هل يحق للأهل تفتيش موبايلات أبنائهم ؟؟؟

[Jagwar]

اللي ربا ولادو مليح ما يخافش عليهم لأنو المبادىء اللي ترباو عليها ما ينشاوهمش قدام اي ظرف
لكن مليح المراقبة في كل شي مش غير البورطابل
شكرا

الشكر لكى أنت أختى Angel على تحليلك المميز
تحياتى و مشكورة على تصفحكى الموضوع




​

 

[Jagwar]

مارسي
راني راح ندير بكلمتك زعما الصيف يجي باه يخطبها
مي ماكاش لا مان
مارسي بزاف خو

العفو أختى الصغيرة هذا واجبى و رانى هنا فى كل وقت تحتاجينى
باااااااااااااااااااااااااي



​

 

[Jagwar]

سلام
واش نقولك لازم ديما الوالدين يكونو علابالهم واش ايديرو ولادهم لأنو إذا خليتهم علا رايهم ايضوعو لأن الصحاب ماشي ديما ملاح راهم يديو للهاوية والوالدين لازم يكونو ديما قراب من ولادهم باه اوريولهم الصلاح

و نعم الرأي أختى لبجاوية
أنا تانى نقول هكذا
مشكورة على مرورك الجميل أختى
و تحياتى الحارة لناس بجاية الطيبين





​

 

[*بوعلي أسامة*]

من واجبهم مراقبتهم كل وقت
​

 

[Jagwar]

يهاو لازم ولا كيفاه​

Bien Sur لازم خويا حملاوى حبينا ولا كرهنا
كيف يهدرو الوالدين حنا نطيعهم و نسكتوا
مشكور على المرور الغالى خويا الغالى .


​

 

[*بوعلي أسامة*]

 

[Jagwar]

من واجبهم مراقبتهم كل وقت​

نعم خويا الشاوى اتفق الأغلبية هنا على أنه حقهم و واجبهم تجاهنا
مشكور على المرور الجميل أخى .



​

 

[amena]

بكل تأكيد يحق لهم ذلك, ولكن الذي لا يصح هي الطريقة نفسها, فلا يشعرونهم بأن ذلك تفتيش عليهم ولكن يكونوا اصدقاء لهم ويتحدثون معهم في كل ما يشغلهم, ولكن لو كان الامر تفتيش وعقاب واوامر فهناك حيل كثيرة للابناء يخفون بها اسرارهم نتيجة لسوء المعاملة من الاباء.
شكرا لك على الموضوع المهم

 

[Jagwar]

بكل تأكيد يحق لهم ذلك, ولكن الذي لا يصح هي الطريقة نفسها, فلا يشعرونهم بأن ذلك تفتيش عليهم ولكن يكونوا اصدقاء لهم ويتحدثون معهم في كل ما يشغلهم, ولكن لو كان الامر تفتيش وعقاب واوامر فهناك حيل كثيرة للابناء يخفون بها اسرارهم نتيجة لسوء المعاملة من الاباء.
شكرا لك على الموضوع المهم

كلامكى منطقى الى أبعد الحدود أختى
يعنى يحق لهم الكشف عن مستور أبنائهم شريطة عدم الاهانة للولد أو البنت .
مشكورة أختى Amena على مرورك العطر و تحليلك للموضوع بشكل ممتاز




​

 

[حابس ومفريني]

أنا طفل . . ودارنا يديروا كيما يحبو بصح ولو راحو للربيطوار ماريحينش يلقوا والو
على خاطر الأسماء كلها بالكود وغير أنا اللي نفهمهوم
ولي ميساج عندهوم mot de passe​

 

[sleepingbeauty]

انا عمري ما فتشوني و اذا فتشوني نعتبرها قلة ثقة مادامكم عرفتوا تربيوا و علاه خايفين
لكن الصراحة مدايرة كود على الرسائل لان خويا الصغير يحب يوقب ديما ديما العبد عندو خصوصيات هادا ماكان و مرة بابا حاب يبعت ميساج من عندي عطيتهولو و علابالي ماراهوش رايح يقرا الرسائل لانني نعرفوا مليح ما عندوش هاد العقلية اصلا كي يشوف بورتابلي يصوني يعيطلي ما يشوفش حتى شكون اللي اتصل

​

 

[Jagwar]

انا عمري ما فتشوني و اذا فتشوني نعتبرها قلة ثقة مادامكم عرفتوا تربيوا و علاه خايفين

