بنات الاقامة الجامعية...الى اين

[من الماضي]

السلام عليكم...في الحقيقة انك لما تدخل للاقامة الجامعية للبنات راح توقف على صنفين ...صنف من البنات تربية اخلاق دين ثقافة علم يعني الله يبارك مثال للفتاة المسلمة...اما النصف الثاني...الله لا يشوفكم...اخلاق منحطة...تدخين...شراب على انواع...كلام سوقي...خرجات ليلية...البسة الله يستر...صحاب بالجملة...و القراية يجيب ربي...المشكل ما راهوش فهاذ النتائج المشكل يكمن فاسباب الظاهرة...لماذا هذا الانحدار الخلقي في فئة كان لازم تكون مثال لكل انسان فالمجتمع و ماهي الحلول و النصائح لي قادرين نمدوهم باش نحدوا من هذه الظاهرة و باش نفيدوا خواتتنا الضالات و نرجعوهم للطريق الصحيح...هذا الموضوع يمس كل واحد فينا سواء من قريب او من بعيد و كيما راهو صاري لهاذ لبنات قادر يصرا لختك بنتك بنت خوك ولا عمك...يعني هذا موضوع للنقاش دون تجريح نحاولوا ننتقدوا بطريقة بناءة باش نفيدوا ونستفيدوا ان شاء الله....
.والسلام على من اتبع الهدى.

 

[noussy 03]

موضوعك رائع اختي وفي القمة

 

[Brunette]

slt !! ana nchouf belli hadi question d'education paske li tkoun mrabbiya w 3andha d principe temchi 3lihom jamais tih felpiège sof klk éxeption li yday3ouhoum shabathom mé wellah ghir terdja3 llé principes paske kayen li telka la liberté w matrouhch fiha w kayen liykounou hattinha fcage mé ketheb dir wash kayen frasha ma3labalha bhatta wahed !! kayen li 3labalha belli ba3touha darhom pour ses etudes alors thawel tcharrafhom w tedjib ls anné dyawelha w kayenn li tkollek lala ana nproufiti whadi li yedkholha lvice alors cette une question de PRINCIPES et de PRUDENCE wrabbi yedjib elkhir wyehdina kamel

 

[tarek 09]

بنات الاقامات الجامعية
راهم دايرين حالة

تجي من طرف الدنيا بالحجاب
تضرب سمانة تلقاها بالميني والسبانسار

بصح العقايب شينة والدهر طويل
​

 

[palikao]

شكرا لك على اثارتك للموضوع​

 

[programmeur]

واش نقولك على بنات الاقامة الا من رحم ربي
يعني كاين بنات الله يبارك وكاين الله لا يشوفنا وجوههم
وكيما قال خويا طارق العقايب شينة والدهر طويل
لكن في رأيي سبب هده الظاهرة هي سوء التربية من الوالدين
خاصة البنت كي تكون في دارهم تكون دايرة الحجاب خوف من الوالدين برك بصح كي تجي للاقامة
دير فيها الروبلة
والبنت لي يكون عندها اخلاق حميدة وهده الاخلاق اكتسبتهم عن قناعتها ستبقى باخلاقها اينما ذهبت

 

[من الماضي]

السلام عليكم...شكرا للاخوة على الرد و كل واحد عطا سبب لكن وش هي الحلول لي قادرين نديروهم باش نرجعوا خواتاتنا لطريق الصواب خاصة لي كيما قلت عليهم الاخت brunette راحوا ضحية صحاباتهم انا شخصيا كانت عندي صحبتي ما شاء الله لكن لما جات للاقامة الجامعية تبدلت و مثلها كثير لكن ماعرفتش كيفاش نديرلها باش تولي كيف زمان...:confused1::confused1:

 

[Badech]

مشكورة اختي

موضوع في بلاستو

في ميزان حسناتكي​

 

[Brunette]

bjr !! je pense k' une fois trouh fiha ettefla matekdrich tradj3iha lltrik bien sur kayen dcas mais rarement win tekkedri ! tout dépend de cette fille w 3akliyetha w ida kanet tsma3 lennassiha wella lala w ida kant niyyetha toub men wash rahi dir w kayen tanik li ytsegmou ki tesralhom hadja grave win ya3arfou fiha rabbi !! donc lwahed yebdaha bennassiha sinon kima ykoul lmthal "koul chat tet3alag men wdenha" w rabbi ystourna w yehdina
ah nssit makotlekch ya3tik essaha 3la elmawdo3 lhadef w lirah wake3 nchoufou fih
bonne continuation

 

[mohamed ali 1992]

السلام عليكم...

