يا ريت يولي الاستعمار و تبان الرجلة

[وطني]

الجيري مون امور نحب بلادي بزاف ملقري ما درتلها والو مقارنة بالشهداء الله يرحمهم هنا رانا كيما العالة فوق بلادنا راني قاصد ليجان لي كيما انا حاب نقول لا خدمة لا زدمة قاعدين غير للكيف و الخسارة نقولها ونعاودها هنا ماناش زياد ة نحبو بلادنا و لو كان يولي الاستعمار تشوفو اقسم بالله غير نريسكي انا نحب بلادي نورمال بالاك كثر من الامير عبد القادر ماديرو والو في ريسانكم مانيش مزطول راني نورمال نحب بلادي مالقري توت

 

[poli]

احم احم مليح مبادرة كيما هكا من وطني حقيقي
مي رانا كامل نحبوا بلادنا
و واحد لا قال راك زاطل ياك انت دزيري و نقولوا زاطل ماش مزطول كيما لمصاروة....هههههه
المهم نهار يستعمرونا نديروا القيرا نخرجوهم في ثانية و نص و يموتوا عبد و نص جريح الباقي يتخباو
ههههه........ضرك راهي السياسة و لا الاستعمار سياسي سلمي و ارواح انت و خرجهم راك تاكل من عندهم
اسمحلي راني كتبت مقال....ههههه
مارسي​

 

[طيور الجنة21]

يا خويا هدرتك في الصواب و ماك زاطل ماوالوا بالعكس راك اعقل العقلاء وياريت ليجان كامل يوليو كيفك ويحسوا بروح الوطنية وبالنسبة لما قلت مادرت والوا لبلادي تقدر تدير بحاجة وحدة برك القراية تاعك

 

[نجاة40]

بلادنا نحبوها كامل حتى الحراقة يحبوها لكن لي خلاهم يهربو هوما لي حاكمين البلاد لي مادارولهم خدمة لا مستقبل يخليوهم يفرحو ويطلعو المورال غير المعارف والرشاوي ولي ماعندوش الصفتين هادو ربي يكون في عونو
لكن كي تجي للصح الجزايريين يحبو بلادهم ومستعدين يموتو على جالها بصح الله غالب

 

[asma2090]

ولله معك حق على الاقل تبان الرجلة و تروح الرشوة و الرشوة هي اللي خلات لبلاد و غير لوكان يجي الاستعمار :angel_not: يحكمني واحد براني و يعدل بلادي وما يحكمنيش واحد عربي و يخليها مرسي عليك خويا

 

[rasousou]

sousou

1;2;3 vive l'algerie allah ykhalik lina bladi nhebek w nheb li yhebek

 

[غزة الجزائر]

واحد ما يتمنى ترجع فرنسا لينا لدارتو بزاف
وكاين ضركى لراه يقول الله لا يرحم الشهداء أتأمنوا بهذا ؟
والله غير توحشوها بصح ماعاشوش لعاشوها الشهداء والمجاهدين
كان يحكيلي بابا كان يقول نسف التراب ولا يدخل فرنسي لدزاير
وكان يحكيلي وش كانوا يديرولهم في الحبس
قالي وحد النهار كانوا مسلسليني ويمشوا فيا املاكي تعثرت وحبست فضربني في ضهري بالمكحله نتاعوا حتان طار الدم من فموا وعامين وهو في الحبس السياسي في فرانسا والعذاب لشافو ميعرف غير ملاه بيه
ادعولوا بالرحمة والله غير عذاب فرنسا هو لقصرلوا العمر
ونتمناو ترجع ونسينا كلش خسارة .وكاين ليقول وش داروا المجاهدين وش داروا الشهداء ؟

 

[king of the love]

اصبر خويا الخير من عند ربي ماشي من عند العباد

 

[الورد الأحمر]

بلادنا مليحة وقاعدة تمدلنا بصح خيرها ما يوصلش على خاطر
الحكام حاكمينو علينا ليهم هذا ما كان ويعطيك الصحة على الموضوع
خويا وطني
...​

 

[عاشقة مجهول]

ياخويا راك هدرت الصحيح
صح ليجون تاعنا فيهم بزاف لاخدمة ولا قدمة وكل واحد يجري على هموا ويبانواباللي كارهين لبلاد وكل شئ

بصح اللي راني متأكدة منوا وواثقة في ..............انوا الشهامة والنيف ........على لبلاد ...........راهي كاينة صح صح .........
ونقول تاني الله لا يسامح اللي ياكلوا في لبلاد ويحطموا في الشباب وقتلوا في الطاقات تاعم
الله لا يربحهم ..............قولوا آمين



تحياتي





عاشقة مجهول​

 

[zagane]

salame alaycome

klamek sahihe wa lakine fu hadu rake ghalet sahbu
بالاك كثر من الامير عبد القادر
hadu makache menha
momkine

بالاك=كيما الامير عبد القادر
mais
كثر
لالالا
sahbu

netmenna kamel chababe ykoune methelek