موضوع جد مهم أتمنى من الجميع الزيارة**حملة ذات منفعة عامة**

[©§¤°الجزائـ صوت ـر°¤§©¤]

السلام عليكم ورحمة الله وبركاته:
أنا اليوم حبيت نهدر على موضوع مقلقني بزاف
وراهو وصل لمرحلة خطيرة جدا جدا ومتطورة
موضوع مهم بزاف هدرت عليه من قبل
بالصح نهار هدرت عليه كان شوية مش منتشر
أما درك راهو فالأخبار فالجرائد في مواقع كثيرة فالأنثرنت
الموضوع ياجماعة الخير
هو
*
**المنتوجات الصينية**أو السلعة تاع لاشين**
وين نروحو نلقاو السلعة تاع لاشين
المصابيح لي روبيني الأواني المنزلية الألبسة الأغدية
الأحدية وهاد السلعة تاع لاشين الي راهي تدخل للجزائر بأسعار هايلة يعني في متناول الجميع
المشكل تسبب أمراض كثيرة جدااا أهمها
**السرطان** عفاني الله وأجارني منه وإياكم
المشكل الكبير هو حتى حفاظات الأطفال ياسبحان الله
وتاع لاشين وكاينين أطفال صراولهم أورام سرطانية بسببها يا حتى في قسنطينة
كاينة منطقة إسمها لبلاد فيها سوق كبير للألبسة والأحذية
نعرف عائلة شراو بناتهم صبيبطات هادو تاع الربيع
الوحدة ب30 ألف وفلانوفال فيل نفس السبيبطات ب130 ألف:confused1: فرق كبير بالصح للأسف الشدييد
رجليهم ورمو ونتفخو وربي يستركم لقاوه سرطان
ياجماعة فدزاير لارقابة لاوالو على هادي لازمنا نقاطعو السلعة تاع لاشين على بالي بالي السومة هايلة
بالصح مانظنش بالي راهي خير من صحتنا وحياتنا
والله حنا شرينا لامبة حطيناها فدقيقة ولات تحمر تصفر تخضر ومبعد تحرقت كي شفناها لقينا مكتوب فيها
مايد إن شاينا:cursing:
إلا تشفاو على هداك الإشهار الي يقول
نشري سلعة بلادي باش نضمن مستقبل ولادي
أنا اليوم نقول
نشري سلعة بلادي باش نضمن صحتي وصحة ولادي
صدقوني العالم كامل راهو يحوس كيفاش يربح الدراهم وخلاص ولاشين مش الغلطة تاعها وحدها باسكو هي ماضربتنا على يدينا وقالتلنا أشريو السلعة تاعي
الغلطة في انعدام الرقابة وانعدام التوعية
والحل مقاطعة كل السلع الصينية قبل فوات الأوان
ربي يحفظكم كامل ويشفي الناس الي مرضو يارب
نتمنى مانكونش طولت عليكم
ونتمنى نكون على الأقل نبهت 1/100
باسكو والله هاد الموضوه شاغلني بزاف
وشكرا
السلام عليكم ورحمة الله وبركاته:001_wub:
​

 

[©§¤°الجزائـ صوت ـر°¤§©¤]

واش واقيلا كامل راكم شناوا :music_whistling::music_whistling:​

 

[pixau_dz]

{عسى ان تحبو شيئا وهو شر لكم...}

 

[©§¤°الجزائـ صوت ـر°¤§©¤]

{عسى ان تحبو شيئا وهو شر لكم...}

صدق الله العظيم
بارك الله فيك خويا مشكور على المرور الجميل​

 

[Sini]

و عليكم السلام و رحمة الله و بركاته أختي "صوت الجزائر"


يقولو عندنا : لز لرخسو تخلي نصو

و لكن راهي القضية أخطر ... باستعمال النوعية الرديئة فاننا نساهم في أمراض عفانا الله جميعا منها ... ان شاء الرسالة تلقى صدى و ربي هو المستعان في غياب أمور كثيـرة .

 

[***بنت الوادي***]

شنواة كل حوايجهم دوروجين ومليحة ولوكانت تضر كيما قلتي راهي الدزاير ماستوردتش من عدها وش عبالك بدنيا ساهلة هيا ومشي كاين قوانين والأنظمة.​

 

[©§¤°الجزائـ صوت ـر°¤§©¤]

و عليكم السلام و رحمة الله و بركاته أختي "صوت الجزائر"


يقولو عندنا : لز لرخسو تخلي نصو

و لكن راهي القضية أخطر ... باستعمال النوعية الرديئة فاننا نساهم في أمراض عفانا الله جميعا منها ... ان شاء الرسالة تلقى صدى و ربي هو المستعان في غياب أمور كثيـرة .

وعليكم السلام ورحمة الله وبركاته:
أهلا أختي سيني
إيه والله ناس بكري هدرو على كلشي ماخلاو والو وكلامهم صحيح 100/100
ربي يحفظنا ويعفينا يارب
مشكورة أختي على مرورك الرائئع
نوتي الصفحة والله
شكراعلى المرور​

 

[راجية النجاح]

السلعة تاع لاشين راهي في كل بلاسة
ايماجين حتى الستيلو و كاتبين فيه مايد اين شايا
توحشت نشوف كلمة وحد اخرى في بلاست شاينا
تشوف سباط فالحانوت ب 150 الف وف الطابلة والشاريطة ب 20 الف تحصب صانعينو بجلد اللفاعي ماهم
خاسرين عليه والو
على كل موضوع هايل وجزاك الله خيرا

 

[*wawa*]

الله على نشرة الأخبار تاع هدولة​

 

