كرسي الاعترافـ معنا " نور الانوار "

[KAKASASA]

بسم الله الرحمن الرحيم

واش راكم يا احــلى اعضاء؟!..

نـــــــطل علـــيكم من جديد..

لـــنكـــشف معاً

عن شخصية احد نجوم المنتدى


ســـ اقدم لــكم


شخصية رائعه حقـــاً




انـــــــــــسان



متألق


مبـــدع


محب للخير


و يساعد الــجميع



اشــــتهر بكلامه الحلو


لـــن اطيل فــي وصفه .. فــلاً اوفيه حقه



ســـيكون ضيفكـــم علــى الكـــرسي


الاخت : نور الانوار ​

ان شاءالله ترتاح عــ الكرسي​

ههه

اتفضل اهلا بيكـ ..؟ ​

يلا نبدأ في الاسئله ..

​

 

[احمدالجزائري]

السلام عليكم ورحمة الله وبركاته

:lol:مرحبا بيك اخت نور فى كرسى اعتراف :yahoo:​

 

[hard_way1990]

أهلا بيها في كرسي الإعتراف إن شاء الله موفقة

 

[الساجدة لله وحده]

السلااام عليكم.....اهلااااا غاليتي...
..ان شااااااااء الله ترتاحي بالجلوس على كرسي الاعتراف...
.........بالتوفيق ان شااااااااء الله....

 

[حسـنـــــاء]

مرحبا
كيفك يا نور انور
بدي اسئلك كم سؤال بس تجاوبى بصراحة
اوكي

مهو هدفك بالحياة و مهيا طموحاتك؟؟؟؟

مين هو مطربك المفضل ومطربتك المفضلة؟؟

مين هو اعز اصدقائك؟؟؟

مهورأيك بالحب والكره؟؟؟

انتى بتحب او عمرك جربت الحب ؟؟؟

مهو رأيك بالوضع اللي بعيش فيه الشعب
الجزائرى الان؟؟


مين اكتر اعضاء حبيتهما من المنتدى اللمة؟؟

مين اكتر عضو بتحبى مواضيعه؟؟

معكى 5 وردات لمين بتهديهم ؟؟

اية اكتر صفة نفسك تغيرها فى نفسك؟

بتعملى اية لما بتكونى زعلانا او مضايقا؟

هل انتى رومانسيا والا لا ؟ واية معنى الرومانسية بالنسبة ليكى؟

ما اكثر امنية تتمني تحقيقها في حياتك؟
اكتر حاجه عملتها وندمتى عليها؟
احلي يوم بتحبه ؟
اكم اميل شباب فى اميلك وبصراحة ?

سامحني اذا فيها اسئلة محرجة
تحيياااااااااحسـنــــاءاااااااااااااتي ​

 

[iam-The-Darkness]

السلام عليكي اختي نور الانوار
مرحبا بك في كرسي الاعتراف نبدى بالاسئلة
ليدونتتي للول (بطاقة التعريف)
1-مامعنى الحب في نظرك؟
2-هل احببتي من قبل ؟و بمن ؟(صفاتو)
3-ماقولك في الفتاة التي تؤمن الا بالحب الالهي؟
4-اذا خيروك بين الحب و الصداقة ماذا تختاري ؟
5-وش قولك في اصدقاء هذه الايام؟
6-ماهو هدفك في الحياة كاملللللة؟
7-وش رايك في الامراة اللي تخدم ؟
8-هل سبق وسجلت في منتدى غير منتدى اللمة ؟
9-ما قولك في شباب اليوم؟
10-ما قولك في حال الدول الاخرى مقارنة مع الجزائر؟
11-برايك هل ستتغير الجزائر؟
12 هل انت مقتنعة بما يحصل اليوم ...السرقة
قلة الادب مع البنات .القتل .كل شييييي

اقامة طيبة ان شاء الله في كرسي الاعتراف :001_smile:
ملاحظة :الاسئلة الي ماعجبوكش تقدري ماتجوبيش عليهم و شكراااااا

 

[نور الانوار]

السلام عليكم ورحمة الله وبركاته​

:lol:مرحبا بيك اخت نور فى كرسى اعتراف :yahoo:​

وعليكم السلام ورحمة الله وبركاته

هه ، ان شاء الله نعقبو وقت مليح لهنا :music_whistling:
​

أهلا بيها في كرسي الإعتراف إن شاء الله موفقة

كثر خيركـ :lol:

​

السلااام عليكم.....اهلااااا غاليتي...
..ان شااااااااء الله ترتاحي بالجلوس على كرسي الاعتراف...
.........بالتوفيق ان شااااااااء الله....