وعليكم السلام ورحمة الله تعالى وبركاته
​

لماذا هذا الانحدار الخلقي في فئة كان لازم تكون مثال لكل انسان فالمجتمع

حسب رأيي أن الانحدار يأتي من عدة خلفيات نذكـر منها :
1 - الوالديـن : حقيقة أختي حتى لو أنها كلمة قاسية شوية كاين والدين ربي يسامحهم يجيبوا الاولاد ومانعرف علاه مايهتموش بيهم يعني يتربوا رباية شارع وزنق وصحابات فاسدة الخ ....والشارع مايرحمش والدنيا قاسية والأمان تاع بكري راح مع ناس بكري وين كانت الحشمة والحياء والعقالة والأدب يعمل دور في المجتمع الجزائري حتى ولد الحومة كي يشوف بنت جيرانه تعمل في حاجة مش مليحة ولغير ذلك ينصحها ويهدر مع خوها ...الخ
اما في وقتنا الحالي كل واحد شاد سوقوا يعني الي يخاف يخاف على روحه والي يعس يعس روحه ومايدي الواحد للهاوية غير بيده ....
2 : البنات في حد ذاتهم : البنت في حد ذاتها كي تكون متربية ومش غافلة مش رايح تعمـل هالاشياء والحوايج الزايدة رايحة للجامعة نورمالمون عندها هدف سامـي وهو طلب العلم اذا مانيش غالط يعني تقرا على روحها وكيما خرجت من دارها ترجـع والحوايج الزايدة مارايح ترجع غير بالضرر عليها ومن بعد يرجع لوالديها.
3 - الصحبة السيئـة : الكل منا يعرف بلي الانسان عنده اصحاب وصاحبك اقرب من الوالدين في اوقات تحكي ليه كلش والسؤال الي ممكن تتحرج باش تساله لخوك ولا امك بينك وبين صاحبك عادي ....
وماشي كي الصاحب الطيب كي الرديئ عفانا الله منهم ...
يقول المثل خوك خوك لا يغرك صاحبك .
صاحبك الماشي ناس ملاح يديك للهاوية ويحاول ديما يديك معاه لانه هو فاشل وكاره يكمل معاه الباقـي ...
4 - الظروف المعيشية في المجتمـع : قد تكون اسباب الانحدار وجود مشاكل عائلية ولا البنت تكون محتاجة الى غير ذلك تقدم على أفعال مش مليحة باش توفر حاجياته ...
زيد تشوف في الجامعة اللبسة تاع البنات كيفاه وراكي تعرفي ممكن اكثر مني لاني مانيش جامعي حتى هي لازم تلبس كيفكم تقلك ويبدا الشيطان يوسوسلها في راسـها ....الخ .
​

و ماهي الحلول و النصائح لي قادرين نمدوهم باش نحدوا من هذه الظاهرة و باش نفيدوا خواتتنا الضالات و نرجعوهم للطريق الصحيح...

والله نقلك حاجة النصائح هوما أدرى بيها لكـنهم غافلات عليها
لازم تكون شوية توعية اعلامية في التلفاز والخ بهذه الظواهر والانفلات اللآخلاقي لبنات الجامعات ويدرس حالاتهم بطريقة مستمرة ....الخ
الرقابة مكانش الدنيا الكل سايبة لازمهم يزيروا شوية !!!
البنت تشـد طريقها ودير ربي في بالها والي ماهوش ليك غير يزيد عليك
يقلك شوف لكرعيك ماتشوفش بعيد
واذا كانت نيتك صافية وانسانة طيبة ربي رايح يبارك فيك باذن الله
يبعدوا على الرفـقة السيئة وفي هذه الحالة عينك ميزانك مايلعبهاش واحد روحه راه غافل :glare:
​

مشكورة أختي لتطرقـك لهذا الموضوع الحساس
جزاك الله خيـرا
ربي يصلحـ أحوال فتيات الجزائر فهـن كالزهـر ذي الرائحة الطيبة ههههه نشكروهم شوية على ماأظن ثاني انو مكانش واحدة تكون نيته جزائرية ونيته وفي قلبها فساد لهذه الدرجة مرحلة غفلـة وتروح باذن الله هذه السلوكات برك من عدة تأثيرات كما سبق وذكرنا وان شاء الله الوالدين ثاني يهتموا بفتياتهم أكثر والآمهات يوصوا بناتهم ويتهدوا الى الطريق الصواب
---------------------------

​

 

[.khadidja.]

