مساعدة من عند البنات.

[nassime500]

واش راكم يا الفحلات تاعنا, باينة بلي لاباس,
خاطراكش نعرف بنات بلادي اللي يغلط معاهم اداه الريح:crying:



انا حاب تعطيوني طريقة تحضير ماكلة خفيفة وشابة على خاطراكش البيض ومانعرفش نقليه.
المهم نعتولي شطارتكم ياالبنات. واللي تعجبني الطريقة نتاعها ,عندها حاجة من عندي:biggrin:

 

[الأسمر]

ههههههه ولله ضحكتني يخويا ونتا وش اداك للبيض
ام ضرك يجو الفحلات الشاطرات وتشوف الطبخ كيفاش ايا هاك هذو كمل طيابهم وكول هههههههه

 

[نورالياقوت38]

منقدروش نعطوك هكا وخلاص قوللنا انت الي موجود عندك وحنا ندبرو عليك الطبق
واش رايك؟:thumbup::001_tt2:​

 

[tita69]

يا أخي كاين عدة أكلات ساهلين وسريعة التحضير لكن أنت واش تحب واش عندك
لي أخي في الغربة وكل الأكلات لي أعطيتها له ماشيا معاه مليح الله يوفقك ويحفظك

 

[nassime500]

ههههههه ولله ضحكتني يخويا ونتا وش اداك للبيض

ام ضرك يجو الفحلات الشاطرات وتشوف الطبخ كيفاش ايا هاك هذو كمل طيابهم وكول هههههههه

البيض نتاعك مالح بزاف:thumbdown: لازم عليك تعاود القراية في الطياب.:biggrin:

 

[nassime500]

منقدروش نعطوك هكا وخلاص قوللنا انت الي موجود عندك وحنا ندبرو عليك الطبق


واش رايك؟:thumbup::001_tt2:​

قوليلي واش نجيب. ديري روحك كلي انت الي راح تطبخي, وقوليلي واش لازم نقضي. مشكوررة

 

[nassime500]

يا أخي كاين عدة أكلات ساهلين وسريعة التحضير لكن أنت واش تحب واش عندك
لي أخي في الغربة وكل الأكلات لي أعطيتها له ماشيا معاه مليح الله يوفقك ويحفظك

انا الماكلة تكون مليحة و بنينة وبرك.نتي قوليلي واش لازم نشري وكيفاه نطيب. شكرا

 

[sleepingbeauty]

ياخي فنيان ياخي البيض ما تعرفش تقليه :sneaky2:
روح لقسم الطبخ تلقا الوصفات خير و اختار

عندك تحرق الماكلة برك :cursing:
​

 

[poli]

احم احم........قولي انت واش داك للكوزينة برك......
اذا البيض و معرفتش تقليه شرشمو يعني غليه في الماء.........ههههههه
بصح الرائ الامثل انك تروح تاكل من برا من كاش ريستو.....هههههههه
كيما حالتي انا نطيب غير كي تعود ماما هنا كي تعود مكانش مساكن خاوتي يضيعوا يطيبو وحدهم ولا يشروا من برا.........هههههههه

 

[طيور الجنة21]

هههههههههههه
واش من بيض تحكي عليه و علاش خسارة الزيت وتزيد تكثر علاما الماعن و زيد كون تشرشم البيض راح تسلك الغاز بزاف وتنقص من الشكارة تاع الملح نقولك صوم خير هذا افضل طريقة ليك

سلااااااااااااااام

 

[نورالياقوت38]

:crying:ضورك انا نبكي في بلاستك :sneaky2:انت الي قلبك فيها وحاب تاكلها قوللنا عليها وانا نقولك بكل خطوه كيفاش دير​

 

[nassime500]

:crying:ضورك انا نبكي في بلاستك :sneaky2:انت الي قلبك فيها وحاب تاكلها قوللنا عليها وانا نقولك بكل خطوه كيفاش دير​

انا نحب طاجين الزيتون, المثوم, البطاطا اللي يطيبوها في الفور مع الدجاج. شكرا
ربي يحفضك.