وعليكم السلام ورحمة الله وبركاته

يعطيكـ الصحه

ان شاء الله ماتشوفوا غير الحق :blush:​

 

[حفيد هواري بومدين]

وها نور راك هنا تسما سألتيني زوج مرات تحت المجهر
اول سؤال
يقولو نور تحشم بعمرها صح؟؟؟
:thumbup:

ولي هوما حبابي
:laugh:
نقولهم يفرزوك في لانوت
:yahoo:

​

:001_rolleyes:​

 

[نور الانوار]

مرحبا​

كيفك يا نور انور​

بدي اسئلك كم سؤال بس تجاوبى بصراحة​

اوكي​

مرااحب​

والله نحمدو ربي ونشكروه على كل حال​

وعلى اسئلتكـ اتفضلي​

راني لهنا ، ماكانش مشكل :thumbup1:​

ايا ندخلو في المفيد : :closedeyes:​

مهو هدفك بالحياة و مهيا طموحاتك؟؟؟؟​

هدفي هوا اني ننجح في حياتي سواء العملية أو الاجتماعية ​

ونحضى برحمة ربي ، ورضا الوالدين​

وطموحي : النجاح بدراستي ومبعد ليزافار لوخرين هههه​

مين هو مطربك المفضل ومطربتك المفضلة؟؟​

الجزائريين : لطفي دوبل كانون​

العرب : كارول سماحه ، مروان خوري ، تامر حسني ​

مين هو اعز اصدقائك؟؟؟​

أختي ومبعد ماما ​

ومبعد وحده اسمها يسرى { تعرفت عليها من اللمة } كثر خير اللمة:001_tt1:​

مهورأيك بالحب والكره؟؟؟​

الحب شعور رائع ، دركآآ نادرا ماتلقاه ​

الكره: والله غير حاجه مشي مليحه يفسد المجتمع​

انتى بتحب او عمرك جربت الحب ؟؟؟​

تقدري تقول نص النص هههه​

حب مراهقة:001_unsure:​

مهو رأيك بالوضع اللي بعيش فيه الشعب​

الجزائرى الان؟؟​

في حااالة ، ربي يصبرنا:thumbdown: ​

مين اكتر اعضاء حبيتهما من المنتدى اللمة؟؟​

بزااااف كون نبات نكتب مانفضش​

اعضاء اللمة كل عزاز على قلبي:001_rolleyes:​

مين اكتر عضو بتحبى مواضيعه؟؟​

مانفرقش​

ندخل للمواضيع ونرد بلا مانشوف صاحبها​

معكى 5 وردات لمين بتهديهم ؟؟​

اللولة لماما ، الثانية لعائلتي ، الثالثة لصحبتي ، الرابعة لاعضاء اللمة ولخامسة ليكـ انتي ههههه :001_tt2:​

اية اكتر صفة نفسك تغيرها فى نفسك؟​

راني نارفووز بزاف ههه :cursing:​

بتعملى اية لما بتكونى زعلانا او مضايقا؟​

نروح نقعد في بيتي وحدي ونرتح شوية ، ومحط اغاني سونتيمونتال :laugh:​

هل انتى رومانسيا والا لا ؟ واية معنى الرومانسية بالنسبة ليكى؟​

واقيلا راني رومانسية ​

الرومانسية عالم آخر يديكـ للخيال ، ماتقدرش توصل لهذا العالم بسهولة ، لازم يكون عندكـ احساس بحب صادق تجاه شخص حسيت معاه بكل معاني الأمان​

