعدي عليه وربي يسهل هو كبير ويعرف صلاحو مادام انت قلتي راه تبدل بزاف ولا انتاع مشاكل وسبان ابعدي عليه وخليه يعوم بحرو خاطر بالاك هذي هي عقليتو كان قبل برك صغير وميفهمش مليح وضرك راه عرف صلاحو وبانت عقليتو
تقبلي مروري

 

[دودو لبزاف]

داخلينها ستيل مهابل هاكدا علاش

توخذي برايي يخطيك من هاذوك العقليات

ماشي حرام تنصحيه

هاذي هي .....
​

 

[le Grand joueur]

عندك الحق خويا دحمان ميدوم غير الصح وهذا هو الصح...ونتي ختي راكي مزلتي صغيرة وتقراي في السويام التهاي بروحك وهو الله يساهل عليه يتحمل مسؤوليته
واذا كان حب ميزيدش يهدر معاك الله يساهل عليه.
راكي صغيرة بزاااااااااف حطي الكلمة هاذي ديما في بالك
وانتهلاي في الصلاة والقرايا والوالدين
وهذا هو الكلام الزين
ماكيش في وقت حب ولا لعب راكي في وقت بناء شخصية
ونتمنى منك تفهمي لكلام مليح
​

أختي نعطيك طريقة فريدة من نوعها
شوفي مين تروحي لدّار افتحي كتاب القرآن الكريم وأقرئي ماتيسّر منه واطلبي الله ان يهديك ويوفقك في دراستك
وشوفي ديري حاجا مليحة في راسك انتي بعثوك والديك باش تقراي وليس تخمي في هاذاك الطفل ولا في هاذاك الصبيّ وتقولي راح عليا...
ونزيد نقولك الله راهوا غاضب منّا على جال التصرف نتاعكم
-طفلة صغيرة تقرا في السيام ...تقول راح عليا وراني حاباتوا يولي :cursing:!!!
ونزيد نقولك الامّة العربية تبقى ديما هي الأخيرة مادام راهم تاركين دينهم
اخواننا في غزّة يعانون وانتيا مازال راكي تحوسي صاحبك يولي

 

[le Grand joueur]

ربي يوفقك في قرايتك ختي وربي يصلح احوالنا

 

[le Grand joueur]

ربي يوفقك ختي في قرايتك وانشاء ربي يصلح احوالنا ​