 

[nassime500]

هههههههههههه
واش من بيض تحكي عليه و علاش خسارة الزيت وتزيد تكثر علاما الماعن و زيد كون تشرشم البيض راح تسلك الغاز بزاف وتنقص من الشكارة تاع الملح نقولك صوم خير هذا افضل طريقة ليك

سلااااااااااااااام

نتي نحيتيها لبخلاء الجاحظ, باينة بلي توزني 35 كيلو.

 

[nassime500]

احم احم........قولي انت واش داك للكوزينة برك......
اذا البيض و معرفتش تقليه شرشمو يعني غليه في الماء.........ههههههه
بصح الرائ الامثل انك تروح تاكل من برا من كاش ريستو.....هههههههه
كيما حالتي انا نطيب غير كي تعود ماما هنا كي تعود مكانش مساكن خاوتي يضيعوا يطيبو وحدهم ولا يشروا من برا.........هههههههه

اااه كون جيتي ختي وتشوفي.
مانخليكش تقعدي خلاص

 

[angel_fly]

ههههههههههههه
انا كيفي كيفك ما نعرف ندير والو
زعمة انا طفلة بصح واش تحب ضرك يجيو الفحلات يعلموك
انا خاطيني الكوزينة

 

[hadda0425]

نقولك خويا واش يخصك بصح بشرط ترد عليا

تخصك مراااااااااااا فحلة

 

[assoma]

"السلام عليكم"

شوف يا خويا ندبر عليك
قشر الجلبانة. من بعد غسلها.
وفورها في الكسكاس. ولا فورها في الكيكوطة. اذا كان فيها كسكاس سبيسيال. ديرلها شوية ملح" رشو عليها"
والحاجة التانية قشر البطاطا ماتقليش برك بلي البطاطا وما تعرفش تقشرها... ساهلة
من بعد راهي باينة بلي تقطعها.. وتقليها. وبالاك تنسى الملح
كي تفور الجلبانة . وا لبطاطا تكون قليتها
ديرهم في المقلة على نار هادئة. وفقس عليهم البيض كيما تحب.1 ولا 2.وميل المقلة شوية باش هكدا البيض يدخلهم. وكي تشوف بلي البيض ولا ينشف شوية. طفي النار و وجد الطبسي الي راك رايح تحط فيه. وماتنساش الخبز. والماء. ياو الماكلة بلا ماء من قلة لفهامة.
وانشاء الله تكون الماكلة عجباتك.
شهية طيبة." بصحتك"​

 

[nassime500]

نقولك خويا واش يخصك بصح بشرط ترد عليا

تخصك مراااااااااااا فحلة

صار هكدا, مرااا فحلة, هدي الفحلة اللي تحكي عليها تشرط بزاف, ومازال مالحقش وقتها, بالصح راكي تباني فحلة على الهدرة نتاعك.:001_smile:

 

[ملاااااك]

وعيبااااااااااااااااااه مش لهدرجة حتى البيض ما تعرف تسويه
بعدين الشغلة سهلة أدخل قسم الطبخ تلقى أحسن الوصفات

 

[nassime500]

"السلام عليكم"​

شوف يا خويا ندبر عليك
قشر الجلبانة. من بعد غسلها.
وفورها في الكسكاس. ولا فورها في الكيكوطة. اذا كان فيها كسكاس سبيسيال. ديرلها شوية ملح" رشو عليها"
والحاجة التانية قشر البطاطا ماتقليش برك بلي البطاطا وما تعرفش تقشرها... ساهلة
من بعد راهي باينة بلي تقطعها.. وتقليها. وبالاك تنسى الملح
كي تفور الجلبانة . وا لبطاطا تكون قليتها
ديرهم في المقلة على نار هادئة. وفقس عليهم البيض كيما تحب.1 ولا 2.وميل المقلة شوية باش هكدا البيض يدخلهم. وكي تشوف بلي البيض ولا ينشف شوية. طفي النار و وجد الطبسي الي راك رايح تحط فيه. وماتنساش الخبز. والماء. ياو الماكلة بلا ماء من قلة لفهامة.
وانشاء الله تكون الماكلة عجباتك.

شهية طيبة." بصحتك"​

thank you very much,
الردود اللي عداو بكل يحشوا فية يقولولي ماتعرفش, مي نتي الاولى اللي عطيتيني الطريقة, ونتي باينة فحلة تتعع الصح, الله يبارك. شكرا
سلام