علاه نحشموا باللغة العربية..

[pantta27]

سلام...

نبدا الموضوع بنكتة ...قالك مرة واحد من المشرق يحكي مع جزايري قالو انتوما الجزايريين هدرتكم نص عربية و نص فرونسي..قالو الجزايري ..حنا jamais..

هادي حاجة واقعية مانهربوش منها..رانا نشوفوها كل دقيقة..جينا حاجة عيب منين نقولو مثلا 100 دينار لازم نقولو دي ميل ..علاه ولينا نحشموا من العربية حتى لحقت بينا انو اللي يتكلم باللغة العربية نشوفو ليه على انو ماشي في حوالوا
لاكان راني غالط قولولي..:music_whistling:

 

[dana1993]

لالا خويا جامي نحشم بلابارول تاع البلاد
واش لافونير تاعي راهي بيها وفيها

امبوسيبل نحشم
بيها

مي هادي هي لا فوصون دو بارلي

 

[pantta27]

هادي اول ضحية 15كلمة عربية و 6 كلمات فرنسي...ههههه

شكرا دانا على المرور

 

[himina]

علاه الحشمة الي يحشم بيها ماهوش منا​

 

[المتفائلة خيرا]

اللغة العربية من أروع اللغات ولا أظن أن هناك من يخجل بها لأنها جزء منا وهي تعبر عن انتمائنا و أصالتنا
صحيح اننا ندخل الكثير من الكلمات الفرنسية لا للاننا نخجل من لغتنا بل لأننا تعودنا أو وجدنا آبائنا يتكلمون هكذا
شيء صعب محوها لان الاستعمار عمر كثيرا وحاول تغيير ثقافتنا و أصالتنا
أنا عن نفسي أفتخر .. و يكفي أنها لغة القرآن
​

 

[dana1993]

ههههههههههههههههههه

خيو راني كنت نقصر *امزح*

شكرا على الموضوع