أهم انشغالات جيل 2009

[RaNiA]

نظن هذي لي تصلح ههه
شراء سيارة فاخرة او موبايل او دراجة نارية :yahoo:

 

[*ليديا*]

كاين انشغالات لكن قليلة البطالة سيدة الموقف .... تم التصويت شكرا

ربي يوفقك اختي للي فيه الخير
مشـــــــــــــــكورة على المرور بارك الله فيك

 

[*ليديا*]

سلام كل واحد والاهتمام تاعو لكن اعرف شيئين مهمين هما الاهتمام بطاعة الله والحرص على ان نعمل ما امرنا به الله والحرص على النجاح فالدراسة .
وهذين الامرين يوفران كل شيئ في الدنيا والاخرة باذن الله

مشكورة على الموضوع

وعليكم السلام
عندك الحق اخي بارك الله فيك
وجـــــــــــــــــــزاك الف خير
مشكور علىالمرور الرائع

 

[*ليديا*]

1- النجاح في الدراسة او العمل ؟:glare: - التصويت 5%
ههههههههههه زعما برك

ربي ينجحك ايمان
بارك الله فيك مشكورة على المرور
هههههههههه هذي البداية ومزال مزال

 

[*ليديا*]

انشغالات الجيل الحالي :​

والله العظيم وسامحوني انا بوكم جيل 2009 فارغ شغل ماهوش معمر راسو غير بالmp3 والفلاش ديسك والكوبة والحطة والهدة والمتيريال والمعيشة في الهبال . هذا راي اولي يقوله اي شخص تطرح عليه السؤال ولكن للسؤال عدة شقوق .ويحتاج لتهذيب وتعديل .
شوف الجيل الحالي متعدد الاطياف ولا تستطيع حصره في اطار وحيد حيث انه لكل انشغالاته فالمتعلم ليس كالامي والعامل ليس كالبطال والنشيط ليس كالكسول والحالم بتغيير وضعه ليس كالراضي بوضعه .
يعني انشغالات مختلفة ولكن السؤال يكون ماهي نسبة الاشخاص الذين لهم اهتمام بتغيير محيطهم .يعني ان يكون لديك شاب يعمل ويكد ويجتهد على تغيير حاله بطبيعة الحال وايضا المحيط الذي يعيش فيه وهذا هو مربط الفرس ان تغير من معيشتك الى الاحسن فهذا جميل ولكن الاجمل والافيد لبلدك ودينك وامتك ان تعمل على تحسين من حياة من حولك واعانتهم وتلبية حاجياتهم وتطويرهم وتعليمهم وتثقيفهم ...الخ من الاعمال الحميدة هذا هو الجيل الذي نرغب به ونتطلع له.
طبعا هناك نوع في هذا الجيل سقط في فخ الامبالات وسياسة النعامة التي تغرس راسها في التراب للهروب من حقيقة المواجهة وهذا النوع يجب مد يد العون له والاهتمام به اكثر لانه هو العجلة المثقوبة التي تعيق التقدم عذرا على التعبير ولكنها الحقيقة وانا القي اللوم على الشباب المتحضر والمتعلم والمثقف الذي يهتم بنفسه ولا يلقي بالا بمجتمعه ولا يمد يد العون لاقرانه ويكتفي بالنقد والذم في حين انه هو الالى بالنقد والذم لانه انسان اناني وغير اجتماعي .لا اذهب معكم بعيدا في النقاش حتى لايضيع المحتوى الحقيقي فارجو عدم قذف قنابل الذم والشتم في هذا الجيل وترك محاسبة النفس اولا .
انا ارى ان هذا الجيل بحاجة فقط لالتفاتة ودعم .قارن فقط بين الامكانيات والتوجيهات التي تعطى لشباب الغرب وبين شباب العرب والعالم الثالث على العموم يعني ان تغرش بذرة فاسدة فلا تنتظر ان تجني ثمرة صالحة وهذا ما حصل ومازال يحصل للاسف فس بلداننا خصوصا الجزائر التي ضيع فيها هذه الفئة اكبر ضياع فلا ننتظر اكثر مما نعمل .

