ممكن رأيكم اذا سمحتو

[da3boulla]

السلام عليكم

اليوم حيرتني واحد الحاجة جات في بالي فجأة
بزااااف بنات في مثل سني مدارين علاقات مع شباب و فرحانين و انا متأكدة و متيقنة انهم غير يتمسخرو بيهم بصح حبيت ننصحهم و ماقدرتش يسكتوني غير كي يقولولي بلي الشباب قالولهم "يحبوهم" بصح مساكن ماهمش فايقين بالتمسخير
حبيت ناخذ رايكم في هاذ النوع من الحب مشروع فيه ولا لالا ا اللي يسموه حب المراهقة

تحية لكل اعضاء المنتدى
سلام

 

[mustapha158]

14 سنة أظن أن هذا سن جدا حساس حيث يكون فيه الشخص ينتقل من مرحلة الطفولة إلى المراهقة فيشهد عدة تغيرات على المستوى الجسدي والفكري لذلك من الأجدر أن تكون رقابة أبوية ومن المعلمين ومن كل المحيطين أما موضوعك فالولله شيء يحير في هذه السن يجب التركيز على الدراسة والتحصيل العلمي أنا نقلك رأي يجب أن تنصحيهم وتحذريهم من العواقب كرهيهم بالنصائح ليل نهار ,غن لم يؤتي نتيجة يجب عليك إخبار إحوتهم البنات ولو بطريقة غير مباشرة لأن النتائج راح تكون كارثية لأن البنت راح ترتبط عاطفيا وتتعلق بيه وراح تبني أحلام وهمية لأانها صغيرة ومحدودية تفكيرها ورؤيتها للمستقبل ليبقى هذا
مجرد رأي

 

[drissemed]

اختي انتي لا تعلمي ماذا يوجد في داخل قلب الانسان
و اقول لك ان الحب مازال الموجود
ربما هذي لي اخبرتك انه يحبني
راهو يحبها صح و بجد
فيوجد بعضهم يحبو و لديهم إحساس و مشاعر الصادقة
هذا مجرد الراي بسيط
على الفكرة على الأقل تكتبي البعض و ليس كلهم
هكذا كي لا تجرحي مشاعر الأعضاء
و أنا من بينهم إنجرح قلبي عندما رأيت الموضوعك
لا علينا
و اسف في كلامي هذا كله

​

 

[sousou-7]

السلام عليكم و رحمة الله تعالى و بركاته شكرا اختي على الموضوع و نقولك اخي دريس عندك الف حق كاين و كاين بصح الوحدة حتى و لو تعرف انو يحبها متتعلقش بيه حتى تتاكد يعني حتى و لو بقات معاه على اساس انها تحبه و متقدرش تستغنى عنه بصح يبقو حوايج اخرى في حياتها اهم و في هاد السن لازم تخمم بعقلها ماشي بقلبها حتى تفوت هاديك المرحلة و يوقعولها حوايج متكونش تستنى فيهم تماك تعرف واش كاين في هاد الدنيا بصح لازم ياخدو حدرهم بزاف بزاف على خاطر الطفلة ضعيفة و هاد رايي تقبلي تحياتي حنونة.

 

[02asma02]

هدا راه غير حب المراهمة ماكانش كامل منو مرحلة و تعدي

 

[da3boulla]

اختي انتي لا تعلمي ماذا يوجد في داخل قلب الانسان
و اقول لك ان الحب مازال الموجود
ربما هذي لي اخبرتك انه يحبني
راهو يحبها صح و بجد
فيوجد بعضهم يحبو و لديهم إحساس و مشاعر الصادقة
هذا مجرد الراي بسيط
على الفكرة على الأقل تكتبي البعض و ليس كلهم
هكذا كي لا تجرحي مشاعر الأعضاء
و أنا من بينهم إنجرح قلبي عندما رأيت الموضوعك
لا علينا
و اسف في كلامي هذا كله

​

والله ما فقت خويا كي هدرت هاذي الهدرة خطراكش عندي 2 صحباتي نموت عليهم و ندير المستحيل باش يعيشو فرحانين و كي شفتهم يحبو خفت لوكان يولي هاذ الحب غير تمسخير و هوما حساسين و ما يستحملوش هاذ المشاكل العاطفية
و صح عندك الحق نورمالمو نكتب البعض والله يا خوي مش قصدي
نتمنى انك تتفهمني

 

[etmeriem]

يا اختي الصغيرة انت و اقرانك ما زلتو صغار اهتمي بدراسك وجيبي الباك وبعدها تقدري ديري علاقات ان الحب في هدا السن يجعلك لا تهتمين بدراستك بشكل جيد و قد تندمين على دلك .انا مختصة في علم الاجتماع خدي بنصيحتي .

 

[moriroo]

السلام عليكم
والله زرت بالصدفة هذه الصفحات وعجبوني بزاف هـ المواضيع
وحبيت نقول كلمة
سواء البنت أو الولد في هذه السن يكونوا شعلة من الحيوية والنشاط والمشاعر
أنا مانقولش حب مراهقة برك ولا حب حقيقي
وكيما قولتو كاين وكاين و واخد مايقدر يمنعهم يحبو ولا يديرو علاقات
ومهما كانت النتائج في جزء من تجارب الحياة اللي كامل فتنا عليها
ولكن الأهم هو كل واحد فيهاد المرحلة يحاول مايخسرش بزاف وما يقمرش بكل رصيدوا
وإيدا طاح ينوض من جديد ويكتسب الخبرة
هادا وش حاب نقول
هااااااااااااااااااااااي

 

[ريم العرباوية]

موضوعك رائع وعندك حق في كلام الكل عمرو ما يخلق الحب في سن 14 الفتاة ممكن انها تحس روحها مشي غالطة كي راهي تحب وتخرج معاه مي لازم يكون حبها ليه في حدود وتفكر مليح ياترى هذا حبيبها يتزوجها وهي في سن 14 لا ومستحيل ومصراتش ونقولو راح يديها هل هو يعمل عندو منين يعيشها طبعا لا وهو مزال حتى مفكرش في الزواج.يعني كلها لعبة اذا كانت اللعبة بعيدة عن الجنس معليش لكن اذا كانت قريبة ضاعت حياتها .وانا نقلك ما تتقربيش منهم بزاف ممكن يحطوك في اشياء اخرى خلاص وتروحيش معاهم حتى المحل عندك اختك امك اطلعي معاهم مكلاه نقلك علاش انتي تعرفي بلي الغيرة تعمل كلشي .
يكفي انكي ذو اخلاق جميلة وبعيدة عن هموم حب سنك.

 

[drissemed]

والله ما فقت خويا كي هدرت هاذي الهدرة خطراكش عندي 2 صحباتي نموت عليهم و ندير المستحيل باش يعيشو فرحانين و كي شفتهم يحبو خفت لوكان يولي هاذ الحب غير تمسخير و هوما حساسين و ما يستحملوش هاذ المشاكل العاطفية
و صح عندك الحق نورمالمو نكتب البعض والله يا خوي مش قصدي
نتمنى انك تتفهمني

عندك لحق اختي تخافي عليهم

عادي أختي راني فاهمك ملييح

شكرا لك
​

 

[fazo]

انا منامنش بالحب يا drissemed ويااااااما قالولي .........عندك الحق اختي خليكي في رايك وشوووووووووفي رايهم كيفاه راااااح ميخرجش عليهم