غلاء المهر .. بين عزوبية البنت .. وحيرة الشاب

[bnbnbilal]

السلام عليكم كيما تغلى لمعيش يغلا مهر تاع المراة مالا نتا مثلا راح تمد اختك باطل يخي هيا تاني تتمد بدارهم و قادر اختك تمد غالية و عادي و لا لفليكسي و حوايج اخرين تقدر عليهم و كي تلحقو للمسؤولية و زواج تقول مهر راهو غالي كيما تحب لختك تحب لبنات الناس اللهم اهدينا

 

[fidou]

لازم تسلك باش نهار تحب تلعب تتفكر واش خسرت و تحرم ....:thumbup1:

 

[moriroo]

يا خوتي أنا اللي تشرط عليا تريح في دار باباها

ومادامنا بعدنا على ديننا نشربو ونسكتو

أما الحل
فانا أقول لكل العالم وكل مشكلة فيه كبيرة كانت أم تافهة
عندما أحمل كتاب الله وسنة رسوله عليه الصلاة والسلام
فأنا قادر على حل كل معضلة في العالم بمشيئة الله
وأتحدى كل العالم

 

[Moha le sage]

بارك الله فيك على الموضوع
انا برايي الي حاب يزوج يسلك المهر تاعوا بالكريدي

نورمالمون الدولة تعاونو ولا احبابو ... بصح الوقت تبدل و راحت النية من لقلوب

تعيش ياسيرو خويا

 

[Moha le sage]

الي عندوووووو يقول بسم لله ولي معندوش يبعد لوووووور هدي هي دنيااااا
الوقت الي رنا عيشين فيه يقول هكدا وعلاه يرمو بناتهم هكداك
وكاين لغالين وكاين نورمال
وتقبل مروري اخي الكريم

كل هاذا واش يسوى صحيح ... بصح كي ولي كلش غالي ... كيفاه نتزوجو حنا .. نديرو قرض من عند البونكا ؟؟؟

يعطيك الصحة على مرورك مليكة

 

[Moha le sage]

الله يحسن عوننا و يهدي أولياء الأمور لي يطلبو لغلا.أنا في العرش الي أنتمي اليه تم تحديد سقف المهر ب 6 ملايين ما كانش كثر.

والله غير مليحة هاذ الحاجة وتشجع الناس كامل يتزوجو ... خسارة مهيش بارتو العفسة هاذي

ربي يخليك يا خويا

 

[Moha le sage]

مزال مرديتش على كامل احبابي اعذروني

نولي ليكم من بعد هاذا وعد مني بربي ان شاء الله

 

[Moha le sage]

لازم تسلك باش نهار تحب تلعب تتفكر واش خسرت و تحرم ....:thumbup1:

القضية مهيش قضية يلعب ... يختي فيدو الزواج راهو نصف الدين

وماشي الناس كامل تلعب

 

[Moha le sage]

مشكورين على ردودكم

 

[noureddin]

ما فهمتش

واش ندير وا من حقهم إغلوا.
ومن حقنا أنخلوا .
-وتقدر تقبل بيك وبعد5سنوات ترفضك .
-وتقدر تقبل بيها وبعد5سنوات تخليها .ولكن قد تلزم بالتعويض إن رفعت عليك دعوى.

المهم الحالة خصها شويا نضام......كي نجي نشوف مان فهم والوا.

 

[Moha le sage]

ربي يسترنا برك و يطفي هاذ النار

رانا رايحين لوحد الظواهر يالطيف

 

[ichrak]

البنات هوما سبب كل هذا تحساب في روحها ملكة فب الحق ترفق شوية على الخطاب باش ميهربش علاها وكي يتزوجوا تو يشري ليها كل شيء.

 

[طبيب الإمارات]

الله يعين الجميع

بالامارات أصبحت المهور تصل إلى 100 ألف الآن !!! ( 30 ألف دولآر تقريباً أو أكثر )

نعم هي مناسبة للغالبية ولكن هناك فقرآء أيضاً لا يستطيعون دفع كل هذا

شيء غريب صرآحة قد تؤدي لضياع مجتمع بأكمله

الإسلام أوصى بترخيص المهور وللكن للأسف النآس يعملون بالعكس

الجشع ورآء الاموال وصل إلى الامور الزوجية !!!

لا حول ولا قوة الا بالله

أشكرك عزيزي على طرحك وفقك الله ورزقك زوجة صالحة ^^

 

[حنين الروح+]

والله اخي محمد مشاكل الزواج كبيرة واما غلاء المهور راهي تنوعت
اولا البنت تقلك حكاية زوخ برك تقلك ماشي فلانة شرطت هكا وانا منشرطش
او تقلك خلي نغلي عليه باش يعرف قيمتي
واخرى تقلك عاداتنا هكا
وسيرتو الذهب راهو ولى فتنة وحدة مسكينة تروح لدار زوجها بمحزمة 20 مليون ولا متتزوجش هاذا كل فكاير النساء الشواطين كلشي منهم لبلى كل منهم
والراجل على جال الشروطات يقعد ل40 باش يتزوج يضحي بكلشي بحبيبتو واهلو يروح للخارج يهج علجال مستقبل مليح
والبركة في القليل الراجل هو الي يقعد يامى ناس غنية وماهيش متهنية الهنى في لقلوب ماشي في المال

 

[souss]

يعطيك الصحة خويا على طرح هادا الموضوع و أنا نشوف باللي السبب الحقيقي هوما البنات يديوها في رواحهم و خاطر هوما مدللين و غاليين على والديهم يلهطولهم على راحتهم و البنات يطلبو لغلا و كون الوالدين يخمو بالمنطق يلهطو لبناتهم على الصلاح خاطر كي يحبو يزوجو طفل ما يقولوش أو عندو ....... يقولو مربي و خدام و تاع روحو ووووووو

أنا هادا رايي