... والله لن أتزوج جامعية حتى ولو لم يكن في الأرض غيرهن

[فؤاد الورقلي]

السلام عليكم

يا خويا كل مكان فيه الصالح والطالح
ولن نستطيع ان نهتم اي بنت بفعل شي من غير دليل
واتهام بنات الجامعة بدون دليل هذا اعتداء عليهم

نسأل الله ان يصلح ويهدي شباب وفتيات المسلمين

شكرا وفقك الله

 

[mariouma]

خسارة بنات لحرام فسدو على بنات لحلال

 

[young_gang]

خسارة بنات لحرام فسدو على بنات لحلال

100.000 +
:biggrin:
​

 

[bakr]

السلام عليكم و رحمة الله تعالي وبركاته
انا عضو جديد في هذا المنتدي الجزائري الهادف وصراحة لم اكن اربد ان تكون مشاركة الاولي عبارة عن رد علي احد المواضيع و لكن ومدام الموضوع متميز عن غيره من المواضيع من حيث فحوي الطرح فلا بأس
اولا اخي الفاضل شكرا علي التطرق لهذا الطرح اما بعد
الزواج ضرب وطرح ولكن قبل كل شئ هو قسمة فقد كتب لك انك انت يافلان لي فلانة
فاما ان تكون الفتاة جامعية او تدرس بالثانوية او المتوسطة فهذا لا يهم ,صدقني ان كل مايهم هو معدن الفتاة اي اصلها وتربيتها و قبل كل شئ دينها قال عليه افضل الصلاة و السلام(اضفر بذات الدين تربت يداك ) ونصيحة لك اخي لا تفتش كثيرا عن ماضي الفتاة "ولاحظ اني قلت كثيرا"حتي لا تفهمني غلط اخي ,اخي مايصبو اليه المسلم في هذه الحياة ثلاث اشياء "الزوجة الصالحة,البيت الواسع ,المركب المريح" يحق لك اخي البحث عن الزوجة الصالحة ولكن لا يحق لك بتاة ان تقول بان الجامعيات غير صالحات للزواج ابدا الا ان كنت اخي تشق عن القلوب و تري مافيها وعذراعن الاطالة وعليكم السلام ولرحمةالله تعالي وبركاته[

 

[باحثة عن السلام]

كيم تحب خويا على راحتك
اي مكان فيه المليح والحاير

 

[العاصمية1]

هاد ماشي كامل هدرة يا خويا و اش بيهم بنات الجامعة ؟؟؟؟؟؟؟؟؟؟؟؟؟؟

انا جامعية و نقرى في بن عكنون تاني والحمد لله التربية جات من عندهم
وصباعتين يديك ماشي كيفكيف جابلي ربي
ولا نتوم الدورو مع بنات الاقامة الجامعية و الاصناف للي الله يبارك عليهم و تشوفو صنف واحد و تحكمو على الاخريات بطريقة انانية اومبعد تقولو بنات لافاك ماشي ملاح :angry:
هاد بعيدة عليكم
بنات الجامعة مستوى و تربية

وللي قال ناقصين تربية ننصحو نصيحة يروح يشوف طبيب ​

ماتقلقيش روحك ختي لي هدر هاد الهدرة يروح يداوي .... جميع واحد يقول هاد الهدرة أعرفي بلي كاش وحدة رماتلو لما...و خرج زعافو في بنات الجامعة واش بيهم بنات لافاك قارين و فاهمين و عقلية ....

 

[youba115]

كل واحد ورايه مايهمش المستوى الدراسي المهم التربية

 

[هشام مادي]

ماتقلقيش روحك ختي لي هدر هاد الهدرة يروح يداوي .... جميع واحد يقول هاد الهدرة أعرفي بلي كاش وحدة رماتلو لما...و خرج زعافو في بنات الجامعة واش بيهم بنات لافاك قارين و فاهمين و عقلية ....

يااختي معلابليش لا ركي تقراي فالجامعة ولا لا روحي شوفي 98 بالمائة من بنات داخل الجامعة تلقايهم حاكمين الخارج تحت الشجر ورا الحيطان على ديك ضرني راسي من بنات الجامعة.

 

[عاشقة الوفاق]

واش بيهم الجامعيات كيما كاين الطالحة كاين الصالحة وانت ما تشوفش من جهة واحدة برك .وزيد في وقتنا هاذا ولات الجامعية والامية كيف كيف

 

[صفية الروح]

مع اني لست جامعية الا اني ارى ان المشكل ليس بفتاة الجامعة بل نظرة الشباب والمجتمع لها بصفة عامة لماذا هذه النظرة القاسية وهذا الظلم في حياتنا العادية مثلا النت هذه هل كل شيء بها جيد ولائق طبعا لا اذن لماذا نرى الجامعة مكان غير مرغوب به وكل فتياته غير لائقات والله عيب هذا التفكير والعيب الاكبر من اناس متعلمين وهذا الشخص ان لم يكن لك اخوات في الجامعة فسيكون لك في المستقبل بنات هل سيحرمهم منها