وتحس انكـ ملكتـ كل الدنيا بغمضة عين​

ما اكثر امنية تتمني تحقيقها في حياتك؟​

نكمل قرايتي في الخارج​

ونعمل شركة :blink:​

اكتر حاجه عملتها وندمتى عليها؟​

ماكانش، بويسكـ نفكر في الحاجه مليّا قبل مانعملها​

احلي يوم بتحبه ؟​

الخميس هههه​

اكم اميل شباب فى اميلك وبصراحة ?​

جوايه 18 هكاكـ ومعاهم اقاربي طبعا :001_wub:​

والباقي كل بنات​

سامحني اذا فيها اسئلة محرجة ​

تحيياااااااااحسـنــــاءاااااااااااااتي​

والله نورمال​

غير الكرسي الي جبتيه هوا الي يخوف :lol:​

نتمنا مانكونش طولت عليكي هههه :yahoo:​

 

[KAKASASA]

1- كيف تعرفتي على منتدى اللمة الجزائرية ؟
2- اول عضو تعرفتي به ؟
3- من ترشحين للجلوس على الكرسي في المرة القادمة ؟
4- ما هي افضل لعبة الكترونية لعبتيها في حياتكـ، ؟
5-موقف مجرح جدا + موقف مضحك جدا صراولك في حياتكـ، ؟ ​

 

[نور الانوار]

السلام عليكي اختي نور الانوار
مرحبا بك في كرسي الاعتراف نبدى بالاسئلة

وعليكم السلام خيتو
يعطيكـ الصحه

ايا اسيدي نبداو بالاجوبة​

ليدونتتي للول (بطاقة التعريف)

الاسم : زليخة
اللقب: الشيخة
الجنسية : ديقو
تاريخ الميلاد: تف
العمر : الهف​

1-مامعنى الحب في نظرك؟

مكرر من عند حسناء
​

2-هل احببتي من قبل ؟و بمن ؟(صفاتو)

مكرر من عند حسناء بعد
مي معليش
حبيت كي كنت في الحضانة :laugh:
​

3-ماقولك في الفتاة التي تؤمن الا بالحب الالهي؟

إذا أحب الله عبدا ، أحبه جميع خلقه :001_rolleyes:
​

4-اذا خيروك بين الحب و الصداقة ماذا تختاري ؟

الصداقة هيا اللولة :thumbup:
​

5-وش قولك في اصدقاء هذه الايام؟

اصدقاء مصالح..
كي يديو وش حابين
يروحو بلا مايقولو تشاو :blink:
​

6-ماهو هدفك في الحياة كاملللللة؟

مكرر من عند حسناء
​

7-وش رايك في الامراة اللي تخدم ؟

نستعرف بيها ، مشي كي تتطلق { كي تكون مزوزة } تلقا روحها برا
وزيد هاديكـ تاع المرا لازم تقعد في الدار كانت في العصور ماقبل الوسطى :laugh:
​

8-هل سبق وسجلت في منتدى غير منتدى اللمة ؟

الآلاف والآلاف :001_rolleyes: مي اللمة هيا المخيرة
فيها بنات وولاد بلادي
​

9-ما قولك في شباب اليوم؟

لاباس عليه ، مي ضاربو شوية هبال :001_tt2:
​

10-ما قولك في حال الدول الاخرى مقارنة مع الجزائر؟

بالنسبة للسياحه والرخاء هوما افضل بألف مرة
​

11-برايك هل ستتغير الجزائر؟

إن شاء الله ، حنا ديما نتفاءلو بالأحسن
وعلاش لا :001_rolleyes:
​

12 هل انت مقتنعة بما يحصل اليوم ...السرقة
قلة الادب مع البنات .القتل .كل شييييي

راكي قلتيها بفمكـ بلي راهي قلة أدب
ربي يصبرنا
ويهدي من خلق
راهي كثرة المشاكل في هذي العوام
ربي يعفينا منها ​

اقامة طيبة ان شاء الله في كرسي الاعتراف :001_smile:
ملاحظة :الاسئلة الي ماعجبوكش تقدري ماتجوبيش عليهم و شكراااااا

هههه معليش
على جالكـ نجاوب عليهم كل
تعبنا معاكي راحه :001_tt2:​

 

[نور الانوار]