تسلمي قلبو على الموضوع القيم


تحياتي

 

[جزائرية فور]

ايه موضوع شباب بزاف
وش نقلكم انا في الاقامة الجامعية محمد الصديق بن يحيي بالخروب
على الرغم من انهم يقولو انها اقامة ولا اروع الا اني مارانيش نشوف في الروعة في داخلها
سيرتو من وحدة الطفلة يسموها سمية الجيجلية ربي يهديها من الفوق نص خمار ومن تحت ميني
يا ربي واستر
توجور نقول لصحاباتي كاش مرة من جرتها تتزلزل بينا الاقامة
ربي يحفضنا قع ويهديها يااااااااارب

 

[MOHGOSTO1]

السلام عليكم ورحمة الله وبركاته ... بارك الله فيك الاخت * من الماضي * على طرحك

لمثل هذه المواضيع ، والتي هي في الحقيقة تخص كل واحد منا من قريب كان او من

بعيد تماما مثل الذي تفضلت به ، واذا بدينا في الأسباب فهي لا تعد ولا تحصى أما عن

الحلول وش راح نقلك أول حاجة ربما هي الدعاء بالهداية لأنك باه تخرجي البنت مما

هي فيه مش امر ساهل لأن الامور خرجت عن النطاق... لكن الواحد ميفقدش الامل

يحاول ينصح ويوعي بأي طريقة لي يقدر عليها ...أنا هذا رأيي والله اعلم .
قال تعالى: {مَنْ عَمِلَ صَالِحاً مّن ذَكَرٍ أَوْ أُنْثَىَ وَهُوَ مُؤْمِنٌ فَلَنُحْيِيَنّهُ حَيَاةً طَيّبَةً وَلَنَجْزِيَنّهُمْ أَجْرَهُم بِأَحْسَنِ مَا كَانُواْ يَعْمَلُونَ} [النحل: 97]
وقال أيضا :
{وَلْتَكُن مّنْكُمْ أُمّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُوْلََئِكَ هُمُ الْمُفْلِحُونَ}[آل عمران:104]
تقبلي مروري الاخت ** من الماضي ** وشكرا ... بالتوفيق

 

[PublIsheR2]

يا لطيف من كوشمار الاقامة الجامعية
شفنا العجب في هذيك الجامعة بصح واش رح نقلكم
حتى الاباء اللي يطلقو بناتهم و يعملو فيهم الثقة العمياء ما همش آباء تاع الصح

 

[من الماضي]

السلام عليكم...حقيقة الاسباب لي ذكرتوها كاين منهم كل من الوالدين المجتمع الظروف الصحابات و حتى نفسها مسؤولين على تغير الفتاة ...نرجو من الله الهداية لكل بناتنا الضالات و الله على كل شيء قدير.

 

[طارق القبطان]

أولا يجب أن أجرح في هذه الفاجرة التي تعمل ما ذكرتيه كيف لا أجرح إنها فاجرة
أما عن الأسباب
-انقلاب المفاهيم لدى شبابنا وفتياتنا ،يعني العار والرذيلة والمشية أصبحت عادية بالنسبة لتفكيرهن
-التأثر والتقليد الأعمى للغرب
-نحن نحصد نتائج 20سنة من المسلسلات المدبلجة
-بنت الإقامة الجامعية وجدت هامش كبير من الحرية لفعل ما يحلوا لها
- أما السبب الرئيسي هة التمرد على تعاليم الشرع واعتباره تقييدا وظلما للمرأة

 

[أمــ وليــد الجزائرية]

اولا نشكرك على هذا الموضوع القيم
انا مزال مادخلت الجامعة لاكن خوتاتي جازو منها وشافو كل هذه الضواهر و للاسف كل ماتتكرر وتزيد و انا نضن ان بعض البنات غير انهم دخلوا هذا العالم لعدة اسباب منها المشاكل الاسرية لهذا نطلب لربي يهيديهم و يرجعهم لطريق الصواب و ثاني الوالدين و الله معضم الجزائرين كي تدخل بنتهم للجامعة ينساوها قاع ولا مرة ايقول نضرب طلة للجامة ونعرف اخبار بنتي وهذا ماجعل الحرية للبنات تزيد و تكثر وهذا ماشي مليح المهم انشاء الله يتغروا و يتبدلوا ماكان مانقول ولا ندير غير ندعي لربي يرجعم لطريق المستقيم و يبعد اعلينا كل هذه الامور يارب العالمين​

 

[zola_ta]