لكن الصراحة مدايرة كود على الرسائل لان خويا الصغير يحب يوقب ديما ديما العبد عندو خصوصيات هادا ماكان و مرة بابا حاب يبعت ميساج من عندي عطيتهولو و علابالي ماراهوش رايح يقرا الرسائل لانني نعرفوا مليح ما عندوش هاد العقلية اصلا كي يشوف بورتابلي يصوني يعيطلي ما يشوفش حتى شكون اللي اتصل ​

عنك الحق أختى فى كلامك و لكن ماشى كامل الأولياء هكذا
يعنى كاين لى نلقاوهم متحفظين بزاف على مثل هذه الأمور
أنا مثلا لوكان نخلى البورتابل تاعى بحد الوالد Si Sur راح يجبدلو خيوط راسو
و ما عندى ما راح نقولو
على العموم أنا نقول لى ما فى كرشو التبن ما يخاف من النار
مشكورة أختى الغالية على مرورك العطر
تحـــياتــى



​

 

[RaNiA]

كي يكونو واثقين في اولادهم علاش يضالو يفتشو
اما بالنسبة ليا ما نحب حتى واحد يقيسلي حوايجي
بصح كون يجيو مثلا يقولولي نعتيلنا واش فيه برطابلك نعتلهم كلش وندخللهم واين يحبو مي كون يهزوه ويفركتو فيه وانا ماعلاباليش نقلب الدار هههههه
نكره عبد يتجسس بالخفية كي يجي يقولي مديلي حاجة نمدهالو خيرمن يسرقهالي
كل واحد وعندو حرية في حوايج
والانسان حريتو تتوقف عند بداية حرية الاخرين مثلا لازم يكون يستغل هذا الهاتف لحوايج ضرورية مش في التفاهات والتعرفات ​

 

[Jagwar]

كي يكونو واثقين في اولادهم علاش يضالو يفتشو

اما بالنسبة ليا ما نحب حتى واحد يقيسلي حوايجي
بصح كون يجيو مثلا يقولولي نعتيلنا واش فيه برطابلك نعتلهم كلش وندخللهم واين يحبو مي كون يهزوه ويفركتو فيه وانا ماعلاباليش نقلب الدار هههههه
نكره عبد يتجسس بالخفية كي يجي يقولي مديلي حاجة نمدهالو خيرمن يسرقهالي
كل واحد وعندو حرية في حوايج

والانسان حريتو تتوقف عند بداية حرية الاخرين مثلا لازم يكون يستغل هذا الهاتف لحوايج ضرورية مش في التفاهات والتعرفات ​

يعطيك الصحة أختى رانية على اجابتك الصريحة بصح أنا نقول يعنى لو أن الوالد أو الوالدة فتشوا البورتابل خفية او خلسة عليك أسكو رايح يعجبك الحال و لا ما يعجبكش ؟​

 

[BENT MAGRA]

من وجهة نظري نعم أكيد
بصح بلا ميشوفوهم باش هكدا ماتطيحش الثقة لي بيناتهم
وتديهم لحوايج أخرى كالخوف مثلا
هذا الأخير لي راح يؤدي الى القيام بأمور في السر ودون مشورة الأهل
:001_huh::blink:
تحياتي لصاحب الموضوع​

 

[rasousou]

sousou

pour quoi les filles oui ou ok w les jeunes nn tt les jours mahgourine mahakch 3lihome ychoufou yla chafou ssema marahomche deyrine fina le confiance merci beaucoup hanouna pour le sujet w 3aklou fiha les jeunes yji nharkome matkhafouche

 

[SIRIN03]

انا عندي عااااااااااااااااااادي
ديجا امي تظل تخرب في البورتابل نتاعي :sad:
​

 

[jiji 94]

*-* من ناحية الصور الفيديو انا معك ...اما من الارقام .....الله اعلم *-*​

 

[RaNiA]

يعطيك الصحة أختى رانية على اجابتك الصريحة بصح أنا نقول يعنى لو أن الوالد أو الوالدة فتشوا البورتابل خفية او خلسة عليك أسكو رايح يعجبك الحال و لا ما يعجبكش ؟​

الحق ما يعجبنيش الحال على خاطر ما نحب حتى واحد يتجسس عليا و اي حاجة نعملها علابالي بروحي واش قاعدة ندير

​

 

[sarah02]

نورمال ياك مانيش نسرق:biggrin::biggrin::biggrin::biggrin:
​