اذا كان بوسعك تدير حصة في قناتنا اليتيمة ارواح احكيها لنا

[AMOUR.JPEG]

السلام عليكم يا اخواني

القنوات الفضائية كثرت و البيوت صارت تحتوي على 3 الى 4 اجهزة تلفاز + من 2 الى 3 هوائيات ( paraboles) و قناتنا الوطنية اليتيمة مقدرتش تساير هاذ التطور الكبير وهاذ الزخم الاعلامي

فصار الذكور يشاهدوها فقط في اثناء تمريرها للمقابلات المباشرة ( البطولة تعنا أو رابطة الابطال )

و الاناث يشاهدوها فقط وقت المسلسلات التركية و المدبلجة , و الكبار ينتظرو فقط في الثامنة لكي يشاهدو الاخبار

صحيح عندنا 3 قنوات لكنها للأسف قناة واحدة معاودة 3 مراة

لوكان باستطاعتك اثراء اليتيمة ( entv ) بحصة من اقتراحك سواء في المطبخ او للشباب او مواضيع عائلية أو من المجتمع او برامج صيفية ... الخ
اليكم الكلمة :

1 : عنوان الحصة
2 : موضوع الحصة

ننتظرر في ابداعكم :

*********************************************

 

[مالك زين]

فكرة رائعة

شكرا لك أعجبتني الفكرة، وأعجبتني طريقة تقديم الموضوع وكذلك الصور المدرجة فهي جد معبرة
مشاركتي فيما يلي
1- عنوان الحصة: الألغاز الخمسة

2-موضوعها: المنافسة بين العائلات في ايطار شرعي في قالب ترفيهي ومسابقة باتم معنى الكلمة

3-سبب الاختيار: الحصة كانت موجودة باليتيمة الى نهاية الثمانينات وكان يقدمها المرحوم عبد القادر طالبي وكانت قمة في الاخراج والمشاهدة فما من بيت الا وينتظرونها كل خميس، تذكرتها وتذكرت الماضي الجميل

 

[poli]

اوكي انا ندير برنامج
العنوان.. العباقرة .....علابالي كيما تاع ام بي سي اكشن بصح هذا عربي
الموضوع ..راح نجيبوا اختراعات و تفسيرات علمية لكل حاجة يعني كي تتفرج الحصة ماتزيدش تقول علاه .........ههههههه
السبب..حتى نتثقفوا شوية و مانبقاوش متخلفين
هي عجبتني الفكرة مي خاطيني الانتاج
ههههههههههه......:biggrin:

 

[صمت الذكريات]

حصة اقتراحات

 

[Jagwar]

1_ عنوان الحصة : حقائق الجزائر

2_ موضوع الحصة : يحكى على حقائق و خفايا ما وراء الكواليس فى مجتمعنا و التسيير فى البلاد

شكرا على الموضوع






​

 

[Ra Off]

حصة : اهنا فرغ واش كاين في قلبك

مادابيا يفرغ الشعب واش كاين مكبوتات .. على الشاشة اللى صارت حكرا على فئة معينة
ننقل الواقع ... ونوصل ميساج

شكرا على الطرح والفكرة ​

 

[زنوبة]

1- عنوان الحصة...افتح قلبك

الموضوع ..نعرفو بلي الجزايريين دمهم حامي ومنارفيين وتلقى الواحد فيهم داير العيب مع الف واحد على هداك مادابينا هدا الربنامج يجمع مابين تنين ويفتحو قلبهم لبعض ويتصالحو هاكدا ننقصو شوية من العداوة وهكدا ببقاو ......

 

[AMOUR.JPEG]

شكرا لك أعجبتني الفكرة، وأعجبتني طريقة تقديم الموضوع وكذلك الصور المدرجة فهي جد معبرة
مشاركتي فيما يلي
1- عنوان الحصة: الألغاز الخمسة

2-موضوعها: المنافسة بين العائلات في ايطار شرعي في قالب ترفيهي ومسابقة باتم معنى الكلمة

3-سبب الاختيار: الحصة كانت موجودة باليتيمة الى نهاية الثمانينات وكان يقدمها المرحوم عبد القادر طالبي وكانت قمة في الاخراج والمشاهدة فما من بيت الا وينتظرونها كل خميس، تذكرتها وتذكرت الماضي الجميل

مشكور خويا على مدحك و الحصة اللي راك تتكلم عليها عاودوها ومنجحتش على خاطراك الوقت تبدل و هي كانت اول حصة تاع العاب جزائرية في التلفزة الله اعلم

مشكور على مشاركتك اخي مالك

 

[AMOUR.JPEG]

------------------------

 

[KAKASASA]

حصة ،، دي جي ،،

موضوعها ،، تنافس بين الديجيات ،،

السبب ،، لاكتشاف مواهب جديد ،،​

 

[kamou]

انا ماراحش نتجرأ وندير حصة
لانو اكيد الشارم تعها راح يروح
اولا
الديكور عيان
تانيا
المقدم مدرح ...كلمة عربية و10 دريجة
تالتا
الجنيريك احسن من الحصة



لكني راح ندير حصة في سبيل الحفاظ على موضوعك


الحصة:صوت الشباب
الموضوع: يخلووووووووووووو الشباب تعنا يحكي والناس كامل تسكت
خاصة االي حابين يرحلو ويهاجرو ...والبطالين والزوالية واكيد الضيوف يكون شباب فقط

ويعالجو قضايا هامة مش شطيح وغنااااااا وضياعة وقت


موضوع روعة اخي​

 

[AMOUR.JPEG]

مشكورين على ردودكم و اقتراحاتكم

 

[sarah02]

او كون جات تاعي كانت تشعل
نديرلكم صباح لغنا باش تفطنو :001_tt2::001_tt2:ومبعد مسلسلات تركية حتى نشبعكم وفلم علا 2 ومسابقات الحشية ومسلسل علا7 وبرامج غنا وتسلية ومبارايات علابالي الكل يتفرج:thumbup::thumbup:

 

[titou_le_roi2009]

الله غالب ..... نحب بلادي

شكرا على الموضوع الجميل و حقيقة أنا ادا سمحولي ندير برنامج نبينو فيه النجازات نتاع الدرك والجيش والشرطة والجمارك وكل مرة نجيبو عائلة شهيد من الشهداء الدين ضحو بحياتهم نهار دركي و نهار عسكري و نهار شرطي .....و.و..و.وو..و.و.وهي رايحة :thumbup:

 

[zinnoo walido]

ياو يديرو اي حصة المهم يبركاونا من الغنا كل وقت والمهرجانات بفففففففففف كرهنا

بارك الله فيك على الفكرة الرائعة انا ملقيت حتا حصة