الو....... oui...........

[hadda0425]

خويا ختي كل واحد فيكم عندو بورتابل ديما حذاه في جيبو ولا البنت في صاكها مرة على مرة يرن البورتابل نتاعك رنة ولا زوج ويحبس بصح هذا المرة يصوني وبحبش يحبس حتى هزيت الو.... رد عليك صوت بنت قالتك حابة نتعرف في هذا الحالة واش يكون رد فعلك
تتجاوب معاها
تقفل البورتابل في وجها
تقولها راني اوكبي
:confused1: .........................:confused1:
لبنات تاني يقدرو يجاوبواذا صراتلهم هاك
نحبكب تجاوبو بصراحة​

ايا تشاو

 

[wiwi mimi]

Nkoulou wach hsabatlak n dyali kitou fi bata oumou merci et bay:yahoo::yahoo::yahoo::laugh::laugh:

 

[نور الانوار]

je le dis
Je suis pas la personne que tu cherches

en + de sa j'ai pas bcp de temp

w lakan thab tflixily y'a pas de prob mdr
​

 

[أبو عاتكة]

الجواب في توقيعك
​

 

[*ليديا*]

السلام عليكم ورحمة الله وبركاته
انا ما صراليش هذا الموقف
مي لو كان يصرا نكوبي عليه
السكوت على الاحمق جوابه
يعطيك الصحة اختي **hadda**

 

[angel_fly]

ههههههههههه يبات يحلم و ما نكترش معاه الهدرة
ماشي كامل البنات كيف كيف و الحمد لله

 

[Voyage dans un rêve]

نقولو روح تلعب مازالك صغير.
البورتابل وسيلة اتصال الغاشي دايرها وسيلة لعب و تمسخير و كاين لي ما يسحقش بورتابل دايرو غير للعب
شكرا على موضوعك و انا درك نسقسيك ادا ماكاش مشكل؟
انتيا تريبوندي على ابال ماسكي ؟

 

[nassime500]

نرد عليها ونقولها نتعافوا علاش لالا و نخليها تنسى النهار اللي زادت فيه

 

[yanni]

يندم على النهار اللي شرا فيه البورتابل كاين حتى البنات يحبو
يتوقتو صراتلي مرة مي ربيتها بقينا ب les msg نتباعثو حتى
كي طلبت مني السماح باش خليتها trancil بصح هدي تعرفني وانا ما نعرفهاش
مشكورة على الموضوع

 

[ندى البيضية]

نعايره ونكوبي عليه منخليهش قع يحكي هههههههههه شكرا على الموضوع

 

[Rabah kabyle]

انقولها الله غالب ماعنديش الوقت
وانزيد انقولها مانيش محتاج معريفة
الله يبارك فيك علي الموضوع
​

 

[sleepingbeauty]

نقفل ديراكت ما نزيد ما ننقص معاه في الهدرة و لاكان بقى يعاود نقولوا يا خويا ماراناش فارغين شغل روح لكاش وحدة وحدة فارغة شغل راهم بزاف هادا هو الرد تاعي دايما

 

[sama-h]

انا اصلا مانريبونديش غير على راجلي وديرتلو موزيك سبسيال ليه ومن نهار اللي عرفتو يعني قبل مانتزوجو نبدل لبيس كي نشوف الناس بداو يغلطو فيا حتى الحمد لل طحت فواحد لبيس مافيهاش الديرونجمو خلاص.

 

[omar.lakaf]

البورطابل درناه كي كان عنده الشان ويكسب غير فلان وفلان بصح درك سمحيلي خليناه ال.........
المقصود من فلان وفلان ماشي ماديا باش نكونو متفاهمين ولهاد ماعنديش جواب

 

[رنيم الصمت]

أصلا منهزش على نيمرو خاطي
شكرا

 

[sami 24]

والله الحمد لله كي راني بدون بورطابل لا يرنون لي ولا أرنوا لهم
ههههههههههههه

​

 

[ندى h]

هذه الخدمة راهي بزاف منتشرة في المجتمع انتاعنا بصح المشكل ماهوش فيهم راهوا في الي راهم ايدعموا فيهم بالمكالمات المجانية

 

[نورالياقوت38]

منيش مجداق معرفة

 

[hadda0425]

السلام عليكم ورحمة الله وبركاته
انا ما صراليش هذا الموقف
مي لو كان يصرا نكوبي عليه
السكوت على الاحمق جوابه
يعطيك الصحة اختي **hadda**

مرسييييي حبيبتي ليديا على الرد ونورتي الصفحة

 

[hadda0425]

والله الحمد لله كي راني بدون بورطابل لا يرنون لي ولا أرنوا لهم

ههههههههههههه​

تهنيت منو هاك راك مليح