السلام عليكم ورحمة الله و بركاته

أختي في رأيي أن الطفل الصغير كالصفحة البيضاء يعني تكتب عليها ماتريده (ازرع ينبت كيما نقولوا)، فاذا تربت الفتاة على الدين و الأخلاق منذ صغرها و على مخافة الله عز وجل أقول مخافة الله و محبته و ليس مخافة الوالدين أو الأقرباء أو ملااعاة لأعين الناس فقط لأنهم فانيون أما أعين الله فدائمة ، فاذا كنا نراعي نظر الله الينا في كل مكان و أي زمان فلن نقع في الخطأ و لن نتجرأ على انتهاك حرمات الله ، أما اذا كانت تخاف من نظرات الناس أو من أهلها فسوف تتمرد في أول فرصة تقع بين أيديها ، أما عن الحلول ففي رأيي أن الانسان اذا شب على شيء شاب عليه فليس من الممكن تغيير قناعات الناس بكل سهولة أو اعادة تربيته من جديد ...

شكراااااااااااا ألف شكر أختي على طرح الموضوع المهم جدا خصوصا في هذا الوقت

بارك الله فيك​

 

[من الماضي]

السلام عليكم ورحمة الله و بركاته ​

أختي في رأيي أن الطفل الصغير كالصفحة البيضاء يعني تكتب عليها ماتريده (ازرع ينبت كيما نقولوا)، فاذا تربت الفتاة على الدين و الأخلاق منذ صغرها و على مخافة الله عز وجل أقول مخافة الله و محبته و ليس مخافة الوالدين أو الأقرباء أو ملااعاة لأعين الناس فقط لأنهم فانيون أما أعين الله فدائمة ، فاذا كنا نراعي نظر الله الينا في كل مكان و أي زمان فلن نقع في الخطأ و لن نتجرأ على انتهاك حرمات الله ، أما اذا كانت تخاف من نظرات الناس أو من أهلها فسوف تتمرد في أول فرصة تقع بين أيديها ، أما عن الحلول ففي رأيي أن الانسان اذا شب على شيء شاب عليه فليس من الممكن تغيير قناعات الناس بكل سهولة أو اعادة تربيته من جديد ...​

شكراااااااااااا ألف شكر أختي على طرح الموضوع المهم جدا خصوصا في هذا الوقت​

بارك الله فيك​

و فيك بركة اختي...كيما قلتي من شب على شيء شاب عليه عندك الحق و لكن اذا رضينا بهاذ المنطق رايحين نشوفوا الباطل و نسكتوا عليه و فهاذ الدنيا ما كانش مستحيل و كاين بنات ضائعات و بحاجة الى نصيحة وحدة و يولوا لطريق الصواب لانه فحياتهم ماكانش لي يهتم بيهم...و لو نديروهم كيما خواتاتنا رايحين نبقاو معاهم حتى يتسقموا لانه ماكانش لي يقبل على ختوا حاجة ماشي مليحة..صح ولا راني غالطة

 

[zola_ta]

و فيك بركة اختي...كيما قلتي من شب على شيء شاب عليه عندك الحق و لكن اذا رضينا بهاذ المنطق رايحين نشوفوا الباطل و نسكتوا عليه و فهاذ الدنيا ما كانش مستحيل و كاين بنات ضائعات و بحاجة الى نصيحة وحدة و يولوا لطريق الصواب لانه فحياتهم ماكانش لي يهتم بيهم...و لو نديروهم كيما خواتاتنا رايحين نبقاو معاهم حتى يتسقموا لانه ماكانش لي يقبل على ختوا حاجة ماشي مليحة..صح ولا راني غالطة

لا لا ما راكيش غالطة عندك الحق ، بالاك أنا غلطت في هدرتي بصح كان قصدي باللي صعيب باش تنصحي أي واحدة ادا كانت صحبتك بالاك تعرفي عقليتها و كيفاش تخمم و تقدري تنصحيها على حسابها ، بصح ادا كانت بعيدة عليك ما تقدريش خاصة في الوقت الحالي تقولك ما توريليش صلاحي و كل واحد و قبرو و تلقايها تعرف الدين بالاك كتر منك ، بصح لاحياة لمن تنادي ، و جابلي ربي لازم تعرفي طريقة تفكير البنت باش تعرفي الطريقة اللي تنصحيها بيها ...

بارك الله فيك أختي و عجبتني بزاف روح النقاش اللي عندك ، هكا نحب مواضيعنا تكون و تكون فيها آراء و آراء أخرى ....
جزاك الله ألف خير​