سؤال للاخوة و الاخوات ولازم الصراحة

[wassila21]

عندي سؤال و حبيت نطرحو على الشباب و البنات.
اولا للبنات :اذا تقدملك شاب ذو دين و خلق و ادب يعني كل المواصفات غير انه قدو قد حالو .
شحال راح يكون المهر ديالك? و هل تقدري تتنازلي على المهر و تقدري ظروفو?

و للشباب:اذا لقيت فتاة ذات دين وجمال و من اسرة محافظة, لكن طلبت منك مهر اكبر من طاقتك.
هل تنساها و تبحث على بنت اخرى? او انك تعمل ليل و نهار باش تقدملها المهر و تفوز بيها?

نتمنى المشاركة تكون من الجميع و بكثرة.

 

[الأسمر]

السلام عليكم ورحمة الله وبركاته
شكر لكي اختي على طرحهذا الموضوع
انا يخي الوحد يحمد ربي على النعم لراه فيه
والحمد لله مخسنا والو ونا نتمنا انو ربي يطيحني في بنت الفميلية ولي تحبني نتع اصح امي قضية المهر
الا عدت بنت فميلية واحبة تتزوج رهي مهيش ريح تطلب مهر كبير ولا طلبتو وقدرت نحقلها وش طلبة وعلاش لالا ولا مقدرتش نحول كيفش نقعها انا تفهمني وشكر​

 

[bnbnbilal]

طبعا ننساها علاش غير هيا طفلة

 

[شمس الغزلان]

انا بالنسبة لي المهر شيء رمزي يقدمه الزوج ليبين للمرأة مدى قيمتها وليس معناه يمنحها مبلغ كبير لا بل المهم الاحترام كل واحد قد حالو ما يبخل وما يبذر
اولا المهر نحسبلوا اذا زوجتوا اختك شحال المهر وانا لي بالمثل
والمهم التفاهم نقسم معاك المهر المهم يكون قد المسؤولية

 

[BOOBY Z]

السلام عليكم
خو نقولك حاجة خاوتها ياسر
ولي يحبنا نحبوه ولي يكرهنا نكرهوه

 

[wassila21]

السلام عليكم, نسبق في اختي شمس الغزلان ربي ان شاء الله ايطيحك في وليد الحلال الي يعرف قيمتك, و انقول لخويا BOOBY Z انا اخت ماشي خو, ياك ما زعفتش :cursing: وباين راك امجرب, و خاوتي لخرين انقولهم ربي يعطيلكم على حساب نيتكم و ايطيحكم في بنت الحلال الي تقدركم.

 

[lina18258]

انا المهم عندي يكون مدين الدراهم ماشي مشكل الحمد لله مانيش محتاجة

 

[wassila21]

انا المهم عندي يكون مدين الدراهم ماشي مشكل الحمد لله مانيش محتاجة

هيا بدات اختي حاجة ما تدوم كلش راح ايزول و غير الدين الي يبقى.

 

[s80toufik]

و للشباب:اذا لقيت فتاة ذات دين وجمال و من اسرة محافظة, لكن طلبت منك مهر اكبر من طاقتك.
هل تنساها و تبحث على بنت اخرى? او انك تعمل ليل و نهار باش تقدملها المهر و تفوز بيها?

ان كنت انا اريدها فيجب ان تكون هي كدلك تريدني و ان كانت دات دين فالرسول الكريم عليه السلام وصى بالتخفيف في المهر . اما ان اعمل و اجهد نفسي بما لا تطيقه من اجل المهر فلا و الف لا .
و لكن فداها نفسي ان كانت زوجتي و كانت تحتاج لشىء .
فكما جاء في الاتر ان اولى الفتن التي اصابت اليهود هي لما بدئت نسائهم تحمل الرجال بما لا يطيقون .




اللهم رغب في بنت الحلال
​

 

[s80toufik]

انا بالنسبة لي المهر شيء رمزي يقدمه الزوج ليبين للمرأة مدى قيمتها وليس معناه يمنحها مبلغ كبير لا بل المهم الاحترام كل واحد قد حالو ما يبخل وما يبذر
اولا المهر نحسبلوا اذا زوجتوا اختك شحال المهر وانا لي بالمثل
والمهم التفاهم نقسم معاك المهر المهم يكون قد المسؤولية

في العائلة ديالنا في اغلب الاحيان هده هي الطريقة الاخت و الزوجة المتل بالمتل

 

[بلبلة الجزائر]

اولا للبنات :اذا تقدملك شاب ذو دين و خلق و ادب يعني كل المواصفات غير انه قدو قد حالو .
شحال راح يكون المهر ديالك? و هل تقدري تتنازلي على المهر و تقدري ظروفو?

أنا مع خطيبي , نقدر نتنازل على كل شئ !!

و أكيد نقدر ظروفوا !! ولو !!

فهو أبو محمد قريبا بإذن الله

أسأل الله له التوفيق و الثبات دنيا و آخــــــرة

اللهم آجمعـــــــين




​

 

[طارق القبطان]

هذه التي تطلب مهرا عاليا لا يمكن أن تكون ذات دين بل انانية لأنها لم تراعي ظرف الشاب ولم تعمل بقوله صلى الله عليه وسلم أقلهن أجورا أكثرهن بركة

 

[wassila21]

نشكر الجميع على المرور و على الاجوبة الاروع و نتمنى لكل شاب و شابة انهم يلقاو النصف الثاني , و نقول للاخت بلبلة الجزائر( ام محمد) ياك ما اغلطتش , ان شاء الله محمد ايجي لهذه الدنيا في كامل الصحة و انه يتربى في عزك و في عز الوالد يا رب, ما تنسايناش في الطمينة:tongue_smilie:.

 

[JULI]

(اعظم النساء بركة ايسرهن مؤونة )بما فيي معنى الحديث ... وكيما قالو المهر حاجة رمزية يعبر عن مكانة المراة ورفعتها وعن مدى مقدرة الرجل لتحمل المسؤلية وقدرته على النفقة واكرامها ... (هذا الي نعرفو انا).... يعني المغالاة في المهور اثرها سلبي واسوء اثارها صرف الشباب عن الزواج ويقعدو لبنات عوانس يسناو في فارس الاحلام ... ولو كان الغلاء مليح لكان اولى بذلك زوجات الرسول صلى الله عليه وسلم فاحسن شي يكون وسط يناسب الوضع الاقتصادي تاع البلاد.. لافيه غلاء زعما باه يحكيو عليه الناس عليه.. ولا هوا بسييييييييييييط ... انا هذا الي قريتو ومؤمنة بيه بزاااف وعلى فكرة امتحنتو قبل اسبوع ..كان درس من دروس الفقه المهر ... اع>ريني على الاطالة ...تحياتي