واش رايكم في هدرة الناس ؟؟؟

[messikimo]

هدرة الناس لاتسمن ولاتغني من جوع والي يسمع للناس يمرض ولا يهبل ويلا مهبلش معناها من بكري مهبول

 

[khaledmessaoud]

كلام الناس معندو حتى معنى المهم تكوني وثق من الشيء لدرتيه


قلك كان جحا عندو حمار يركب فوقو هو ولدو كيما يخلصو شغلهم قالو الناس شوفو جحا

معندو حتى رحما هو ولدو فوق حمار مسكين والله حرام عليهم

سمع جحا عاد يركب ولدو وهو يمشي

قالو ولد جحا مشي وتربي كيفاش باباه يمش وهو فوق لحمار

ولا جحا يركب ولدو يمشي قالو شوف جحا ميرحمش ولدو

نزلو في زوج وهزو لحما فوق دهورهم

قالو جحا ولدو هبلووووووووووووووووووووو هههههههههههههه​

 

[بلد الوليد]

انا كى نسمع كلام الناس نعيا و يحكمني النعاس و كى نرقد و النوض النوض لا باس ما يوجعنى قلبي ما يحكمني وسواس فهمتي قصدي كلام الناس نيفاق و بهتان لمحبه مخدوعه والحقد دخلانى لي يتكل على ربي ما يخاف من حتى حاجه

 

[sarasara]

صعيب بزاااف كلام الناس في مرحلة ما اثر فيا
وغيرلي مجرى حياتي ةندمت كثيييييييييير
لاني سمعت لكلام الناس
ربي يغفر للذي كان السبب

اما الان والله لو ان كلام الناس سيدخلني الجنة لن اتبعه

مشكورين سلاام سارة ​

 

[boutarfaya]

اللي يدير على هدرة الناس ما يعيشش

بصح مادا بيه الواحد يعرف شكون يهدر فيه باه يعرف كيفاش يعود يشوفو مش الناس قع كيف يكف

كل واحد وبلاصتو

وهدرة الناس ديما ورايا ما اااااا تهمش بزاف بصح في مواقف ممكن ناخدها بعين الاعتبار


شكرااااااا
​

 

[sofia10]

انا نقيس الناس في الثقيل و ندير الحاجة لي نشوفها انا صح

ربي يهديهم ايييييييييييييييه

 

[ديني حياتي]

ليس المهم ان يرضى الناس المهم ان يرضى ضميري

 

[ساجدة]

والله هدرة الناس ماكان منها مفر علي جال هدا الواحد يكون صافي مع روحو ومع ربي واذا الناس هدرو وهو ماشي على الصح فيوكل امرو لربي وهو علام الغيوب
(ولا تنابزو ولا يغتب بعضكم بعضا)

 

[سراب الروح]

السلام عليكم:
شكرا لمروركم الغالي وردكم الجميل
دمتم ودامت اللمة بتواجدكم الطيب
اطيب المنى من سراب الروح
​

 

[* تسنيم *]

السلام عليكم
و الله يا ختي يقلك لي يدير على هدرة الناس مايعيشش
و ساعات هدرة الانس تكيس بزاف و ساعات هيا لي تخليني نوقف على رجليا ونتحداهم
المهم هدرة الناس ماش منها فايدة وهي تخلص تخلص
و مشكورة على الموضوع قيم

 

[ملكًة الاحسآس]

نقولك حاجة انا ندير واش يقولي راسي ،مادامني مارانيش ندير في حاجة تغضب ربي ووالديا،والناس كما تدير معاهم ماترضيهمش،ويقولو واش يحبو راهم يزيدولي فالحسنات ​

 

[Manar19]

لانسان يحاول كفاه يكون محترم ويبعد على الشبهات باه تكون نضرة الناس ليه مليحة وللي يهدرو فيك بدون سبب او بسبب لغيرة هدوك هوما للي يمرضو موش انت (عندما يمدح الناس شخصا فقليل يصدقون, وعندما يدمونه فالجميع يصدقون)

 

[حسان]

لي يدير على هدرة الناس . يمرض بالوسواس


​

 

[nina88]

ما تدي ما جيب

 

[nania]

ميرسي على هاد الموضوع............a mon avisماتهمنيش هدرة الناس ياك باطل.............هي صح منين داك كي يفوتو الحد تغيدك عمرك ..............لكن حقيقة لازم نعرفو بلي مادام هدرو فيك الناسc donc
انتا فور عليهم و خير منهم و هوما بيهم الغيرة و ماقدروش يلحقوك.......................................يا خاوتي هادا رايي ان شاء الله تكونو موافقيني في الراي

 

[BARCA232]

كلام الناس وما ادراك ما كلام الناس يهدرو حبيت ولا كرهت.شكرا

 

[سراب الروح]

السلام عليكم:
شكرا جزيلا لكل من ادلى برأيه الخاص او حتى مرّ مرور الكرام...
دمتم ودامت للمة بتواجدكم الطيب وارائكم و مداخلاتكم و مروركم الكريم
تحياتي لكل المتواجدين باللمة
اطيب المنى من سراب الروح​

 

[amira51]

هدره الناس متهمنيش ابدا
في صالحى او ضدي
منسمعهاش اصلا​

 

[سراب الروح]

السلام عليكم:
تحياتي لكافة اعضاء اللمة الغالية
شكرا لمداخلاتكم الطيبة ومروركم الكريم
دمتم ودامت اللمة بتواجدكم الطيب
اطيب المنى من سراب الروح​

 

[AMINATO]

anas koulyoum tahdar loukan koul wahed ichouf 3youbou wahed ma yhder 3la loukher.