هدرة الناس

[Lonely Girl]

السلام عليكم خاوتي نشالله لاباس ​

حبيت نسقسيكم اليجان وحدة تكون عاجباتك وشايفها ومتبعها ولا كنت تمشي معاها يعني راك تعرفها مليح وحبيت تخطبها ونباعد كي سقسيت عليها قالولك بلي هادي فيها وفيها وهي مسكينة خطيها قاع وش يهدرو فيها وانت علابالك بلي خاطيها وش يكون ردك تكمل في نيتك ولا تبعد عليها :001_huh:

 

[mohamed ali 1992]

وعليكم السلام ورحمة الله تعالى وبركاته
حقيقة مانتبعها مانمشي معاها ماوالو
تعجبني واحدة نروح نخطبها ديراكت وخلاص
وبما انك قلتي خاطيها ماصرى والو يعني نخطب وخلاص :music_whistling:
​

 

[صابر الجزائري]

حبيبي انا نقولك دير اللي في راسك و ما تشوف حتى بشر ..... على خاطر راهي رجعت مودة انهم يهدرو في بنات الناس و بناتهم نساوهم

 

[poli]

walahi ya okhty walit nasma3 haja ygololha hadrat ness
dirli kochmar..........
bi sabatha rahi farkatni 3la hbibi.......ba3d 5 snine
rabi yahdihom
min rayi matahamach hadrathom ana nothak bali nachtih

 

[Lonely Girl]

وعليكم السلام ورحمة الله تعالى وبركاته

حقيقة مانتبعها مانمشي معاها ماوالو
تعجبني واحدة نروح نخطبها ديراكت وخلاص
وبما انك قلتي خاطيها ماصرى والو يعني نخطب وخلاص :music_whistling:​

ايا نستعرف بيك عندك الحق و ربي يكون معاك نشالله
هدرة نتاع الرجال :thumbup1:

 

[Lonely Girl]

حبيبي انا نقولك دير اللي في راسك و ما تشوف حتى بشر ..... على خاطر راهي رجعت مودة انهم يهدرو في بنات الناس و بناتهم نساوهم

ياي الطفلة مسكينة خاطيها ذاك الشئ بصح والله ميطلقوها وكيما قلت خويا بناتهم نساوهم بصح الفايدة وشني منعرف تحير

 

[نور الانوار]

وعليكم السلام

كي تكون عمبالكـ فيها
أو بالأحرى واثق بيها

سي بالا بان تتبع هدرة الغاشي

بويسكـ كون تسمع هدرة الناس ماتقدر تعمل والووو​

غير امشي حسب النية​

 

[silena samanta]

ادا تحبها وواثق فيها جامي تامن الهدرة تاع ناس وتكمل معاها

 

[Lonely Girl]

walahi ya okhty walit nasma3 haja ygololha hadrat ness
dirli kochmar..........
bi sabatha rahi farkatni 3la hbibi.......ba3d 5 snine
rabi yahdihom
min rayi matahamach hadrathom ana nothak bali nachtih

وكيلهم ربي برك

 

[poli]

وكيلهم ربي برك

akid walah li sma3 hadrat nes yakrochi 3la roho bi roge

 

[الورد الأحمر]

الثقة هي أساس كلشي
...​

 

[KAKASASA]

ديرو واش يقوللكم راسكم برك ، متدوش على هدرة الناس ​

 

[الناصر صلاح الدي]

جامي ندير على كلام الناس كل واحد كيفاه يضرب و كيفاه يغني واحد يغني راي,واحد راب,واحد قصبة كيفاه راح نشطح انا(معناتها ندير وش نشوف).مشكورة

 

[الورد الأحمر]

كلام الناس ما يدي ما يجيب نورمالمو كي يكون يحبها
خلاص ما بقا يسنا والو
...​

 

[°~Kenza_02~°]

الناس الات تاع هدرة....كاش نهار حبسو من الاشاعات والكذب....ماكاش...املا دير النية وخطب بنت الناس اذا صح باغيهااا

 

[Lonely Girl]

راني نشوف بلي راكم كامل مديروش على كلام الناس بصح وش راني نشوف في الواقع راه العكس تماما غير يسمع واحد للهدرة نتاع الناس بلي وبلي ........... يدور عليها حتى ويلا كان يحبها وهي لمخلوقة تتعقد من روحها وتفقد الثقة ورايحة تكره حياتها وخصوصا لكانت ديما تتعاود معاها نفس القصة

​

 

[يسرى 2008]

كي انت ماش بالنية معاها وتحبها ومتتمنلهاش الشر
امشي على نيتك
ومتبعش كلام الناس
خاطر الي يتبع كلام الناس ميفضش
وربي يسعدكم مع بعضاكم
شكرا لك ... ​

 

[zinnoo walido]

السلام عليكم خاوتي نشالله لاباس ​

حبيت نسقسيكم اليجان وحدة تكون عاجباتك وشايفها ومتبعها ولا كنت تمشي معاها يعني راك تعرفها مليح وحبيت تخطبها ونباعد كي سقسيت عليها قالولك بلي هادي فيها وفيها وهي مسكينة خطيها قاع وش يهدرو فيها وانت علابالك بلي خاطيها وش يكون ردك تكمل في نيتك ولا تبعد عليها :001_huh:

سلام عليكم
جاز وحد الموضوع من قبل تاع وحد العضو او قال هل ديرو علا هدرت الناس ؟
والجواب تاعي كان هدرت النس متحمي متبرد ما تنص ما تزيد ما طلع ما تهبط

الشيء لي راك حاس بيه فيها وثايق فيها وتعرفها مليح واش نستنا روح نخطب وخلاص ولي فيها الخير ربي يجيبها ونصلي صلاة الاستخارة

يعطيك الصحة ختي مريومة علا الطرح وهذي راهي كاينة واقعيا انا قتلك رايي لي نشوفو يمكن نديرو مارسييي

 

[نموت على البلاد]

نعطيك نصيحة خويا صلى صلاة أستخارة و أدعي ربي يبينلك الطريق وأمبعد كمل معا رايك والله صرات معايا وألي قلت أنا مستحيل أستغني عنها ولكن بعد صلاة الأستخارة بدات تبالي وحد الأمور مكنتش نشوفها ...... هاك ولا هاك يبنلك الطريق..... أمههم هاذي نصيحة من خوك :thumbup::thumbup::thumbup:

 

[Lonely Girl]

سلام عليكم
جاز وحد الموضوع من قبل تاع وحد العضو او قال هل ديرو علا هدرت الناس ؟
والجواب تاعي كان هدرت النس متحمي متبرد ما تنص ما تزيد ما طلع ما تهبط

الشيء لي راك حاس بيه فيها وثايق فيها وتعرفها مليح واش نستنا روح نخطب وخلاص ولي فيها الخير ربي يجيبها ونصلي صلاة الاستخارة

يعطيك الصحة ختي مريومة علا الطرح وهذي راهي كاينة واقعيا انا قتلك رايي لي نشوفو يمكن نديرو مارسييي

سلام زينو
هدرت الناس راهي تقيس في الحقيقة بصح احنا منخليوش راوحانا نسمعولها واهم حاجة تكون واثق في روحك وخلي العرب يهدرو ويرحو كيييييييييما يحبو
وميرسي يازينووووووووووووو​