الصح الصح? انا كرهت........

[nassime500]

انا حاب النومرو نتاع تلفزيون اليتيمة باه نشكي على البرامج الي يجيبوها.:huh:
مثلا على 9 لافامي تقعد مع بعضها.باه يجيبو سكاتش ولا فيلم, هوما لالا يجيبولنا حصة. انا كرهت القناة نتاع التزاير. وديما منين تشعل الديليفيزيو تلقى حاجة صامطة. تعرفوا مرة كنت نتفرج على 1 نتاع الليل في القنوات نتاع لانجليز, وقلت نبدل نشوف واش كاين في تزاير, واو لقيت فيلم نتاع نتزاير اسمو ميقرية في دوارنا. انا طرت من الفرحة رحت وجدت البوبكورن ونوضت خاوتي:blink:, ياو كنت فرحان على الاخر:yahoo:. المهم انا حاب النومرو نتاع التلفزيون. وقولولي واش رايكم في القنوات تعنا.:huh:

 

[sleepingbeauty]

هههههههههههههه ضحكتني وحدك تحمست و وجدت البوبكورن
نستعرف بيك باين وطني تاع الصح
خلاص كي تجيب النيميرو تاعهم ما تنساش تبعتهولي اوكي
​

 

[nassime500]

هههههههههههههه ضحكتني وحدك تحمست و وجدت البوبكورن

نستعرف بيك باين وطني تاع الصح
خلاص كي تجيب النيميرو تاعهم ما تنساش تبعتهولي اوكي​

wellah ana kraht necha3l etilivizyo nta3 l3rab.
we lachtat n3ayt wela neg3ad marah yedio wallo

 

[aziz-org-007]

و الله عندك الحق يا خويا...كانت اليتيمة و درك ولات
ام اليتامى :blushing::blushing::blushing::blushing::blushing::blushing::blushing::blushing::blushing::blushing::blushing:
و قالك زعما عندنا 5 قنوات ...و هو الكل كوبي على بعضاهم ..البروقرام للي يديره في هادي يعاودوه في لوخرى....:blink:
و زيد الماتريال كلو قديم و نتاع زمان...الامبيسي راهي ب..hd و جماعتنا مازالهم يرقعو في النمش...:laugh:
اكبر مثال على الفشل المريع ....هروب الصحافيين الى القنوات الخاصة و اخرهم السي حفيظ...هههههه
-بارك الله فيك على الموضوع...ماعنديش النيميرو عندي لادراس نتاعهم ولا حبيت تروح تقلبها عليهم عيطلي نجي معاك :yahoo:

 

[©§¤°الجزائـ صوت ـر°¤§©¤]

السلام عليكم:
أفضل يء فالقناة الجزائرية
صباح الخير +حصة الفهامة
الباقي ماكان ماكان​