Lovely_girl
:: عضو منتسِب ::
الحلوى الرسمية المتبعة عند جميع قبائل البنات :
كل يوم الصباح تشري 4 حبات شوينقوم
في كل حصة تعلف حبة
الأداة المفضلة :
بنات السيام يموووتو على الايفاسور
تلقاه في ظفارتيهم في ادواتهم في كلش
الملابس المتبعة :
المئزر ... بشرط أن يكون فيه 5 سم مع الحرص على ابقائه مفتوحا
سروال سليم : كحل ، زرق كيما تحبي بشرط يكون مزير قد ماكان مزير كان مليح
التوب : من الفوق لازم تلبسي تريكو مونش لونق ، وتزيدي فوقو واحد دومي مونش ، وتزيدي فوقو تريكو بغوتال .... فهمتى ، قد ما تخلطي قد ما يكون مليح ، وما تنسايش لازم كل يوم حاجة خفيفة ولو تعرفي الثلج راهو يطيح ، وخيك من تريكاوات الصوف والميزيرية
تصفيفة
من الخلف ديري كيما تحبي ومن الأفضل تخليه مطلوق أما من الامام ديري شوشة عوجة وما تحكميهاش بالمساك .... خليها مطلوقة ولازم تطيحلك كامل على عينك مع الحرص على ارجاعها قليلا للخلف كل 5 ثواني
واحرصي على أن تحرقي شعرك بالسشوار والبابيليز
الأكسوارات :
قوي المساسيك في شعرك
وديري حوالى 5 سناسل في عنقك
أما في يديك اللي تلقايها ديريها
وخاصة ما تنسايش الخواتم اللي لازم يكونو كبار (يعني من تع خمسلاف )
الماكياج :
قوي القلوس لازم شواربك يبانو يبرقو من بعد 5 كيلومتر
وما تنسايش الفارني لازم حمر ولا غوز وحذاري ثم حذاري نصيب ظفارتيك قصار .
وطبعا أهم شيء لازم تحرصي على تبدلي الملابس بين كل حصة وحصة
يتبع ...