وجدي روحك ........ :lol:​

راني في كامل قواي العقلية ههههههههههههه :yahoo:​

 

[نور الانوار]

وها نور راك هنا تسما سألتيني زوج مرات تحت المجهر

اول سؤال
يقولو نور تحشم بعمرها صح؟؟؟
:thumbup:​

​

:yahoo:​

:001_rolleyes:​

هههه

زيد نقولكـ

نوب

نور ماتحشمش بعمرها :001_tt2:

العكس

صغيرة وربي يكبرني في طاعتو إن شاء الله :blushing:​

 

[نور الانوار]

يعطيكـ الصحه kakasasa على الاسئلة الفور

ايا مانطولش عليكـ

1- كيف تعرفتي على منتدى اللمة الجزائرية ؟
بارازار


2- اول عضو تعرفتي به ؟
يسرى 2008

3- من ترشحين للجلوس على الكرسي في المرة القادمة ؟
حبيتكم تصيدولنا احمدالجزائري ههههههه

4- ما هي افضل لعبة الكترونية لعبتيها في حياتكـ، ؟
كونتر سترايكـ ههههههههههههه
وكي كنت 7 سنين لعبت وحده اللعبة تاع تصميم ازياء تهبل :laugh:
فكرتني فيها
دركـ نروح نحوس عليها هههههه


5-موقف مجرح جدا + موقف مضحك جدا صراولك في حياتكـ، ؟
موقف مجرح : مكانش بالاكـ
موقف مضحكـ : ههههههه منين نتفكرو نتفلق بضحكـ ، وحد المرة كنت انا وصحبتي حبينا نعملو سباق زعما زعما ههههه
ماتفاهمناش على الاتجاه الي نروحو فيه هههههههه

ايا جبناها
انا نقول : وان ، تو ، ثري
وهيا تقول : آونو ، دوي ، تري

مبعد انا درت على الجهة اليمنى وهيا اليسرى بعد { انا درت ليها وهيا دارت ليا }

جينا مخبوطين في بعضانا ههههه
طحنا في الارض

الغاشي كامل دار بينا يضحكـ علينا :laugh:
هذا مضحكـ ومحرج ههه :001_rolleyes::blushing:
​

 

[الورد الأحمر]

شكرا على موضوعك
والله يستحك التثبيت
ألور دالتي نسأل
وبما أنو رانا على أبواب الإنتخابات الرئاسية
راح تكون الأسئلة تاعي في هاد الدومان
- عندك السن القانوني للإنتخاب؟
- إذا نعم سجلتي في قوائم الإنتخابات ؟
- ديجا فوطيتي من قبل ؟
- تمني بلي احنا الجزائريين هما أصحاب القرار في غختيار الرئيس تاعنا؟؟
- هل أنت مع عهدة 3 لبوتفليقة ؟
- إذا نعم أو تفوطي عليه إذا لا نهار الفوط أكان رحتي فوطيتي قولينا عليمن ؟
و شكرا؟
...​

 

[kamely]

السلام عليكم
الله يوفقك في الكرسي

خيري واحد منهم لي تعتارفي فيه

1- ما هو لونك المفضل
2- من هو صديقك او صديقتك المفضلة
3- من هو اروع عضو في اللمة في نضرك
4- ما اسم فلمك المفضل
5- ما نوع الغناء المفضل
6- ما هو الانمي المفضل

 

[نور الانوار]

شكرا على موضوعك

والله يستحك التثبيت
ألور دالتي نسأل
وبما أنو رانا على أبواب الإنتخابات الرئاسية
راح تكون الأسئلة تاعي في هاد الدومان
و شكرا

...​

أهلين وسهلين
يبدو انكـ بوليتيكا هههه اختصاصكـ سياسي :tongue_smilie:
آيا معليش نجاوبولكـ​

- عندك السن القانوني للإنتخاب؟
لا ماعنديش :001_smile: مازالني صغيرة

- إذا نعم سجلتي في قوائم الإنتخابات ؟
في لي rêves

- ديجا فوطيتي من قبل ؟
فوطيت بلا كارطة :lol:

- تمني بلي احنا الجزائريين هما أصحاب القرار في غختيار الرئيس تاعنا؟؟
في بعض الحالات فقط... :001_unsure:

- هل أنت مع عهدة 3 لبوتفليقة ؟
بطبيعة الحال

- إذا نعم أو تفوطي عليه إذا لا نهار الفوط أكان رحتي فوطيتي قولينا عليمن ؟
ام يشوفو في الـ ip
غير غمي غمي بركـ هههه :lol:


بالاختصار المفيد
مازلت صغيرة على الانتخابات :music_whistling:​

 

[RaNiA]

أهلا نور
ادا انتي هنا وانا ماعلاباليش ؟
لازم نديرلك عرس يوويوويووي :yahoo:

شربتي الحليب ولا مازال ؟
كليتي القاطو ولا مازال ؟
تشتي تاكلي الفلفل حار ولالا ؟
وشي هيا أكلتك المفضلة ؟
:001_tt2:


ايا نديرولك اسئلة شوية سيريو
:thumbup:

قوليلي حاجه انتي متمسكة بيها وماتقدريش تفرطي فيها خلاه ؟
تقدري تستغناي على الانترنت ؟ وقداه الوقت الي تقضيه وانتي قاعده معاها ؟:blink:
وشي هيا الاسماء الي تحبيها تاع البنات والدراري ؟
كيما تتحطي في موقف محرج تقدري تخرجي منو بسهولة ؟
خبر سعيد اسمعتيه اليوم ؟

اسمعي
ماتقوليش اي فرات:laugh:

راني مبعد نرجع:laugh::laugh::laugh:

​

 

[نور الانوار]

السلام عليكم
الله يوفقك في الكرسي

وعليكم السلام
الكراسا عجبوني في زوز ههههه

ايا المهم نبدا نجاوبلكـ
باه متسناش بزاف
​

1- ما هو لونك المفضل

الأبيض ـ الأسود ـ الأحمر​

2- من هو صديقك او صديقتك المفضلة

سوسو​

3- من هو اروع عضو في اللمة في نضرك

الاعضاء كل حلوين ​

4- ما اسم فلمك المفضل

Wanted فيلم اكشن تاع انجلينا جولي
مي جوبونس مشي هوا المفضل
كاين وحايد بزاف ملاح​

5- ما نوع الغناء المفضل

r.n.b
الاغاني كلاسيكـ وسونتيمونتال :001_tt1:​

6- ما هو الانمي المفضل

مانتفرجش الأنمي :001_rolleyes::blink:


يخي ماطولتش عليكـ ؟ ههههه :laugh:​

 

[بنت الـ25]

يااااااااا

قلتلهم نهار تقعد نور على كرسي الاعتراف بيبيولي:bored:
يظهرلي ماعندهمش لكريدي :confused1:... إل فو يفليكسيو:laugh::laugh:

اوكي نور...عندي اسئلة عشوائية من هنا وهنالك.....ايا قوليلي
كيفاه شعورك وانت قاعدة هنا؟؟

وش من سنة تقراااي؟؟:001_tt2:
خايفة من الباك؟؟:blink:
لاحظت بلي تحبي اللون الطرطري(البنفسجي) ياترى وش هو السر؟؟:001_rolleyes::001_rolleyes:
وش جاتك على الشادلي حتى درتي عليه موضوع (فووووووووور)

بالاضافة للانترنت..وش هي هواياتك؟؟:001_cool:
اسكو عندك مواهب اكتفشتيها في روحك بنفسك ولا اكتشفها الآخرون؟؟ احكيلنا؟؟

شايعة بلي الاشخاص اللي يستخدمو الانترنت هم اشخاص يحبون العزلة:blushing: ويسعون للهروب من الواقع والمشكلات اليومية:blink::blink: ويخشون الاختلاط مع الناس والتفاعل معاهم:cursing:....
اسكو انت من هاد النوع:confused1:؟؟؟بصراحة ربي يعيشك:thumbup:
علابالي طولت عليك ودرتلك محاضرة في السؤال اللخر:001_tt2:...مي والله نشتيك

***********

جاوبيني بصراحة نونو:thumbup::thumbup:
تشاااااااو:angel_not::001_rolleyes::001_cool:​