ملاحظة بسيطة : انا عندي شاب لا يعمل ولا يدرس وهندامه غير منظم وليس لديه اي شيء ولكنه يجمع شباب الحي وينشط معه في كرة القدم او اي رياضة احسن الف مرة من شاب مثقف متعلم يركب اخر طراز من السيارات ويحمل لاب توب ولكنه لا يهتم الا بنفسه ويغلق بابه على نفسه لا ينفع ولكن يظر بلده وامته .والله اعلم وشكرا سامحوني على قلة الادب . ​

مشكور خويا على المرور
موفق بإذن الله بارك الله فيك

 

[*ليديا*]

نظن هذي لي تصلح ههه
شراء سيارة فاخرة او موبايل او دراجة نارية :yahoo:

ان شاء الله يارب يتحقق انشغالك
كلش مبروك اختي رانيا
مشـــــــــــــكورة اختي على المرور بارك الله فيك

 

[الناصر صلاح الدي]

كي نتخرج نلقى خدمة باهية و الباقي راهو يجي بالوقت

 

[*ليديا*]

كي نتخرج نلقى خدمة باهية و الباقي راهو يجي بالوقت

ما شاء الله
بارك الله فيك اخي كلامك صحيح
ربي يوفقك ان شاء الله

 

[poli]

موضوع رائع و متميز.........شكرا عندي حاجة اهم من هذوا لكن في المجال العملي
مشكورة..........

 

[نجاة40]

اولا الدراسة والخدمة هاد العام نكمل انشاء الله
ثانيا كيما كل طفلة تحلم تتزوج وتكون اسرة

 

[*ليديا*]

اولا الدراسة والخدمة هاد العام نكمل انشاء الله
ثانيا كيما كل طفلة تحلم تتزوج وتكون اسرة

مساء النور ،اهلا اختي **نجاة**
الله يبارك العام هذا تكملي ان شاء الله ربي يوفقك
موفقة أختي يعطيك الصحة

 

[*ليديا*]

موضوع رائع و متميز.........شكرا عندي حاجة اهم من هذوا لكن في المجال العملي
مشكورة..........

مرورك اجمل أختي يعطيك الصحة
ربي يوفقك ان شاء الله
بارك الله فيك

 

[zola_ta]

طبعا اهتمامي الأول نكمل قرايتي ( les septs ans ربي يقدرني ) و نحقق حلمي باش نولي طبيبة أطفال ان شاء الله ... و طبعا تكوين أسرة سعيدة :001_wub:

و ربي يوفقك حبيبتي ليديا

بارك الله فيك ​

 

[*ليديا*]

طبعا اهتمامي الأول نكمل قرايتي ( les septs ans ربي يقدرني ) و نحقق حلمي باش نولي طبيبة أطفال ان شاء الله ... و طبعا تكوين أسرة سعيدة :001_wub: ​

و ربي يوفقك حبيبتي ليديا ​

بارك الله فيك ​

اهلا اختي **zola-ta**
باين تحبي الاطفال ،ربي ان شاء الله يكون في عونك وتحققي حلمك .
وتكوني اسرة سعيدة ان شاء الله
أميـــــــــــــــــــــــــــن يا رب ويوفقك .
وفيك بركة يعطيك الصحة .
les septs ans مكان والو قدام إرادتك يعدو بالخف ان شاء الله ونشوفوك طبيبة.
مشكورة على المرور الجميل .

 

[اجمل زهرة]

انا راني مشغولة بالقراية

و السيارة الفاخرة :scared: من بعد اجي هههههههه

و الزواج مازالو بعيد

ميرسي اختي على الموضوع ​

 

[*ليديا*]

انا راني مشغولة بالقراية ​

و السيارة الفاخرة :scared: من بعد اجي هههههههه​

و الزواج مازالو بعيد ​

ميرسي اختي على الموضوع ​

يعطيك الصحة اختي **أجمل زهرة** القرايا أهم .
ان شاء الله يا رب .
ربي يوفقك للي فيه الخير
بــــــــــــارك الله فيك
مشكورة على المرور الجميل .

 

[fifi ken]

انشغالي هو اني نكمل قرايتي و نتهنا خاتر اني قلقت منها و من بعد كلش يجيء بربي انشا الله كيما نخدم هههه نشري السيارة الي انا حابتها.

 

[*ليديا*]

انشغالي هو اني نكمل قرايتي و نتهنا خاتر اني قلقت منها و من بعد كلش يجيء بربي انشا الله كيما نخدم هههه نشري السيارة الي انا حابتها.

ربي ينجحك ان شاء الله
وان شاء الله تشري السيارة الي تبغيها
مشكورة على المرور الجميل

 

[عاشق الوفاق 1]

بارك الله فيك
لقد صوت

 

[bilal_bou]

مشكووووووووووووررر



​