خبر قديم بصح جديد..لكن لأهم مانضنش يفرح بعض الناس....++°°نجوم اللمة°°++

[kamou]

اهلا يا الخاوة
وش راكم



اكيد كلنا سمعنا
بخبر

فرض اللباس الموحد

:crying:
ماسمعتوش بيه

درك تفهمووو

فالمدارس واللسيات والمتوسطات



لكن طبق هاد الامر غير فالمدارس ربما





اليوم يا جماعتنا






جات المديرة لعدنا

للثانوية

وجابتنا الخبر هادا

قالتنا
بالحرف الواحد


وجدو روحكم
خرج قانون جديد
وراح يطبق العام الجاي ان شاء الله ادا حيينا
والي هو


الشعب تع البريمار
راح تكون لبستو كالاتي
الولد.....الازرق
البنت..............الوردي:001_wub:




الشعب تع المتوسطة
الولد.............الابيض
البنت................الاحمر




الشعب تع الليسي يعني احناااااااااااااااا:crying:
الولد...طابلية سوداء..
البنت.....................طابلية بيضاء .
ونديروووو لكيب تع سطيف العالي
بيضاء كحلة

ايووة ايوة ايوة




واكيد اليدين طوال
والطول تع الطبلية لاحق
للركبة

يعني الطفل يرجع بوشي
والطفلة ترجع فرملية
ههههه


والحمد لله الدراري يتهناو من التبايش طول النهار
والبنات شوية يسترهم ربي ..
الحمد لله الحمد لله
انا راني مع الفكرة هادي
غير شوية الطول يقصروهم
علاخطش نتغبنو فالمشية




وش رايكم موافقين ولا لالا
ايا نوضووو الاضراب
:angel_not:




اختكم
Ikram

​

 

[ahras algerie]

نتمنى لوكان البسوكم كامل الحجاب تع الصح ماشي خمار والذراري سروال اللوبيا هكذا يطلع شوية النيفو ولوكان افرقوكم خير ونحو المدارس المختلطة ..........ويدرولكم مسابقة العشرة اللوالة ازوجوهم تجو كامل اللولين هههههههههههههههههه

 

[°~Kenza_02~°]

احنا من بكري موالفين بالطابليات البيضيين:001_wub: ...خير من لا يقولولنا حمرااااءhmy:

 

[n@abil]

الشعب تع الليسي يعني احناااااااااااااااا:crying:
الولد...طابلية سوداء..
البنت.....................طابلية بيضاء .
ونديروووو لكيب تع سطيف العالي
بيضاء كحلة ​

ايووة ايوة ايوة ​

السلام عليكم
أختي kamou والله ضحكتيني بزاف هههه
بصح هذا هو الواقع بصح في راسي سؤال وعلاه هذه الألوان ماكانش ما خير؟
ولا القماش ناقص؟
هوما يعني شافونا نموتو على الطابليا حتى زادو داروهالنا سوداء؟
أواه الإضراب فيها فيها
تقبلي مروري أختي
سلام
​

 

[قلبي يئن ويسأل]

هههههههههههههههههههههههههههههههههههه :thumbdown: :thumbdown: :thumbdown: :thumbdown:

راح يغبنونا صح انا مانيش راااح نلبسها كون واش يعملو

نعوووووود فرملية هذا غير ينحوووه من بالهم :angel_not: :angel_not: :angel_not: :angel_not:

هذه اول مشاركة لي وانشالله ماتكون الاخيرة :crying: :crying: :crying: :crying:​

 

[kamou]

نتمنى لوكان البسوكم كامل الحجاب تع الصح ماشي خمار والذراري سروال اللوبيا هكذا يطلع شوية النيفو ولوكان افرقوكم خير ونحو المدارس المختلطة ..........ويدرولكم مسابقة العشرة اللوالة ازوجوهم تجو كامل اللولين هههههههههههههههههه

هههههههههههههه
hmy:
ايه عندك الحق
سروال اللوبيا راهو داير حالة وكي تعطي رايك يقولك اسكتي اسكتي انتي وش تعرفي؟؟؟

