اهل الرجولة في العنف وفي السب والشتم والالفاظ القبيحة

[يسرى 2008]

السلام عليكم ورحمة الله تعالى وبركاته
الحقيقة انا عندي سؤال موجه للرجال اليامات هادم
اهل الرجولة عندهم في الدرب والشتم والعنف
للنساء باش نقولو راهم نساء
بالعكس الشي ميعرفوهوش انو المراء تزيد توكل عليه ربي هادي المرة العاقلة والدعوات تحا وهي مظلومة تستجاب وينتقم منو ربي ومكانش كي انتقام الله سبحانه وتعالى
اما المراء القباحة راهي تعملو مشاكل كبيرة
وتدخل خوها ولا باباها ولا منعرف شكون
انا الشي الي حبيت نسؤلو وعلاه الشتم للنساء والاهانة والعنف وكل هدا الشي هل كي تعملو هكا تبينو رجولتكم
وشكرا ​

 

[نور الانوار]

وعليكم السلام ورحمة الله وبركاته

شوفي سوسو

انا هذي مانعتبرهاش رجولة

بالعكس

هكا تسما الراجل يطيح بقدرو اول حاجه


وزيد تسما تصرف مشو لائق

وضعيف الشخصية هوا الي يتعامل بالطريقة هذي


ووكيلو مولاه​

 

[iam-The-Darkness]

و عليكم السلام
اختي بالعكس لي يضرب اصبح متخلف مابقاش لي يضرب ضركة و لي يضرب يرفعو قضية ضدو خخخخخ
المهم نستناو راي الشباب:blink:

 

[tarek 09]

الرجول أفعال جميلة تعجب الجميع

الرجلة نتاع السب والعنف ولات حاجة قديمة

كيما قال لطفي دوبل كانو
الرجلة مش كي تتعارك
الرجلة هي ذراعك اللي تبني بيه دارك

شكرا على الموضوع​

 

[simouka]

الرجلة مش كي تتعارك
الرجلة هي ذراعك اللي تبني بيه دارك

​

 

[***بنت الوادي***]

أنا أعتبر كل من يشتم قليل أدب...
وش وش عبالهم بالمرا ....حجر ماعدهاش إحساس.....هذا لينزر ويحسس بالسبان يكون الغالط في كلامه حتى لو كان معاه الحق...​

 

[الساجدة لله وحده]

الرجولة تكمن في الاخلاااااااق والمقدرة على صيانة البيت واهلو..
..والراااجل المتأدب والخلوق وللي يوزن كلامو قبل ماينطق بيه هو للي نقدو نقولو عليه راجل نتاع الصح..
..اما الذي يتخذ من الكلماات القبيحة والمذلة ستاارا..كي يقول انا رجل بمعنى الكلمة..ههههههه..
....انا نقولو غير روح نطح راسك فالحيط وهذا راجل نتاع الهف...كي نجو فالصح يبقى يدور في بلاصتو..
...مي ديفوا الانساان منين يكون منافري مايعرفش وااش يقول..والرجاال معروفين بسرعة الغضب وحدته..على هاذيك يرجعو يسبو ويقولوا كلاام طايح..
..ومالقري سا..لازم يثبتو رواحهم واوموا مايقولوش كلااام عيب لدرجة كبيرة........
..مارسي يسرى على الموضوع​

 

[mohamed ali 1992]

وعليكم السلام ورحمة الله تعالـى وبركاته
-----------------------------
مقياس الرجولة عند الشخـص مش في تجبره وحقرته وقوته وعدم احترامه للغيـر ايا كان الجنـس سواء ذكـر أو أنثـى !! :thumbdown:
تقول الحكمة :
لا تفتخر بصفة أو بشيئ تشارك فيه البهائم
والقوة والتجبر والحقرة لبعضاهم والشتم والسب هذه قوانين الغابة يعني من صفات الحيوانات أكرمكم الله واحنا كبشـر أكرمنا ربي سبحانه بالعقل من المفترض نتجنبوا هالسليبيات والأخلاق الدنيئة خاصة كي تكون موجهة للجنس الأنثـى .
رجولة الشخـص يبينها في حوايج مليحة وتنفع مش في حوايج تافهة
الناس الكل عندها ألسنة والحمد لله .
* وتراهم يتكلمون بأعراض الناس ينسون أن لهم أعراضا وللناس ألسنة *
-----------------------------
مشكورة اختي يسـرى على الموضوع
ربي يهدينا ويهدي الجميــــــع

​

 

[يسرى 2008]

وعليكم السلام ورحمة الله وبركاته​

شوفي سوسو​

انا هذي مانعتبرهاش رجولة​

بالعكس​

هكا تسما الراجل يطيح بقدرو اول حاجه​

وزيد تسما تصرف مشو لائق​

وضعيف الشخصية هوا الي يتعامل بالطريقة هذي​

ووكيلو مولاه​

نينو انت الزينة والكبيرة وعقليتك تاع طفلة متربية
مي كاين ناس الله يهديهم زي انا شفت نهنا طفل في اللمة بعد ومعروف عند الناس الكل قالي كلام ميتسمعش مليان سبان وكلام فاحش ومش متربي مي انا
اصلا مش راح نقول اسمو خاطر ميشرفنيش ننطق اسمو
نشكرك على ردك الرائع يا نينو المليحة
​

 

[يسرى 2008]

نشكركم على التفاهم والصراحة وردكم الرائع
وقيما قلتو ربي يهدي هادي الناس
ومسيرهم راح يلقاو جزاتهم عند ربي
​

 

[يسرى 2008]

وينكم يا اعضاء اللمة
وين التفاعل
وين???????

 

[RaNiA]

الراجل تاع الصح هوا الي اخلاقو عالية ويخاف من ربي و ما يطيحش في الناس و مايطيحش من قيمتو قدام الناس
نقولك بلي بعض الدراري تاع درك يلعبوها زعما فايقين ومانعرف واش المنافقين هاذوك
كيما يقولو سماتهم على وجوههم
مايشرفناش نحكيو مع عباد كيما هكا على خاطر هما اصلا عباد تافهين كيما ما يلقاوش رواحهم في الدنيا يوليو يفرغو غشهم في الناس الخاطيتهم ​

 

[يسرى 2008]

والله عندك الحق رانية
مي ربي يهديهم
شكرا على الرد

 

[programmeur]

الانسان لي يقول كلام السوء لبنت ماهوش راجل
لخاطرش علاباله بلي هاديك الفتاة ماتعمله والو بصح باش يروح عند راجل ويقولو داك الكلام يخاف بزاف على روحه
يخاف من البونية تاع داك الراجل
الشباب دروك راهم ضانين بان الرجولة هي التكبر على الفتاة بصح هدا خطا كبير
وشكرا على الموضوع

 

[poli]

sah 3andak el hak h@mza yak walit nasma3 saban dima
grib ywali logha fi algi.......................
youssera mawdo3 raya3.........
takabalo morory