[©§¤°الجزائـ صوت ـر°¤§©¤]

شنواة كل حوايجهم دوروجين ومليحة ولوكانت تضر كيما قلتي راهي الدزاير ماستوردتش من عدها وش عبالك بدنيا ساهلة هيا ومشي كاين قوانين والأنظمة.​

أختي كون جات سلعتهم دوريجين ومليحة كون أنا مادرتش هاد الموضوع
في رايك واش مصلحتي أنا غير أني نوعي الناس الي مازال ماعلابالهمش
أختي ماسمعتيش بالحوادث تاع الأحذية وحفاظات الأطفال راهي مالية الجرائد والأخبار
وزيد أنا استندت إلى حوادث من الواقع تاع أفراد نعرفهم مليح
أنا الهدف الأول والوحيد تاعي من هاد الموضوع هوحرصي على حياة الشعب تاعنا
ماني ضد لالاشين ولا غيرها كل واحد يرقد على الجنب الي يريحو
بالصح الظاهرة زادت عن حدودها
الرقابة والقوانين أكيد كاينة قوانين بالصح ماناش نشوفو فيها تطبق ولا لرانا نشوفو
فهاد الرقابة وعلاش هاد الإشخاص الي مرضو بالسرطان وغيرو من الأمراض
مش بشر مش جزائريين ؟؟؟؟؟
مشكورة أختي على المرور​

 

[Dalida1993]

بارك الله فيك
يعطيك الصحة ..............

 

[©§¤°الجزائـ صوت ـر°¤§©¤]

السلعة تاع لاشين راهي في كل بلاسة
ايماجين حتى الستيلو و كاتبين فيه مايد اين شايا
توحشت نشوف كلمة وحد اخرى في بلاست شاينا
تشوف سباط فالحانوت ب 150 الف وف الطابلة والشاريطة ب 20 الف تحصب صانعينو بجلد اللفاعي ماهم
خاسرين عليه والو
على كل موضوع هايل وجزاك الله خيرا

صح أختي حتى لغلافات تاع الكرارس قالو تاع لاشين ومش ملاح
ربي يسترنا برك
أختي بارك الله على المرور
شكرا وربي يسترك إن شاء الله​

 

[©§¤°الجزائـ صوت ـر°¤§©¤]

الله على نشرة الأخبار تاع هدولة​

إدا كانت كل نشرة أخبار عندها جمهور رائع كيما أنت أختي
الناس أكل تولي تقدم أخبار :thumbup:​

 

[©§¤°الجزائـ صوت ـر°¤§©¤]

بارك الله فيك
يعطيك الصحة ..............

وفيك بارك الرحمن أختي
شكرا جزيلا أختي دليلة على مرورك الرائع​

 

[©§¤°الجزائـ صوت ـر°¤§©¤]

​

 

[Sini]

 

[shahrazad]

baraka laho fik okhti 3la mawdo3ak :thumbup1: ili raho ham bil bazaf .walah ya khti lah yinj3al khir min had sal3a ta3 la chine il wa7ed lokan ikhamam ghir shwiya yfik bali hadak l prix mahosh rkhis batal sur rahom yakhadmo b des produits mish mla7 rana nasam3o la3jab kalik hadok les montaux ta3 la chine ili fihom les cabush ta3 rish wala sh3r rahom ya5admohom 7ashak bil sh3r ta3 il firan, w walah ya7fidna ou yastarna hada makan psq doka zawaliya ykarbo ghir l asal3a rkhisa lah ghalib ou tani il jahal ou 3adam il wa3y yila3bo dawr kbir ou bash nkat3o had sila3 lazim bladna twafarlna kolshi na7tajoh b soma ma3koula. ou 7abit nkol lil okht ili kalit ino raho fi rakaba !!! ana nkolha makansh fi bladna 7aja wasimha rakaba doka loukan yilkaw 7aja fasda ibi3ohana il mohim 3andhom draham toma draham toma draham.takabli mororiiii i:biggrin:. merci 3l mawdo3

 

[©§¤°الجزائـ صوت ـر°¤§©¤]

هههههههههههههههههه
مازالت غير هاد الحاجة برك تخص
وتولي الجزائر إسمها
**ولاية الجزائر الصينية**:music_whistling:​

 

[©§¤°الجزائـ صوت ـر°¤§©¤]

baraka laho fik okhti 3la mawdo3ak :thumbup1: ili raho ham bil bazaf .walah ya khti lah yinj3al khir min had sal3a ta3 la chine il wa7ed lokan ikhamam ghir shwiya yfik bali hadak l prix mahosh rkhis batal sur rahom yakhadmo b des produits mish mla7 rana nasam3o la3jab kalik hadok les montaux ta3 la chine ili fihom les cabush ta3 rish wala sh3r rahom ya5admohom 7ashak bil sh3r ta3 il firan, w walah ya7fidna ou yastarna hada makan psq doka zawaliya ykarbo ghir l asal3a rkhisa lah ghalib ou tani il jahal ou 3adam il wa3y yila3bo dawr kbir ou bash nkat3o had sila3 lazim bladna twafarlna kolshi na7tajoh b soma ma3koula. ou 7abit nkol lil okht ili kalit ino raho fi rakaba !!! ana nkolha makansh fi bladna 7aja wasimha rakaba doka loukan yilkaw 7aja fasda ibi3ohana il mohim 3andhom draham toma draham toma draham.takabli mororiiii i:biggrin:. merci 3l mawdo3

السلام عليكم:
شعر الفيران:cursing::cursing: ربي يستر لهاد الدرجة لحقنا
مشكورة حبيبتي شهرزاد والله فرحني مرورك
شكرا:thumbup:​