ولا يديرونا مسابقة العشرة الوالة الناس قع تربح وتجيب المرتبة الي قبل اللولة
نضحكو بصح واقعنا اسخف من اننا نضحكووو
ياو هادي هي المرحلة وان شاء الله تفوت على خير


شكرا على المرور الجميل​

 

[kamou]

احنا من بكري موالفين بالطابليات البيضيين:001_wub: ...خير من لا يقولولنا حمرااااءhmy:

لالا مالا غير منا حتى للدخلة تع لقراية ونتي تتعودي على الطبلية الجديدة
ههههه
سورتو ادا كانت عقدة من كاش لون
:crying:​

السلام عليكم

أختي kamou والله ضحكتيني بزاف هههه
بصح هذا هو الواقع بصح في راسي سؤال وعلاه هذه الألوان ماكانش ما خير؟
ولا القماش ناقص؟
هوما يعني شافونا نموتو على الطابليا حتى زادو داروهالنا سوداء؟
أواه الإضراب فيها فيها
تقبلي مروري أختي
سلام​

علابالك هوما من كترت مايحبونا ...جابولنا قماش مايدورش فالدول كاملة علابيها متقدريش تقطعي الطابلية ولا تكتبي فيها ولا تنوي حتى تنحيها
هههه


يعني ابوليجي عليك تحبيها
:001_wub:​

هههههههههههههههههههههههههههههههههههه :thumbdown: :thumbdown: :thumbdown: :thumbdown:​

راح يغبنونا صح انا مانيش راااح نلبسها كون واش يعملو ​

نعوووووود فرملية هذا غير ينحوووه من بالهم :angel_not: :angel_not: :angel_not: :angel_not:​

هذه اول مشاركة لي وانشالله ماتكون الاخيرة :crying: :crying: :crying: :crying:​

اكيد ان شاء الله ماراحش تكون الاخير:001_wub:
لكن لوكان ماتلبسيهاش اكيد راح تنطردي
وماكانش الي عيطيك ورقة الدخول يا ماما
يعني هي راهي فرض عين على كل تلميد
ومن الاصح التلاميد يطبقووو القوانين
هادي .....:glare:​

 

[لحن الحبيب]

كي شغول مادارو والو
راح يلبسو طابليات قدام الباب
في دخلة يلبسوهم
و
في خرجة ينحوهم
كون يديرو لبسة موحدة كيما
خليجيين
و
سوريين
باش يجو بيها من الدار
المهم
يعطيك الصحة
​

 

[أبو عاتكة]

انا سامع الخبر مي قالو في اللول نلبسوهم سروال وقميص والبنت تنورة وقميص كي دارو الحساب صابوها تسقام غالية خمو خمو ولاو قالك نلبسوهم الطابليات ....وربما يعاودو الحساب يلقاوها غالية يلبسوكم فولارات للبنات وكاسكيطا للولاد هاكدا خير ...وانا من عندي يلبسوكم ملحفة ولا عجار والولاد قندورة وطربوش هكدا نريحو من صحاب لامود والموضة ...هههههههه ياخي دزاير يخي عيش تشوف العجب ..
​

 

[دودو لبزاف]

والله عفسة شابة

اوموا نضحكوا عليهم شويا وممباعد رانا نوالفو نورماااااااااال

ههههههههههههه مرسي كامو ع الموضوع


​

 

[winrar]

شيء جميل توحيد اللباس​

 

[fakhri-dz19]

yaw wellah masrat
hhhhhhhhhhhh yhawsou ybahdlouna ya3tihoum ghouma

 

[ichrak]

والله غير عندك حق هيا نعملوا إضراب ههههههههههههههههه

 

[RaNiA]

ههههههه حتشي رانا نلبسوهم غير في لاكلاس كي نخرجو ل لاكور بعد تلقاينا نحيناهم
وزيد طبلية يبضاء زعما ملاك كاش كيفكم ؟
ولي يكره اللون الابيض واش يدير ؟ انا لازمتلهم يخيطولي وحدة كحلة كيما تاع الدراري ولا وحدة باناشي زعما رئيسة العصابة ههههه
يعني العام الجاي لازم ندير رئيسة القسم ونخرجلهم قانون جديد رئيس القسم يلبس وحدة ملونة باه كي تجي لافوي يعرفوه ما يبقاوش يقولو شكون هوا رئيس القسم ​