 

[lina18258]

يا جماعة القضية قضية مبادئ واخلاق ولا علاقة للجامعة بالموضوع
ماشي كامل صباعتين يدك كيف كيف
المهم الواحد يعرف يختار انا مانيش ندافع على روحي وعلى الجامعيات مي كل حاجة فيها المليح وفيها الدوني وكل واحد يدي على قد نيتو انشاء الله

 

[karim073]

صلوا على محمد يا جماعة

( اللهم صلي وسلم على سيدنا محمد واله وصحبه اجمعين )

ذركا حرام نجملوا بسكو لهنى يسمى قذف في المحصنات

و زيد كيما قالت الاخت ماشي الكل كيف كيف صباع اليد ومختلفين

و انما الواحد يشوف بنت لحلال و الجامعة فيها الي يفرحوا وفيها بنات الاصل

و ينوي خير وان شاء الله مايكون غير الخير

و ماتعيا ياخويا خاطب وعارضنا و الحمد الله

 

[أميرة العيون]

طبعا وحدة أمية و لا أقل مني في مستوى التعليمي ​

هههههههه​

يا خي ناس كامل علابالهم ...بنات الجامعة ميديروش الخير !!!:wink:​

رانا عايشين و و رانا نشوفو :blink:​

شوف صباع يديك ماش كيفكيف اشوف لناس كامل ماشي كيف كيف حتي الجامعيات ثاني فيهم لي بنت فاميليا امتربية افيهم لي خارجة من الطريق والله ربي يهديكم ساعات تكتبو مواضيع بالفعل ما عندها حتى معني و انت اخي نقولك ما تعمميش الحمد لله انا جامعية انفتخر كوني كذلك

 

[titou_le_roi2009]

الله غالب ...........................نحب بلادي

والله كل بلاصة فيها المربية بنت الفاميلة والقبيحة بنت .... المهم كل واحد ومكتوبوا ممكن يجيب وحدة ماقراتش في الجامعة بصح يلقاها دايرتها كحلة :glare: أمالي خلو عليكم بنات الجامعة مع أني واحد من الناس لوكان نحكيلكم على واش راه يسرى في الجامعة والاقامة نتاع البنات في وهران تشدو في ريسانكم
الاقامة تحسب كاباري ماشي مكان يضم نخبة المجتمع
بصح هدا ما يعنيش أن قاع البنات كيف كيف

 

[امل قمار]

الله لا تزوجت ان شاء الله
الجامعيات ماراهومش يسنو فيك
كيفاش عرفتهم ماشي ملاح وماشي بنات فاميليا على خاطر قبلو يهدرو معاك كاين آلاف من الجامعيات بنات الفاميليا ما يقبلو يهدرو حتى مع واحد صراتلك هاذي ولا والو اكيد صراتلك.​

 

[hanen master 2]

رد حق الجامعية الشريفة فقط

salem 3likom awaln malazemch tohkem 3la aness wa tkol aljami3iyet mechhjom mleh 3leh lakhater fihom wa 3lihom keyn li matrabia wa keyn li ...........
alors kol wahda masoola 3la rohha c tout

 

[joura]

Salem

oui ma tediche jami3ia mais c'est qui la personne qui te dis beli li machafeteche la fac rahi khir men les autre........ peux être elle est pire..... fi balake 3lahe raha habessate les etudes ??????!!!!!! wala ta pas posee cette question
moi je trouve que fi ay belassa teleka lemlihe w l9bihe kima les garçons kayanne haka w haka les filles aussi

​

 

[اماني62]

هذا واش حرقلكم قلوبكم غير بنات الجامعة يا اخي عسى ان تكرهوا شيئا وهو خير لكم انت حكمت على نوع معين من البنات او رايت صنف معين خلاك تعتقد ان كل الجامعيات من نفس المستوى كاين بنات جامعيات ماشاء الله في الحشمة والاخلاق ولا زعمة لي مقراتش فيها الخير؟ ولا كما قال لمثل كي ملحقتوا للعنبة قلتوا قارصة؟؟؟؟؟
وما تحكم حتى تعاشر

 

[العاصمية1]

الله لا تزوجت ان شاء الله​

الجامعيات ماراهومش يسنو فيك

كيفاش عرفتهم ماشي ملاح وماشي بنات فاميليا على خاطر قبلو يهدرو معاك كاين آلاف من الجامعيات بنات الفاميليا ما يقبلو يهدرو حتى مع واحد صراتلك هاذي ولا والو اكيد صراتلك.​

هادي هي الهدرة .... ونزيدلك حاجة لي مالحقش للعنب يقول قارص .....:glare:

 

[djillo20]

انا ندي وحدة امية
متعرف والو حتى الخدعة ماسمعتش بيها ههههههه
دي فوا تبغي تبات برا و يعيتولك على الوحد تاع الليل تنجم تخرج هههههههههه