 

[هند العصفورة]

ههههههههه



شكرا إكرام بصح لكان يقصروهم شوية:closedeyes:
ااااااااااا طابلية للركبة؟؟؟؟؟؟؟؟؟:confused1:

بارك الله فيك إكرام​

 

[المتفائلة خيرا]

المهم لبنات تاع الليسي طابليات بيضاء

 

[kamou]

شيء جميل توحيد اللباس​

ايه بصح واقيل راني نشوف غير انت الي راك تشووف فيه جميل
الجماعة بكل زعفووووو..:scared:​

yaw wellah masrat
hhhhhhhhhhhh yhawsou ybahdlouna ya3tihoum ghouma

ايه تبهديلة كبيرة....التبياااااش يرووووح
تهنية
​

والله غير عندك حق هيا نعملوا إضراب ههههههههههههههههه

سي سور يعملو اضراب ...احنا هاداك وش نستناو في العام كلوو
:angel_not:
​

ههههههه حتشي رانا نلبسوهم غير في لاكلاس كي نخرجو ل لاكور بعد تلقاينا نحيناهم

وزيد طبلية يبضاء زعما ملاك كاش كيفكم ؟
ولي يكره اللون الابيض واش يدير ؟ انا لازمتلهم يخيطولي وحدة كحلة كيما تاع الدراري ولا وحدة باناشي زعما رئيسة العصابة ههههه​

يعني العام الجاي لازم ندير رئيسة القسم ونخرجلهم قانون جديد رئيس القسم يلبس وحدة ملونة باه كي تجي لافوي يعرفوه ما يبقاوش يقولو شكون هوا رئيس القسم

والله فكرة ........هايلة بزاف هادي ..ييياو راكي وفرت عليهم التحواس ...
مادابيك ديريها vert بيسطاش...تعود الناس فالكلاسة تلبس نواظر​

ههههههههه

شكرا إكرام بصح لكان يقصروهم شوية:closedeyes:
ااااااااااا طابلية للركبة؟؟؟؟؟؟؟؟؟:confused1: ​

بارك الله فيك إكرام

​

اواه مانضنش يقبلووووووووو
ماعلابالكش راح نولو نخدمو في مدبحة ..
هكدا حوايجك يقعدو نظاف
شكرا على المرور

المهم لبنات تاع الليسي طابليات بيضاء

ايه صح
مي كيف كيف
بيضاء ولا كحلة المهم طابلية والناس قع لابسينها
صح علاش ماداروناش كيما تع سوريا
لباس موحد

تع الصح وعليه الكلام
بالgري والوردي
:001_wub:

ادا داروه والله مانحيه دقيقة

​

 

[lala 2008]

هي فكرة مليحة فوووووووووووووووووووووووووووور:thumbdown:
والله ليسي نتاعنا يديرو فيهم حالة :cursing:
مي بيضة وطويلة لركبة :angry:

 

[kamou]

هي فكرة مليحة فوووووووووووووووووووووووووووور:thumbdown:
والله ليسي نتاعنا يديرو فيهم حالة :cursing:
مي بيضة وطويلة لركبة :angry:

ماشي غير الليسي تعكم برك
اوو الدزاير قع راح تنقلب
وبالاك يهجمو على المغبون تع وزير الضربية والترميم

؟؟؟؟؟؟؟؟
سور عرفتيه

​

 

[iméne09]

مليح كي خلاو الطابلية بيضة لينا والطول يلزم هوما يخيطولنا طوال من عندهم اصلا انا ماعنديش طابلية طويلة كامل يجيو قصار وين راح نلقاولهم هادو مي راح تبياش وراح كل شي هي فكرة مليحة مي دوووووماج راح نتوحشو ليام ديال طابلية قصيرة :crying: مرسي كامو ع الخبر​